Канадската филмска ѕвезда, Рајан Рејнолдс е неочекувано најголем фаворит да стане сопственик на петтолигашот Рексам АФЦ, јавуваат британските медиуми.

Покрај Рејнолдс, ѕвездата од филмот „Дедпул“, негов коинвеститор е Роб Мекелхени, креаторот на ТВ серијата „Секогаш е сончево во Филаделфија“. По состанокот на организацијата на навивачи, клубот во средата објави дека го одобрувап планот на Рејнолдс и Мекелхени, кои сега ќе мораат да ја претстават својата визија за иднината пред повторно да се гласа.

Двајцата се последни холивудски ѕвезди кои инвестираа во светот на фудбалот. Вил Ферел е ко-сопственик на Лос Анџелес ФЦ, клубот кој се приклучи на МЛС лигата во 2018, додека Натали Портман е ко-сопственик на новиот женски клуб од Лос Анџелес кој ќе се формира во 2022 година.

Рексам, иако е во Велс, игра во англискиот фудбалски систем, и е клуб основан во 1864 година, како трет најстар професионален клуб на светот и најстар велшки клуб. Во 2007/08 тие играа во втората лига.

Динамо Киев и Олимпијакос се многу блиску до групната фаза од Лигата на шампионите по победите во првите мечеви во плејофот, но најинтересниот меч на вечерта се одигра помеѓу норвешкиот Молде и унгарскиот Ференцварош, кој заврши 3:3.

Ференцварош имаше предност од 2:0, пред норвешкиот шампион да направи пресврт и да постигне три гола во второто полувреме за 3:2 водство, пред во 87. минута Унгарците да стигнат до гол од пенал.

Динамо Киев со 2:1 победи во Белгија кај Гент. Владислав Суприага донсе рано водство за тимот на Мирчеа Луческу, пред домаќините да израмнат преку Клајндинст. Де Пења во 79. минута обезбедува победа за Динамо. Во Атина пак, Олимпијакос стигна до 2:0 победа над кипарскиот клуб Омонија со головите на Валбуена и Ел Араби.

ЛИГА НА ШАМПИОНИ, ПЛЕЈОФ, 1.МЕЧ

Гент (Бел) – Динамо Киев (Укр) 1:2

Молде (Нор) – Ференцварош (Унг) 3:3

Олимпијакос (Грц) – Омонија (Кип) 2:0

Фановите на Челси беа нервозни за високата сума која ја платија за германскиот талент Каи Хаверц критикувајќи го неговиот учинок во првите два меча од Премиер лигата, но тој даде совршен одговор со својот прв хет-трик во кариерата за да помогне „сините“ да стигнат до 6:0 победа над Барнсли во Англискиот лига куп.

Теми Абрахам му помогна на Хаверц со две асистенции и со еден гол, а во листата на стрелците се запишаа и Рос Баркли и Оливие Жиру за рутинска победа против второлигашот.

Во единствениот меч меѓу два премиерлигаши, Арсенал стигна до 2:0 победа на „Кингс пауер“ против Лестер благодарение на автоголот на Кристијан Фукс во првото полувреме, за во 90-тата минута Еди Нкетија да ја потврди победата. Другите фаворити немаа проблеми – Евертон предводен од двата гола на Ришарлисон стигна до 5:2 победа над Флитвуд, Њукасл со 7:0 славеше против Моркемб, а во осминафиналето се и Брајтон и Барнли.

ЕФЛ КУП, 1/16 ФИНАЛЕ

Фулам – Шефилд венсдеј 2:0

Милвол – Барнли 0:2

Престон – Брајтон 0:2

Стоук – Гилингем 1:0

Челси – Барнсли 5:0

Флитвуд – Евертон 2:5

Лестер – Арсенал 0:2

Моркемб – Њукасл 0:7

ЧЕЛСИ – БАРНСЛИ

ЛЕСТЕР – АРСЕНАЛ

ФЛИТВУД – ЕВЕРТОН