Спорт
„Кралот“ во Амстердам, „милионерите“ во Лондон
Нови два натпревара вечерва ќе се одиграат во нокаут-рундата во Лигата на шампионите. Европскиот првак Реал во првиот меч од осмина-финалето ќе гостува кај Ајакс, а Тотенхем ќе ја пречека Борусија Дортмунд.
Дуелот на арената „Јохан Крјф“ во Амстердам тежи 17 трофеи во најквалитетното клупско натпреварување. Пред два месеца Реал беше во криза и тогаш Ајакс изгледаше како фаворит. Во меѓувреме работите се сменија, Реал ја крена својата форма, влезе во серија победи и се врати во шампионската трка во Шпанија.
Од друга страна, формата на Ајакс е далеку од потребното ниво за вакви натпревари. Кога во првенството, на домашен терен, испушти предност 3:1 против Херенвен (4:4), доживеа дебакл во дербито кај Феенорд (2:6), а кризата ја продлабочи минатиот викенд со поразот од Хераклес.
Линиите во Реал изминатиот месец функционираат речиси беспрекорно, оската Модриќ-Каземиро-Крос функционира одлично, Бензема влезе во голгетерска форма, а тинејџерот Винисиус Жуниор е вистинско освежување во нападот. Дополнителна стабилност и сигурност дава и дефанзивниот бедем, во кој се Рамос и Варан.
Ајакс е комбинација на младост и искуство. Лидер во тимот е Србинот Тадиќ за кого клубот на Саутемптон му плати рекордни 20 милиони евра. Тадиќ е прв стрелец (пет гола) и асистент (три асистенции) на Ајакс во Лигата на шампионите. Во нападот најголемата опасност доаѓа од поранешниот играч на Реал, Хунтелеар, а играта на тимот во многу нешта зависи од младите Де Лихт и Де Јонг.
Овие двајца се најбараните млади играчи во Европа. Де Јонг веќе го договори својот трансфер во Барселона, а за Де Лихт ќе се тепаат Баерн, Барселона, Јувентус, Манчестер јунајтед, Манчестер сити.
На „Вембли“ во Лондон, Тотенхем ќе ја пречека првопласираната екипа во Бундеслигата, Борусија Дортмунд. Имињата на тимовите и пристапот што го имаат кон играта гарантира две атрактивни пресметки.
Она што е важно пред првиот меч е што двајцата тренери, Маурисио Покетино (Тотенхем) и Лусиен Фавр (Борусија), имаат сериозни кадровски проблеми.
Покетино не може да смета на најдобриот играч Кејн, потоа на Деле Али, Дејвис, веројатно и Ламела, а кај Борусија ќе ги нема капитенот Ројс, најдобриот стрелец Пако Алкасер, како и Аканџи, Вагл, Пишчек.
Натпреварите во Амстердам и Лондон ќе почнат во 21 часот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Геј се огласи по инцидентот со Кин
Евертон го победи Манчестер Јунајтед на „Олд Трафорд“, во натпревар кој ќе се прераскажува поради бизарниот црвен картон, што го доби Идриса Гана Геј.
Сенегалецот, во раната фаза од натпреварот му удри шамар на сограчот Мајкл Кин, поради што беше исклучен.
Геј проговори веднаш по натпреварот и им се извини на сите, пред сè на Кин.
„Прво сакам да му се извинам на Мајкл Кин. Преземам целосна одговорност за мојата реакција. Исто така, би сакал да им се извинам на моите соиграчи, тренерскиот штаб, навивачите и клубот. Она што се случи не го одразува тоа кој сум јас или вредностите за кои се залагам. Емоциите можат да зовријат, но ништо не го оправдува ваквото однесување. Бидете сигурни, ќе направам сè за да не се случи ова повторно“, рече Геј.
Евертон го победи Манчестер Јунајтед на „Олд Трафорд“ со 1:0, иако играа без исклучениот Геј од 14-та минута.
Foto/ EPA
Спорт
(Видео) Јокиќ 10-ти пат со трипл-дабл, Денвер победи во Мемфис
Нова НБА ноќ и нов трипл-дабл од неверојатниот Никола Јокиќ. Србинот одигра неверојатен натпревар и покрај тоа што шутираше само девет пати, погоди пет пати од тоа само две двојки и три тројки од четири обиди. Јокиќ беше неверојатен во победата на Денвер Нагетс од 125:115 над Мемфис Гризлис.
