Спорт
Кристијано прогласен за играч на векот!

Кристијано Роналдо во Дубаи ја доби наградата за играч на векот (иако се поминати само 20 години од 21. век), во организација на „Глоуб сокер наградите“.
Под највисоката зграда на светот, Бурж Халифа, Роналдо доби најмногу гласови во гласањето победувајќи ги Лионел Меси и Мохамед Салах како најдобар фудбалер овој век. Роберт Левандовски ја доби наградата за најдобар играч, неговиот тренер од Баерн Минхен, Ханси Флик беше прогласен за најдобар тренер.
Реал Мадрид, пак, беа прогласени за клуб на векот со пет титули од ЛШ, седум шпански титули и две титули од Копа дел реј од 2001, додека Пеп Гвардиола беше прогласен за тренер на векот.
„Да се биде тука со големи шампиони како Роберт Левандовски, Жерард Пике и Икер Касилјас е неверојатно. Икер е огромен пример за сите нас. Кога го имаше здравствениот проблем, не натера да се замислиме што е најважно за нас. Имам 36 години, но уште го сакам фудбалот, животот и семејството. Оваа награда ќе ми даде голема мотивација. Се надевам дека пандемијата ќе заврши следната сезона и ќе имаме повеќе фанови со нас“, изјави Роналдо.
Касилјас и Пике добија посебни награди за нивната кариера, додека Баерн Минхен беше прогласен за клуб на годината. Египетскиот клуб Ал Ахли, кој освои 13 египетски титули и 7 Африкански ЛШ е прогласен за најдобар клуб на Блискиот Исток во 21. век. Агентот на Роналдо, Жорге Мендеш ја доби наградата за агент на векот, а посебни награди добија две легенди кои веќе не се со нас – Диего Марадона и Паоло Роси.
🏆 Congratulations to 🇵🇹 CRISTIANO RONALDO on winning the Globe Soccer Award for the PLAYER OF THE CENTURY 2001-2020 👏#CristianoRonaldo #CR7 #Bvlgari #GlobeSoccer pic.twitter.com/Y8Bg2ZfapO
— Globe Soccer Awards (@Globe_Soccer) December 27, 2020
Highlights of the 2020 Special Edition of the Globe Soccer Awards in Dubai. What’s your favourite moment of this magical evening? 👏👏👏👏👏#GlobeSoccer @DubaiSC pic.twitter.com/pdMk2ya232
— Globe Soccer Awards (@Globe_Soccer) December 27, 2020
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Балотели не го сакаат ни во родниот град: Ти си човек без достоинство!

Еден од најконтроверзните фудбалери на денешницата, Италијанецот Марио Балотели повторно е во центарот на вниманието. Неговиот нов клуб Монца неодамна гостуваше во Бреша, на стадионот „Марио Ригамонти“ во меч од Серија Б.
„Кориере дела Сера“ пишува дека Балотели не можел да се паркира во внатрешниот дел од стадионот, па морал да бара паркинг надвор од стадионот.
Пред стадионот бил дочекан со транспарент со кој навивачите на Бреша му порачале дека тој нема достоинство.
„Постојат играчи кои го сакаат овој град, а ти за нас ништо не вредиш. Ти си човек без достоинство“ гласела пораката.
Поранешниот репрезентативец на Италија е роден во 1990 година во Палермо, но израснал во Бреша каде настапуваше до неодамна. Сепак, кога тимот почна да бележи лоши резултати, Марио на полусезона го напушти клубот и ги остави „на цедило“, што навивачите не му го заборавиле, а очигледно не му го ни простиле.
Спорт
Чупиќ: Данска и Норвешка најголеми фаворити за финале, ќе решава една топка

Хрватскиот ракометар Иван Чупиќ, десното крило на скопски Вардар, по враќањето на својата селекција во татковината, ги искажа импресиите по одиграниот шампионат.
„Не може да е добро кога не отидовме во четврт-финале, одигравме многу лош меч со Данска и резиме на сè е дека требаше и можеше подобро. Ни недостигаше од сè по малку – и одбрана, и транзиција, и напад, и играчи и помалку повреди. Не треба да се бара алиби затоа што овој резултат е нашата реалност“, рече Чупиќ за хрватските медиуми по доаѓањето во Загреб.
Хрватскиот репрезентативец одигра на мундијалот помалку од 2 часа, а своето најдобро издание го имаше против Аргентина (Хрватска доживеа пораз од „гаучосите“) со 7 гола. Играчот за кој се споменува дека ќе го напушти црвено-црниот дрес и ќе се врати во редовите на Загреб го прогнозира и изгледот на финалната двојка на шампионатот.
„Норвешка се подигнува, Франција се мачи, но секогаш е Франција, Данците изгледаат самоуверено и моќно, Шпанците знаат да играат важни мечеви, и тоа се главните 4 фаворити. Ги гледам Данците и Норвежаните како најголеми фаворити иако ќе одлучува една топка“, смета хрватскиот ракометар.
Спорт
Ноле со порака на денот кога почина Коби: „Те сакам, пријателе мој“

Точно една година помина од трагичната хеликоптерска несреќа во која меѓудругите животот го загуби и кошаркарскиот ас, Коби Брајант – трагедија која го здрма спортскиот свет. Веста за трагедијата на Коби, српскиот тениски ас, Новак Ѓоковиќ го затекна на Австралија опен.
„Тој е еден од најголемите спортисти на сите времиња, ме инспирираше мене и многу други. Ја имав таа среќа да имам одличен однос со него, ми беше поддршка кога ми беше потребно, ми даваше совети, секогаш беше тука. Тој беше мојот ментор, мој пријател“ рече Ѓоковиќ пред 366 дена.
Српскиот тенисер се сети на својот пријател и на 23 август минатата година кога Коби требаше да го прослави својот роденден. Ноле на Коби се сети и денеска, на денот кога замина во вечноста.
На Инстаграм сподели фотографија од нив двајцата со краток опис на англиски и на италијански:
„Засекогаш Мамба. Те сакам, пријателе мој“.
- Книги1 месец
Македонски лекар ја објави последната исповед на Јосип Броз Тито
- Македонија3 месеци
Излезе од затвор Панче Ангелов, напаѓачот на Шекеринска од 27 април
- Македонија2 месеци
МЖСПП: Мечкиното грозје важен ресурс, кој треба грижливо да го собираме
- Црна хроника2 месеци
Млада девојка од Штип пронајдена мртва во нејзиниот дом
- Економија3 месеци
(Видео) Младите од Струмичко порачуваат – ако не проработи рударскиот комплекс, ќе се иселиме сите
- Македонија2 месеци
(Видео) Отстранети два нелегално изградени објекта во општина Центар
- Спорт3 месеци
Гетџи: По мечот со Хабиб, мојата мајка конечно ќе може да се пензионира
- Македонија1 месец
Возачот на „бентлито“ што „влета“ на плоштад казнет со 45 евра, објавена фотографија од записникот