Спорт
Крос ги избра најдобрите 11 на сите времиња
Легендарниот германски фудбалер Тони Крос ги избра најдобрите 11 на сите времиња, а повеќето од играчите што ги спомена се оние што беа, а не кои се уште се активни на големата сцена во последните 20-25 години.
Кроос, кој ја започна својата кариера во Баерн, а потоа се пресели во Реал Мадрид во 2014 година и формираше еден од најсилните тандеми во средниот ред со Лука Модриќ, се збогува со фудбалот минатата година.
Во дресот на Германија, Крос стана светски шампион во 2014 година во Бразил. Тој беше клучен дел од тимот што ја освои титулата, додека ги направи најголемите работи како член на Реал.
На голот го стави Мануел Нојер, со кого играше во Баерн и Германија, а во одбраната неговите поранешени соиграчи Марсело, Филип Лам, Серхио Рамос и легендата на Милан, Паоло Малдини.
Ги постави Лука Модриќ, Зинедин Зидан и Роналдињо во средниот ред, а Кристијано Роналдо, Бразилецот Роналдо и Лионел Меси во нападот.
Како што обично се случува, има доста кои мислат дека Крос отишол предалеку со изборот. За некои, требало да се стави себеси во овој тим, некои сугерираат дека му недостасуваат мајстори како Чави или Иниеста, додека имаше и такви кои веруваат дека ваквите избори премногу се фокусираат на неодамнешното минато, па затоа големите икони од минатото како Пеле или Марадона обично отсуствуваат.
Кроос исто така рече дека неговиот идеален тим би го предводел од клупата Карло Анчелоти, кој го тренираше во Реал, и дека секогаш би го избрал Кристијано Роналдо од сите наведени како изведувач на пенали во некои важни моменти.
Германецот пет пати ја освои Лигата на шампионите со Реал, четири пати Ла Лига, четири пати шпанскиот Суперкуп… Вкупно, освои 22 трофеи за 10 години во Мадрид.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Осум голови на „Олд Трафорд“, по бод за Мначестер Јунајтед и Борнмут
Манчестер Јунајтед и Бортнумт приредија спектакл за крај на 16-то коло во Премиер лигата. Натпреварот на „Олд Трафорд“ заврши 4:4 (2:1). Јунајтед на табелата се во групата тимови со 26 поени, распоредени од петтото до осмото место, додека Бортмут со 21 бод се наоѓа на 13-та позиција.
Тешко е да се опшише што се се случуваша на „Олд Трафорд“, Јунајтед водеше 1:0 (Диало) и 2:1 (Касемиро) по првиот дел. Борнмут со блиц криг на почетокот на второто полувреме направи пресврт и поведе 2:3 (Еванилсон и Таверние).
На ист начин возратија фудбалерите на Јунајтед во 77-та и 80-та минута кога ја вратија предноста (3:4), стрелци Бруно и Куња, а точка на спектакуларниот меч стави Крупи во 84-та минута.
Спорт
(Видео) Рома го победи Комо, се доближи на три бода до лидеорт Интер
Фудбалерите на Рома го победија Комо (1:0) на „Олимпико“, во последниот натпревар од 15-то коло на Серија А.
Голот за победа на „волчицата“ го постигна Весли Франко во 61-та минута од натпреварот.
Комо ја пропушти најдобрата шанса во финишот, кога ударот на Штефан Пош брилијантно го блокираше Еван Ндика.
Рома навести излез од кризата, по два последователни порази, и моментално го држи четвртото место со 30 бода, три помалку од лидерот Интер.
Комо по вториот последовен пораз остана на седмото место со 24 поени.
Двата тима во наредното коло ќе гостуваат, Рома кај Јувентус, а Комо во Лече.
Спорт
Тиаго Силва се враќа во Европа
Иако минатото лето се чинеше дека ќе стави крај на својата богата кариера во Флуминензе, Тијаго Силва ги промени своите планови.
Легендарниот бразилски стопер, по 15 години поминати во европскиот фудбал, се врати во својата татковина со идеја да се пензионира по шест месеци. Тој дел од планот сè уште стои – но каде ќе заврши кариерата веќе не е сигурно.
Имено, Силва (41) сериозно размислува за враќање во Европа, веќе во текот на претстојната зима. Главната причина е Светското првенство во 2026 година.
Искусниот дефанзивец сака да го импресионира селекторот на Бразил, Карло Анчелоти, и верува дека играњето во европскиот фудбал, дури и ако тоа се само неколку месеци, значително би ги зголемило неговите шанси да биде во составот за Светското првенство во САД, Канада и Мексико.
Заедно со спортските, постојат и приватни причини. Семејството на Силва моментално живее во Лондон – сопругата и децата останаа во Англија бидејќи најмалите се дел од академијата на Челзи – што дополнително ја поттикнува идејата за враќање на Стариот континент.
Ситуацијата во Флуминензе, исто така, придонесе за пресвртот. Клубот беше елиминиран од Купот на Бразил откако беше поразен од Васко де Гама, во Серија А го освои петтото место, а сега се очекува да настапи во првенството на Кариока, што не претставува предизвик што Силва го бара на крајот од кариерата.
Силва веќе се збогува со своите соиграчи во соблекувалната по испаѓањето од купот, што дополнително ги разгоре шпекулациите.
Foto/ depositphotos