Јокиќ мечот го заврши со 17 поени, 16 асистенции и 10 скока, го забележа 10-от трипл дабл во сезоната и 174-ти во кариерата.
За помалку од 34 минути на теренот, Јокиќ приреди спектакл, погоди тројка од половина терен, делеше нестварни асистенции, а по една таква за Пејтон Вотсон коментаторот на Мемфис Гризлис призна:
„Тој е незапирлив. Ова е едно од најдобрите додавања што сум ги видел.“
Nikola Jokic is really a nonchalant hooper 😭🔥
The Joker drops another triple-double and gets the W in Memphis 💪 pic.twitter.com/LFDExgEEoU
— NBA on ESPN (@ESPNNBA) November 25, 2025
Нагетс ја забележаа 13-та победа во сезоната и имаат скор од 13-4, што во моментов е доволно добро за второто место во Западната конференција. Заедно со неверојатниот Јокиќ, Денвер до победата го предводеа Џамал Мареј со 29 поени и осум асистенции (погоди две тројки во финишот кога го реши прашањето околу победникот), како и Пејтон Вотсон со 27 поени.
Никола Јокиќ во досегашниот дел од сезоната има трипл-дабл просек од 29,6 поени, 12,8 скока и 11,1 асистенции.
Резултати:
Индијана – Детроит 122:117
/Сиакам 24 – Канингем 24/
Торонто – Кливленд 110:99
/Инграм 37 – Мичел 17/
Бруклин – Њујорк 100:113
/Клауни 31 – Таунс 37/
Мајами – Далас 106:102
/Хиро 24 – Вашингтон 27
Милвоки – Портланд 103:115
/Портис 22 – Грант 35/
Њу Орлеанс – Чикаго 143:130
/Вилијамсон 29 – Досунму 28/
Хјустон – Феникс 114:92
/Томпсон 28 – Брукс 29/
Голден Стејт – Јута 134:117
/Кари 31 – Џорџ 28/
Сакраменто – Минесота 117:112
/Де Розан 33 – Едвардс 43/
Спорт
(Видео) Евертон по 12 години победи на „Олд Трафорд
Фудбалерите на Евертон го победија Манчестер Јунајтед на „Олд Трафорд“ со 1:0, во последниот натпревар од 12-то коло од Премиер лигата.
Последен пат Евертон славеше на „Олд Трафорд“ пред оваа средба во 2013 година кога актуелниот менаџер, Дејвид Мојес ги предводеше „Црвените ѓаволи“. По 12 години, „Карамелите“ успеаја да го освојат Театарот на соништата, со Мојес на клупата, за кого тоа беше прва победа на Олд Трафорд во Премиер лигата откако ја напушти клупата на Манчестер Јунајтед во 2014 година.
Неверојатен меч на „Олд Трафорд“, кој ќе се паменти по бизарниот црвен картон во 14-та минута. Идриса Гана Геј доби директен црвен картон, откако му залепи шлаканица на соиграчот Мајкл Кин. Евертон. Црвениот картон како да им даде крилја на играчите на Евертон.
Само 16 минути подоцна Дјусбери-Хол постигна прекрасен гол за шокантно водство на гостите од Ливерпул.
Малкумина на „Олд Трафорд“, помислија дека тоа ќе биде единствениот гол, а Џошуа Зиркзе имаше најмногу шанси да го смени резултаот.
Холанѓанецот имаше две одлични шанси во второто полувреме, но Џордан Пикфорд интервенираше феноменално во двата наврати и на крајот ги спаси големите три бода за тимот од Ливерпул.
Јунајтед ја пропушти можноста да им се придружи на водечките тимови и сега е 10-ти со 18 бода. Негов следен ривал ќе биде Кристал Палас.
Евертон има ист број бодови како Јунајтед, се наоѓа на 11-то место, а негов следен ривал ќе му биде Њукасл.
Foto/ EPA
Поради одрон во прекин е сообраќајот на регионалниот пат Ресен- Граничен премин Стење
Денеска од 07:55 часот, поради одрон на патот помеѓу селата Царев Двор и Отешево, во прекин е сообраќајот во двата...
Би-би-си: Украинците би можеле да се согласат на изменет мировен план, Русите се друга приказна
Доналд Трамп силно сака мировен договор во Украина. Киев сака мир уште повеќе, но не по секоја цена, пишува Би-би-си...
САД преговараат со Русите и Украинците: „Мора да бидеме сигурни дека Русите се согласуваат со ова“
Секретарот на американската армија, Ден Дрискол, пристигна во Абу Даби доцна синоќа на разговори со шефот на украинската воена разузнавачка...
