Челници на ФИФА примиле повеќе милиони долари поткуп за гласовите кои биле пресудни домачинствата на СП во 2018 и 2022 година да им бидат доделени на Русија и Катар. Дека имало поткуп открива документ на јавниот обвинител во Бруклин.

Со години се шпекулира дека Русија и Катар со поткуп ги добиле домаќинствата ова е прв пат правосудните органи на една земја да тврди дека гласовите биле купени.

Неколку медиуми повикувајќи се на изјави на сведоци објавија дека челници на ФИФА биле платени за да го изберат Катар за домаќин на Мундијалот во 2022 година, а претходно и да ја изберат Русија во 2018 година.

Обвинителството во Бруклин обвини тројца челници на ФИФА и една компанија, тоа се Џек Варнер поранешен претседател на КОНКАКАФ, . Тој е обвинет дека примил пет милиони за да гласа за Русија.

Рафаел Салгуер поранеше претседател на Фудбалскиот сојуз на Гватемала и поранешен член на Извршниот одбор на ФИФА добил еден милион долари за да гласа за Русија.

За доделувањето на домаќинството за СП во 2022 година се наведува дека повеќе високи функционери на ФИФА примиле поткуп. Тука се споменуваат имињата на претседателот на Фудбалскиот сојуз на Бразил Рикардо Тешеира и поранешниот претседател на КОНМЕБОЛ Николас Леоз, кој почина во август 2019 година.

Истраги поврзани со корупција околу доделувањето на домаќинствата на СП во 2018 и 2022 година биле отворени во повеќе земји.

Американското обвинителство во вторникот обвини 45 лица кои биле дела од оваа афера.

Водечкиот спортски весник во Шпанија „Марка“ денешната насловна страница му ја посвети на Радомир Антиќ. Српскиот тренер вчера почина во Мадрид. Тој е единствениот тренер што имал можност да ги предводи трите најголеми шпански тимови Атлетико, Реал и Барселона.

Главниот текст ги потенцира фудбалерите кои за чии подем е заслужен Антиќ. Тројца се од Атлетико, по еден од Реал и Барселона.

Милинко Пантиќ на инсистирање на Антиќ за само 450.000 евра пристигна во Атлетико од Паниониос. Подоцна тој беше клучниот играч во походот на двојната круна која „јорганџиите“ ја освоија во сезоната 1995/1996.

Дел од таа славна генерација беше и голманот Хосе Фарнциско Молина. Антиќ од него направи либеро поради одличната техника Молина делуваше како трет централен дефанзивец. Оваа тактика е неизбежна во денешниот фудбал.

Во Атлетико Антиќ го извлече најдоброто и од Хозе Луис Перес Каминеро. Третата сезона во Атлетико, прва под водство на Антиќ е најдобра во кариерата на Каминеро. Во походот на двојната круна одиграл 37 натпревари, постигнал девет гола.

Додека бил во Реал Антиќ успеа да го претвори Фернандо Јеро во гол-машина. Во сезоната кога играл под водство на Антиќ дефанзивецот Јеро постигнал 21 гол.

Радомир Антиќ во 2003 година беше промовиран во тренер на Барселона. Му дал шанса на Чави Ернандес. Кај него Чави започна да игра поблиску до голот на противникот, а не како последен човек во редот за врска. Чави во тој период изјавил дека има важна улога во тимот, бидејќи често ги има клучните додавања.

Баерн Минхен, во вторникот,објави дека клубот го продолжил договорот со Томас Милер. Германскиот репрезентативец целата кариера ја минува во клубот Минхен.

Милер е продукт на академијата на Баерн. За првиот тим дебитирал на 15 август 2008 година кога одиграл една минута на натпреварот против ХСВ. Првиот професионален договор со Баерн го потпишал во февруари 2009 година.

Досега за Баерн одиграл 556 натпревари на кои постигнал 211 голови.

Милер (30) и Баерн ја продолжиле соработката до 30 јуни 2023 година.

#Müllered2023 ✍ pic.twitter.com/Tqecbuv6FW

— FC Bayern München (@FCBayern) April 7, 2020