Спорт
Кризен состанок на „Енфилд“, Салах ќе биде исфрлен од тимот
Мохамед Салах индиректно го најави своето заминување од Ливерпул.
Ливерпул се соочува со невидена криза, а најновиот шок го доживеаја на „Еланд Роуд“. „Црвените“ испуштија победа во судиското продолжение. Иако тимот водеше со 2:0, а подоцна и со 3:2, мечот заврши 3:3, што дополнително ги продлабочи проблемите.
Дека атмосферата во Ливерпул не е добра, потврди и изјавата на Салах по натпреварот. Репрезентативецот на Египет ја отвори душата, откако натпреварот против Ливерпул го гледаше од клупата за резерви.
Тој не играше и на претходниот натпревар против Вест Хем, додека на натпреварот против Сандерленд одигра само 45 минути.
Индиректно за „Скај Спорт“, Салах го најави своето заминување од „Енфилд“.
„Многу сум разочаран, направив толку многу за овој клуб сите овие години, особено минатата сезона. Ми се чини дека клубот ме фрли под автобусот. Така се чувствувам. Некој сака да го пронајде виновникот во мене. Клубот ми вети многу пред почетокот на сезоната. Сега сум на клупата, па можам да кажам дека не го одржаа своето ветување.“
Инаку, попладнево ќе се одржи кризен состанок во Ливерпул. Ќе присуствуваат сопствениците Џон Хенри и Том Вернер, генералниот менаџер Мајкл Едвардс и раководителот на спортски операции Ричард Хјуз.
Челниците процениле дека целата ситуација околу клубот е доста лоша, што бара итна реакција за да не се изгуби сезоната дефинитивно.
Наводно според челниците проблем е Мо Салах. Неофицијално, водечките луѓе од спортскиот сектор на денешниот состанок ќе добијат препорака од сопствениците радикално да реагираат, што подразбира почеток на процесот на „екстрадиција“.
Според некои информации, Арне Слот би можел да добие поддршка за да продолжи со својата работа, ни не е исклучено дека може да биде отпуштен, додека Салах ќе биде ставен на трансфер листата и исфрлен од тимот.
Салах ги поканил родителите да присуствуваат наредниот викенд на натпреварот со Брајтон, кој може да биде негов последен во дресот на Ливерпул.
„Ги поканив моите родители и им реков да дојдат на натпреварот против Брајтон. Не знам дали ќе играм или не, но сепак ќе уживам. Ќе бидам на „Енфилд“ да се збогувам со навивачите и да одам на Африканскиот куп на нации. Не знам што ќе се случи потоа, не знам што е следно. Секогаш ќе го сакам и ќе го поддржувам Ливерпул, јас, моите деца. Ливерпул секогаш ќе биде мојот тим“, рече Салах.
Ливерпул е во една од најтешките сезони во последните неколку години – проблемите со засилувањата, лошата форма на тимот и потенцијалното заминување на најголемата ѕвезда го ставаат клубот пред сериозен предизвик.
Foto/ EPA
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Филкруг пристигна во Милан
Никлас Филкруг (32) официјално го засили тимот на Милан и ќе конкурира за место во тимот, за натпреварот со Каљари.
Филкруг пристигна во кампот на „росонерите“ од Вест Хем, каде што остана година и пол.
Претходно, тој играше за Борусија Дортмунд, Вердер Бремен, Хановер, Нирнберг и Гројтер Фирт.
Тој ги одигра своите најдобри натпревари во дресот на Вердер, каде што постигна 45 гола на 90 натпревари во четири сезони. Во неговиот претходен клуб, Вест Хем, постигна три гола на 29 натпревари.
Милан го позајми од „чеканите“, а дали ќе го откупат неговиот договор зависи исклучиво од игрите и перформансите на напаѓачот до крајот на сезоната.
Да ве потсетиме дека „росонерите“ почнаа да бараат нов напаѓач по повредата и операцијата на глуждот на Мексиканецот, Сантијаго Хименез.
Foto/ freerangestock
Adding a spearhead to our frontline 🎯#WelcomeFüllkrug
— AC Milan (@acmilan) January 2, 2026
Спорт
Велс не го дава Белами
Селекторот на Велс, Крег Белами, привлекува интерес од клубовите, но извршниот директор на Фудбалската асоцијација на Велс, Ноел Мун, денес изјави дека се надева дека тој ќе остане до Европското првенство во 2028.
Белами (46), потпиша четиригодишен договор во јули 2024 година. Предводен од Белами, Велс стигна до највисокото ниво на Лигата на нации, а во март ќе играат во плејофот за Светското првенство во САД, Канада и Мексико.
„Постои интерес за Крег. Каде и да одам, го слушам тоа поради начинот на кој игра фудбал. Да бев извршен директор на клуб и да сакав да играм добар фудбал, искрено би го разгледал бидејќи е добар тренер и има одличен тим околу себе“, изјави Муни за Би-Би-Си.
„Природно е дека ќе има интерес во иднина, ние сме целосно подготвени за тоа“, додаде тој.
Поранешниот напаѓач на Ливерпул и Манчестер Сити одигра 78 натпревари за Велс, постигнувајќи 19 гола, но никогаш не ја претставуваше својата земја на голем турнир.
Велс ќе биде ко-домаќин на Европското првенство во 2028 година заедно со Англија, Шкотска и Република Ирска.
„Би сакале тој да остане и да го води тимот на Европското првенство. Тој е навистина ентузијаст околу тоа. Сепак, ние живееме во реалниот свет. Ако некој му понуди работа, Реал Мадрид, Барселона или Ливерпул, сосема е природно дека би бил заинтересиран“, рече Муни.
„Тој е конкурентен, го достигна самиот врв на играта на теренот и секако дека ќе сака да го прави тоа и надвор од теренот. Ако тимот игра како што играше против Македонија (7:1), тогаш би бил изненаден ако не биде забележан од клубовите кои сакаат да играат добар фудбал и да бидат предводени од одличен млад тренер“, заклучи тој.
Foto/ EPA/DIMITRIS LEGAKIS
Спорт
Серхио Рамос сака да интевстира во Севилја
Познатиот шпански фудбалер Серхио Рамос (39) испрати официјална понуда до поранешниот клуб Севилја, со цел заедно со група деловни партнери, да стане малцински сопственик на андалузискиот клуб.
Приказната околу продажбата на Севилја е далеку од завршена и, според шпанските медиуми, доби неочекуван пресврт.
По спроведената длабинска анализа наранотењето на клубот, американските инвеститори значително ја намалиле својата понуда за купување на шпанскиот клуб, а легендарниот дефанзивец Серхио Рамос се појави како потенцијален инвеститор.
Финансиската состојба на Севилја наводно ги „олади“ американските инвеститори. Иако претходно се шишуваше дека се подготвени да платат 3.400 евра по акција, по деталниот преглед на работењето, решија да понудат максимални 2.700 евра по акција. Овој пресврт го враќа целиот процес речиси на почеток.
Рамос започна прелиминарни контакти со цел да добие подетални информации за ситуацијата и можностите за инвестирање во клубот каде што ја започна својата брилијантна кариера и за кој одигра 87 натпревари во два мандати.
Рамос, кој подоцна стана икона на Реал Мадрид, веќе има искуство со инвестиции во фудбалски клубови. Тој е еден од инвестициските партнери во клубот Сан Фернандо.
Foto/ depositphotos

