Спорт
Криминалната организација Ндрангета го тероризира семејството Гатузо
Припадници на озлогласената група „Ндрангета“, зад која стои моќното и бескрупулозно семејство Монталбано, со месеци го малтретираат семејството Гатузо, додека калабриската полиција и генерално италијанските власти немо го следат сето тоа.
Римскиот „Ил Месаџеро“ е единствениот досега кој го крена гласот против мафијашката организација, која глобално не е позната како сицилијанската „Коза ностра“ или неаполската „Камора“, но чија моќ не ослабна од 50-ти години на 20 век. .
Американските разузнавачки служби во еден момент објавија дека „Ндрангета“ остварува профит од 3% од бруто домашниот производ на Италија од трговија со дрога, рекет и перење пари.
Како скромното семејство на некогаш успешен фудбалер, сега фудбалски тренер, заврши на црната листа на оваа криминална организација се уште е тема на шпекулации во Италија, но „Ил Месаџеро“ пренесува дека Џенаро Гатузо размислува да ги пресели своите најблиски надвор од Италија, на некое побезбедно место.
Тренерот на Олимпик од Марсеј на неколку начини се обидел да го реши спорот со мафијата, неколку медиуми тврдат дека тој им платил одредена сума на пари на членовите на оваа група, но дека проблемите не престанале.
Последните вести за оваа семејна драма на поранешниот светски шампион со Италија велат дека бил запален уште еден автомобил на сестрата на Гатузо.
Дури тогаш, врз основа на прислушуваните разговори, калабриската полиција ги уапсила двајцата осомничени.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Де Хеа фати два пенали, Мањан еден – Фиорентина го победи Милан
Фиорентина го победи Милан со 2:1 во неверојатен натпревар, кој ќе се паменти по три одбранети пенали, два во првиот дел и еден на почетокот на вториот дел.
Првиот пенал го одбрани голманот на гостите Мајк Мањан, другите два домашниот голман и Давид Де Хеа.
Во 20. минута, судијата Лука Паирето доби повик од ВАР собата поради спорна ситуација на работ од шеснаесетникот во која беа вклучени Додо од Фиорентина и играчот на Милан, Тео Ернандез.
Пеналот го изведе Мојс Кин, но Мањан излезе како победник, тој фати „жива топка“.
„Виолетовите“ тогаш не постигнаа гол, но постигнаа во 35. минута, а стрелец беше Јасин Адли, фудбалер на Милан испратен во Фиорентина на позајмица.
Екипата на Милан имаше одлична можност да израмни во судиското надополнување на првото полувреме, но Давид Де Хеа успеа да го „прочита“ Тео Хернадес и да го одбрани пеналот.
Во 56. минута нов подвиг на Де Хеа, му одбрани пенал на Тејми Ејбрахам.
Сепак, само четири минути подоцна не можеше ништо: Тео Ернандез асистираше, Кристијан Пулишиќ елегантно ја испрати зад грбот на Де Хеа за 1:1.
Во меѓувреме и двете екипи создадоа неколку добри ситуации, а во 73. минута Алберт Гудмундсон со прецизен удар повторно ја доведе Фиорентина во водство.
Натпреварот беше тензичен, во 85. минута црвен картон доби тренерот на Фиорнетина, Рафаеле Паладино, а на крајот црвендоби и капитенот на Милан, Тео Ернандез.
Милан по поразот е шести на табелата со 11 бодови, Фиорентина е на 11. место со бод помалку.
Во следното коло Фиорентина оди кај Леге, додека Милан го пречекува Удинезе.
Спорт
(Видео) Сомнителен пенал го реши дерби Севилјано
Фудбалерите на Севилја славеа против Бетис во градското дерби со 1:0,
Севилја, со денешниот триумф се изедначи со Бетис, двата тима имаат по 12 бода, колку што има и Селта. Овие три тима се на делба од деветтата до 12.позиција.
Домашните први постигнаа гол во 10. минута, но Ејуке беше во недозволена позиција, па голот беше поништен.
На другата страна, голема шанса пропушти Витор Роке кога неговиот удар со глава успеа да го одбрани Ниланд.
Во средината на првиот дел од играта се обиде и Лукебакио од далечина кога Силва одлично реагираше, а до одморот немаше промена на резултатот.
Почетокот на вториот дел го донесе клучниот момент на натпреварот. Диего Љоренте играше со рака, Севилја доби пенал, а Доди Лукебакио беше сигурен од белата точка во 50. минута од натпреварот.
Пеналот е котраверзен бидејќи топката го погоди Љоренте кога тој беше свртен со грб, на само половина метар беше оддалечен од играчот кој шутираше, раката не беше до телото, но физички не можеше да биде.
По повик од ВАР собата, судијата Хуан Мартинез покажа на белата точка, теоретски имаше основа за пенал, но впечаток е дека сепак одлуката беше престрога.
Главниот судија покажа вкупно десет жолти картони, поради два жолти во финишот на мечот беше исклучен Нијанзу.
Спорт
(Видео) Спектакуларен пресврт на Брајтон против Тотенхем од -:2 до 3:2
Фудбалерите на Брајтон со спектакуларен пресврт славе победа над Тотенхем во 7.коло во Премиер лигата. „Галебите“ губеа на полувреме со 0:2, на крајот славеа победа со 3:2.
Како што покажа резултатото првиот дел апсолутно им припадна на фудбалерите на Тотенхем. Постигнаа два гола преку Џонсон во 23. и Медисон во 37.минута.
Домашните се разбудја во вториот дел и за само 18 минути направиа целосен пресврт. Резултатото го намали Минтех во 48., изедначи Рутер во 58, а целосен пресврт направи Велбек во 66.минута.
Брајтон се шести на табелата со 12 поени, Тотенхем имаат два бода помалку и се на деветтото место.