Аргентинскиот фудбалер, Гонзало Игуаин по раскинувањето на договорот со Јувентус реши да се испроба и во американската МЛС лига, во Интер Мајами. За клубот каде еден од сопствениците е Дејвид Бекам аргентинскиот ас одигра досега 6 меча и еднаш се запиша во листата на стрелци. Во разговор за „CBS Sports“ тој вели дека повторно ужива во фудбалот.

„Секогаш бев љубопитен кога ги гледав брат ми и други играчи, па сега сум овде за повторно да бидам среќен. Мислам дека Интер Мајами ми даде се што ми е потребно. Со доаѓањето овде повторно ми се разбуди детското чувство кое во Европа го загубив од разни причини “ вели 32-годишниот фудбалер.

Соиграч на Гонзало му е неговиот 35-годишен брат, Федерико.

„Има многу работи кои не ги знаев за него (Федерико) затоа што бевме далеку еден од друг. Ние загубивме 15 години и сега се обидуваме да го надополниме времето“ – смета Игуаин помалиот.

Една од работите кои му сметале при настапите во европските првенства се медиумите.

„Од медиумска перспектива , во Европа се бара премногу. Морав да се докажувам буквално секој ден, од меч во меч, и тоа го правев цела кариера. Моето трпение се ближеше до крај. Не ти дозволуваат вистински да уживаш“ смета тој.

Рафаел Надал до крајот на сезоната ќе настапи на мастерсот во Париз и завршниот Мастерс во Лондон.

Шпанецот, по освојувањето на 13 трофеј на Роланд Гарос, не беше сигурен дека ќе настапи на уште некој турнир до крајот на сезоната. По консултациите со својот тим тој решил да игра на овие два турнири.

Мастерсот во Париз, е е ден од трите турнири од мастерс серијата на кои Надал никогаш не победил. Останатите два се Мајами и Шангај. Исто така Рафа никогаш не победил на завршниот Мастерс во сезоната.

Во главниот град на Франција надал може да заработи 640 поени, што би му овозможило да се врати во трката за првото место на АТП листата. На завршниот Мастерс, Надал, минатата година, забележа две победи и не успеа да ја мине групата.

Турнирот во Париз на програмата е од 2 до 8 ноември, а завршниот Мастерс во Лондон ќе се игра од 15 до 22 ноември.

Европската фудбалска унија (УЕФА), во наредните пет сезони, ќе го намали наградниот фонд, пишува „Тајмс“. Повикувајќи се на извори во УЕФА, овој медиум, тврди дека УФА се соочила со големи финансиски проблеми, поради коронавирусот.

Во текстот, „Тајмс“ наведува дека УЕФА поради пандемијата е во минус од 500.000.000 евра, што е премногу дури за толку голема и мо
на организација.

Поради тоа во наредните пет години УЕФА ќе го намали наградниот фонд за четири отсто.

Секоја година УЕФА на клубовите и националните федерации им распределува 2.000.000.000 евра. Со новите мерки, УЕФА во наредните пет години ќе дели 80.000.000 евра помалку за да го надомести минусот.