Спорт
Кристијано им порача на критичарите да молчат!
Кристијано Роналдо со неверојатен пост на Инстаграм одговори на сите шпекулации кои го поврзуваат со трансфер во Реал Мадрид, Пари Сен-Жермен и Манчестер сити, порачувајќи им на луѓето да „не се играат со неговото име“.
Последните неколку дена имаше многу шпекулации околу Португалецот – од тоа дека неговиот агент го понудил на Манчестер сити, до љубомората од тимот на ПСЖ и желбата да игра покрај Лионел Меси, до најавите за враќање во Реал, кои денеска ги демантираше тренерот на тимот, Карло Анчелоти.
ЦР7 одговори со долг пост.
„Секој кој ме познава е свесен колку сум фокусиран на мојата работа. Помалку зборување и повеќе акција, тоа е моето мото од почетокот на кариерата. Меѓутоа, откако ги видов работите кои беа кажани и напишани неодамна, морам да ја кажам мојата позиција. Повеќе од непочитувањето кон мене како фудбалер и човек, овие шпекулации покажуваат непочитување кон клубовите вклучени во шпекулациите, како и нивните фудбалери и тренери. Мојата приказна во Реал Мадрид е напишана, во зборови, трофеи, титули и наслови. Таа е во музејот на ‘Бернабеу’ и во умот на фановите. Покрај Шпанија, има и вести кои ме поврзуваат со клубови од различни лиги, без некој да се обиде да ја дознае вистината. Сега, кажувам да престанат да се играат со меото име. Посветен сум на кариерата и работата, и на сите предизвици кои се пред мене. Другото? Другото е само зборување“, вели Роналдо.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Вработена го оштетила Челзи за 230.000 евра
Поранешна долгогодишна вработена во Челзи се изјасни за виновна за измама на клубот за повеќе од 200.000 фунти (околу 230.000 евра) во период од четири години.
39-годишната Клер Волш, која работеla како помошничка благајничка, ја злоупотребила својата позиција за лична корист и сега се соочува со затворска казна до 10 години.
Волш се појави пред Судот за прекршоци во Вестминстер, каде што се изјасни за виновна по обвинението за измама со злоупотреба на службената должност во периодот јуни 2019 и октомври 2023 година.
Судијата Киран О’Донел ѝ соопштил дека обемот на измамата е надвор од овластувањата на Судот за прекршоци за изрекување казни.
Волш работи за Челзи повеќе од 20 години. Таа ќе биде осудена во Крунскиот суд во Ајлворт на датум што ќе биде дополнително одреден.
Клубот откри финансиски неправилности на почетокот на 2022 година и веднаш го проследи случајот до полицијата.
Спорт
Пулишиќ е повреден, нема да игра против Лацио
Кристијан Пулишиќ американскит репрезентативец и херој на неодамнешната победа во дербито против Интер ќе го пропушти претстојниот првенствен натпревар против Лацио, потврди тренерот Масимилијано Алегри.
На прес-конференцијата пред натпреварот, Алегри истакна дека Пулишиќ „веројатно нема да игра“, но остави мала можност за промена со оглед на тоа што остануваат уште два дена до натпреварот.
Тој нагласи дека остатокот од тимот е во добра состојба, но дека не сака да ризикува со Американецот, особено затоа што неодамна се опорави од повредата на тетивата.
Оваа ситуација е особено фрустрирачка за Милан бидејќи Пулишиќ штотуку се врати во полна форма по повредата здобиена за време на репрезентативните обврски во октомври.
И покрај тоа што пропушти четири натпревари, Пулишиќ беше клучен играч за Милан оваа сезона со седум гола и две асистенции во само 10 настапи во сите натпреварувања.
Спорт
(Видео) Нејмар ги игнорираше лекарските совети и му донесе на Сантос важна победа
Нејмар постигна гол и асистенција, а Сантос го победи Спорт Ресифе (3:0) во клучниот натпревар, во борбата за опстанок на славниот тим во бразилската Серија А.
Нејмар реши да игра и покрај проблемите со повредата на коленото и препораката од лекарите да не игра.
Тој беше во почетниот состав во натпреварот од 36-тото коло на бразилското првенство.
Игнорирајќи го советите на лекарите, тој продолжи да тренира во текот на неделата, а неговата решителност се исплатеше на теренот.
Нејмар го постигна првиот гол во натпреварот, а подоцна забележа асистенција.
Neymar is injured and yet still scoring to save Santos from relegation; football is not just a game. ❤️ pic.twitter.com/aOfzheOtj6
— 𝐌 (@MooreRMFC) November 29, 2025
„Физички сум добро, се чувствувам сè подобро и подобро. Оваа повреда е иритирачка, но нема да ме спречи да продолжам. Затоа сè уште играм. Сега е време да размислувам за Сантос, да размислувам за тоа Сантос да остане таму каде што заслужува да биде, во Серија А“, рече 33-годишниот Нејмар.
Со новите три бода, Сантос, во најлош случај, ќе го заврши овој викенд на 16-то место, веднаш над зоната за испаѓање, благодарение на подобрата гол-разлика од Интернационал.

