Спорт
Кристал Палас нема да игра во Лига Европа
Кристал Палас, сензационално го освои ФА купот што му овозмоѓува прв пат во клупската историја да игра во натпреварување во организација на УЕФА. Кристал Палас ќе се натпреварува во Лига Европа, доколку добие дозвола од УЕФА.
Сопственичката структура мое да го остави Кристал Палас без настап во Лига Европа оваа сезона. Џон Текстор, кој има удел во Кристал Палас, веќе има еден клуб во ова натпреварување, Олимпик Лион.
Текстор поседува 88% од акциите на Лион и 43% од акциите на Палас преку компанијата „Игл Холдингс“.
Правилата на УЕФА не дозволуваат два клуба од ист сопственик да играат во исто натпреварување, а оној што бил рангиран пониско на табелата на националното првенство би бил елиминиран.
Лион беше шести во француската Лига 1, додека Палас заврши на 12.место во англиската Премиер лига.
Како решение, беше спомената опцијата Палас да се натпреварува во Конференциската лига, но Текстор поседува и клуб таму, дански Брондби, кој беше трет во своето првенство.
Ова значи дека Кристал Палас е во безнадежна позиција и се чини дека ќе остане без Европа, ако не успее да докаже дека Текстор поседува само 25 проценти од акциите во клубот, како што тврди раководството на лондонскиот клуб.
Челниците на Палас треба да се сретнат со претставници на УЕФА и да се обидат да го решат проблемот.
Доколку Палас добие забрана за играње во Лига Европа, Нотингем Форест би влегол во ова натпреварување од Конференциската лига, додека место во Конференциската лига би се пласирал Брајтон.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Лил ја згасна Звезда
Фудбалерите на Лил триумфално го завршија натпреварот во Белград. Надополнија минус од еден гол, и по продолженијата со 2:0 славеа на „Рајко Митиќ“.
Дека Црвена звезда ќе има тешка вечер, навести ветеранот Оливие Жиру со голот во четвртата минута. Лил ја анулира предноста на противникот и потоа доминираше во првиот дел, но резултатото не се промени.
Второто полуврме донесе подобра игра на домаќинот, неколку шанси, без реализиција, па натпреварот замина во дополнителните 30 минути.
Таму на црвено-белите им пресуди Ендој во 99-та минута.
Лил во осминафиналето ќе игра против Лион или Астон Вила.
Foto/ Starsport
Спорт
Убедлив пораз на Шкендија кај Самсунспор
Фудбалерите на Шкендија го завршија својот настап во Конференциската лига. Вечервва, во рамките на плејофот за место во осминафиналето, Шкендија загуби со 4:0 кај Самсунспор. Турскиот тим со вкупен резултат 5:0 се пласира во следната фаза.
Шкендија успеа да издржи во првиот дел, но во вториот домаќинот ја демонстрираше својот квалитет.
Нтчам од пенал погоди во 53-та минута, а Ендиај го зголеми резултатот во 71-та. Точка на победата стави стрелецот на голот во Скопеј, Мариус во 79-та и 92-та минута.
EPA/GEORGI LICOVSKI
Спорт
Челзи или Баселона – Луис Енрике откри со кого сака да се соочи
Тренерот на Пари Сен Жермен, Луис Енрике, повеќе би сакал да се соочи со Челзи отколку со Барселона во осминафиналето од Лигата на шампионите.
Актуелниот првак немаше лесна задача во баражот, но успеа да го елиминира Монако. Утре ќе го дознае противникот во осминафиналето.
„Ќе бидам целосно искрен, нека Барселона не заобиколи овој пат. Веќе реков дека сакам повторно да играм против Челзи. Овој пат не сакам да играм против Барселона. Од емотивна страна, дуелот со Барса е секогаш посебен за мене, бидејќи е убаво да се вратиш дома. Барселона е прекрасна и многу посебна за мене. Затоа би сакал да играм против Челзи, ни должат, рече Луис Енрике.
Шпанецот алудираше на поразот во финалето на Светското клупско првенство во кое Челзи победи со убедлив резултат од 3:0.
Ждрепката за осминафиналето од Лигата на шампионите е закажана за петок во 12:00 часот.
Foto/ depositphotos

