Пулените на Жозе Мурињо, фудбалерите на лондонски Тотенхем попладнево беа пред победа против Њукасл во рамки на третото коло во Премиерлигата. Сепак ВАР технологијата ги спречи да го освојат целиот плен, мечот со Њукасл заврши 1-1.

Во четвртокот гостуваа во Скопје, кај Шкендија, а денеска имаа предизвик во екипата на Њукасл.

Гол вреден три бода за „спарси“ постигна Ламела по асистенција на Хари Кејн во 25 минута.

Капитенот се специјализираше како асистент изминативе мечеви откако во претходното коло „го хранеше со топки“ Мин Сон кој денеска немаше среќа да се запише во листата на стрелците. Во 42 минута упати одличен удар кој заврши во пречката од голот.

Така мислеа сите на стадионот во Лондон, но во 95 минута судијата покажа дека ќе погледне ВАР снимка дали имало игра со рака во шеснаесетникот на „петлите“. Снимката покажа дека Ерик Даер играл со рака, па Њукасл доби пенал.

Сигурен реализатор за конечни 1-1 беше Вилсон.

По воведниот пораз од Евертон (1-0), Тотенхем во двата наредни меча собра 4 бода, а исто бодовно салдо има и Њукасл, на стартот на шампионатот.

Лидс Јунајтед, екипата предводена од Марсело Биелса каде настапува македонскиот фудбалски репрезентативец Езџан Алиоски со цел плен се враќа од гостувањето кај Шефилд Јунајтед. Минимално со 1-0 Лидс го совлада домаќинот благодарение на голот кој во 88 минута го постигна Бамфорд на асистенција на Харисон.

Алиоски влезе во игра во 91 минута и ги одигра последните 5 минути од мечот.

По три одиграни кола во Премиерлигата, Лидс котира високо на табелата со 6 освоени бодови. По воведниот пораз со 4-3 на „Енфилд“, пулените на Биелса минатото коло со 4-2 славеа против Фулам, а денеска минимално победија и кај Шефилд кој остана закован на дното без ниеден бод досега, а притоа немаат постигнато ниту гол.

Уште на стартот на грен слем турнирот во Париз – Ролан Гарос организаторите се соочуваат со проблеми. Овојпат тоа е ладното време во овој период од годината во француската престолнина.

Денеска во центарот на вниманието беше Викторија Азаренка кој направи инцидент затоа што не сакаше да го игра мечот против Црногорката Данка Ковиниќ токму поради студот.

Фотографиите од почетокот на нивниот меч изгледаа како да се на скијање, а не на тенис. Со дуксери и јакни пред почетокот на мечот, одиграа 3 гема, па Азаренка се повлече во соблекувалната.

„Ова станува смешно. Не сакам да седам овде, не сакам да чекам ниту минута, се смрзнав. Овде е 8 степени, а јас живеам на Флорида“ му рече Азаренка на организаторот на турнирот.

Мечот беше прекинат, но поради авторитетот на Азаренка подоцна сепак двете тенисерки го одиграа мечот кој и припадна на белоруската тенисерка со 2-0 (6-1 и 6-2).

Azarenka: “This is getting a little a bit ridiculous.. I’m not sitting here bcs I’m getting frozen.. I’m not waiting here a couple mins bcs it’s cold, 8 degrees. I live in Florida. I’m used to hot weather (😂)” Kovinic also doesn’t want to wait on court. They left now pic.twitter.com/sbKrJguuuI

— Gökalp Taşkesen (@gokotaskes) September 27, 2020

Azarenka: "You guys are joking right?"

Meanwhile Kovinic looks like she's ready for an Arctic expedition pic.twitter.com/Y4MDGbBXQu

— Henry Breadstick (@henrybreadstick) September 27, 2020