Спорт
Кристоферсен, конечно, го победи Хиршер за велеслаломско златo

Норвежанецот, Хенрик Кристоферсен излезе од сенка на својот најголем ривал Марсел Хиршер победувајќи го Австриецот за светската титула во велеслалом во Оре, Шведска.
24-годишниот Норвежанец, кој последните две-три години е најсериозниот конкурент на незапирливиот седумкратен шампион од Светскиот куп, Хиршер, на претходните два Светски шампионати остануваше без медал по пласманот на четвртите места, но во Оре пред голем број на норвешки фанови, конечно, се закити со златото.
Кристоферсен беше трет по првото возење зад лидерот Алексис Пинтуро и Хиршер, но беше фантастичен во втората трка, правејќи предност од 0.20 секунди пред Хиршер. Пинтуро, кој го освои златото во алпска комбинација во Оре, на крајот не изддржа во второто возење и остана со бронзениот медал.
Фото: ЕПА
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Нема да има дуел меѓу Црвена звезда и Динамо во главата фаза во Лига Европа

Регионалните великани, Црвенз звезда и Динамо Загреб се избегнаа во главната фаза во Лига Европа. Ждрепката за Лига Европа се одржа попладнево.
Црвенз звезда и Динамо добија четири исти противници, ќе играат против Лил, Малме, Селта и ФЦСБ.
Противници на Црвена звезда: Лил. Порто, Селтик, Брага, Штурм, ФЦСБ, Штурм, Малме
Противници на Динамо Загреб: Бетис, Лил, Фенербахче, Макаби Тел Авив, ФЦСБ, Митјиланд, Целта, Малме.
Првите натпревари од Лигат Европа ќе се играат на 24 и 25 септември, а последното коло од групната фаза е на 29 јануари следната година. Финалето е закажано за 20 мај 2026 година во Истанбул.
Фото/ Принтскрин
Спорт
Вест Хем го потпишаа Матеус Фернандес

Вест Хем официјално го потврди можеби најскапото засилување во историјата на клубот.
Бразилскиот играч од средниот ред Матеус Фернандес пристигна од Саутемптон за фиксна сума од 44.000.000 евра. Но, со бонуси, трансферот би можел да порасне на 51.000.000 евра, што би бил нов клупски рекорд.
Најскапиот трансфер на Вест Хем досега беше Себастијан Але од Ајнтрахт за 50.000.000 евра.
Тој одигра 46 натпревари, постигна четири гола и забележа седум асистенции за Саутемптон во последните две сезони.
Foto/ West Ham
Спорт
Фенербахче му врачи отказ на Жозе Мурињо

Жозе Мурињо повеќе не е тренер на Фенербахче, потврди клубот. Одлуката е донесена откако турскиот гигант не успеа да се пробие во Лигата на шампионите, по што соработката беше прекината. Фенер се збогува со португалскиот стручњак на социјалните мрежи и му се заблагодари за соработката.
Мурињо пристигна во Фенербахче во јули минатата година и го водеше клубот во вкупно 62 натпревари со сооднос од 37 победи, 14 нерешени и 11 порази. Тој не успеа да освои трофеј со Фенер, заврши на второто место во турското првенство, а беше елиминиран во четвртфиналето на домашниот Куп. Минатата сезона стигна до осминафиналето во Лигата на Европа, каде во два драматични натпревари по изведувањето пенали доживеа елиминација од Глазгов Ренџерс.
Бидејќи доби отказ, значи не е постигнат споодбен раскин на договорот, Фенербахче на Мурињо ќе мора да му исплати оштета од 15 милиони евра.
Мурињо се споменува во англиските медиуми како иден тренер на Нотингем Форест. Португалскиот стручњак освои три титули во англиското првенство во два мандата на клупата на Челзи. Тој ги освои Лига купот и Лигата на Европа со Манчестер Јунајтед, а потоа помина низ тежок период во Тотенхем.
Заминувањето на тренерот Нун Еспирито Санто (51) од Форест се споменува сè повеќе откако тој призна дека има нарушен однос со сопственикот Евангелос Маринакис.
Foto/ EPA/RODRIGO ANTUNES