Венецуела до авиокомпаниите: Имате 48 часа да ги продолжите летовите или ќе ја изгубите дозволата
Венецуелскиот институт за авијација денес им соопшти на меѓународните авиокомпании дека мора да ги продолжат летовите до земјата во рок...
ОН: На секои десет минути жена е убиена од близок човек
ОН вчера соопшти дека минатата година речиси 50.000 жени и девојки биле убиени од интимен партнер, осудувајќи го недостатокот на...
(Видео) Зеленски испрати драматично предупредување: неколку часа подоцна, Русите брутално го нападнаа Киев
Русија синоќа започна жесток напад врз Киев и други украински градови, користејќи беспилотни летала „Шахед“ и балистички ракети „Кинжал“. Нападите...
Мицкоски не знаел за инцидентот со Аца Лукас, но најави строга контрола на естрадата: Јасни се законите и правилата, секој мора да ги почитува
Премиерот Христијан Мицкоски од кого викендов на социјалните мрежи се бара извинување по приведувањето на српскиот пејач Аца Лукас во...
Мораме да се срамиме и да црвениме пред Стразбур, вели Мицкоски откако судот најави отворање предмет за случајот на Јанкулоска
Мораме да се срамиме и да црвениме пред Стразбур, вели премиерот, Христијан Мицкоски, откако судот најави отворање предмет за случајот...
Уапсен 16-годишник од Охрид: силувал 12-годишно девојче, друг малолетник го снимал, а трет го уценувал девојчето
Денеска во 10:00 часот, полициски службеници од СВР Охрид лишија од слобода 16-годишник од Охрид поради сомнение дека на 12.11.2025...
Бебе почина во Општата болница во Кичево: било донесено во тешка здравствена состојба
Вчера во 22:10 часот во ОВР Кичево е пријавено дека на детското одделение при Општата болница во Кичево во тешка...
„По налог на Груевски Мицкоски ја враќа државата деценија назад“, велат од СДСМ
„Македонија повторно се наоѓа во изолација. Наместо држава што чекори напред, со јасна европска перспектива, денес гледаме изолирана земја додека...
Јанкулоска: Судот во Стразбур отвора сериозни прашања за судењето и пресудата против мене
Европскиот суд за човекови права денес објави дека отвара сериозни прашања во однос на документираните повреди на правото на правично...
„Кацарска со двојни стандарди, за себе и судиите полни џебови и привилегии, за пензионерите бара укинување на зголемувањето на пензиите“, велат од ВМРО-ДПМНЕ
„Добрила Кацарска беше наградена во уставен судија поради понизноста и послушноста кон СДС. Кацарска како послушничка и извршителка на Заев,...
Маж почина во авион пред слетување во Белград: oпшта драма на аеродромот
57-годишен маж од Македонија почина вчера за време на летот од Чикаго до Белград. Според српски Телеграф, на патникот му...
Кардиологот и алпинист Сашко Кедев одликуван со Орден „8 Септември“
Претседателката Гордана Сиљановска-Давкова го одликува кардиологот и алпинист Сашко Кедев со Орден „8 Септември“, за особените заслуги во медицината, не...
Четириесет дена откако почина Панчо од „ДНК“, колегите од македонската сцена со трогателни пораки
Четириесет дена по смртта на Владимир Блажев, познат на јавноста како Панчо од хип-хоп дуото „ДНК“, социјалните мрежи повторно се исполнети со неговото име....
11.500 студенти веќе подигнале нови електронски уреди, Владата додели над 33.000 ваучери
Владата информира дека заклучно со вчерашниот ден се доделени вкупно 33.682 ваучери за студенти, секој во вредност од 15.300 денари....
Градоначалникот Митко Јанчев по скандалот со Аца Лукас: Кочани сценарио нема да дозволиме
Не стивнуваат реакциите по скандалот што се случи со пејачот Аца Лукас кога беше прекинат неговиот концерт во Кавадарци. Тој...
Пакуван помфрит со поминат рок требало да се продава на македонскиот пазар, АХВ го спречи увозот и го уништи
Инспекциските служби на Агенција за храна и ветеринарство (АХВ), спречија увоз на 20.500 килограми замрзнат компир – помфрит, со поминат...
Еден загинат во поплавите во Албанија по обилните дождови
Најмалку едно лице загина во Албанија во поплавите предизвикани од обилните дождови што паѓаат во изминатите неколку дена, соопшти денес...
