Спорт
Кудус го засили Вест Хем
![](https://makfax.com.mk/wp-content/uploads/2023/08/kudus_1280.jpg)
Поранешниот играч на Ајакс Мохамед Кудус официјално е претставен како нов играч на Вест Хем. „Чеканите“ на клубот од Амстердам му платија отштета од 41 милион евра.
Фудбалерот од Гана потпиша петгодишен договор со Вест Хем и е четвртото засилување летово. Во тимот предводен од Дејвид Мојс веќе пристигна играчите од средниот ред Едсон Алварез и Џејмс Вард-Проуз, како и дефанзивецот Константинос Мавропанос.
Кудус е дел од Ајакс од 2020 година, кога холандскиот клуб му плати девет милиони евра на Нордсјеланд. Репрезентивецот на Гана за Ајакс одигра 87 натпревари, постигна 27 гола и забележа 12 асистенции. Два пати беше шампион на Ередивизија, а еднаш го освои Купот на Холандија.
Доаѓањето на 23. годишниот фудбалер претставува целосна трансформација на средниот ред на Вест Хем – англискиот клуб го напушти актуелниот капитен Деклан Рајс за време на преодниот рок, а парите што Арсенал ги плати за 24. годишниот фудбалер беа искористени за трансферите на Кудус, Вард-Проус и Алварез.
Кудус игра како офанзивен играч за врска, но може да игра и како десно крило.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Спорт
Димитирјевиќ замина од УНИКС, следна станица Милано
![](https://makfax.com.mk/wp-content/uploads/2024/06/maxresdefault-1.jpg)
Македонскиот кошаркар Ненад Димитријевиќ по две години го напушти УНИКС, соопшти рускиот клуб.
Како што соопшти клубот од Казан, 26-годишниот репрезентативец на Македонија е слободен да избере каде ќе ја продолжи кариерата.
Во претходните две сезони Димитријевиќ беше најдобар играч на клубот и во ВТБ лигата. Тој одигра вкупно 50 натпревари во ВТБ лигата со просек од 18,6 поени, 3,6 скока и 1,2 украдени топки на 30 минути игра.
Италијанските медиуми објавија дека Димитријевиќ веќе има договор со челниците на Олимпија и дека до крајот на неделата ќе стане член на клубот од Милано.
Спорт
(Видео) Австрија пресилна за Полска – Прв триумф за Австрија, втор пораз за Полска на ЕП
![](https://makfax.com.mk/wp-content/uploads/2024/06/12317338.jpg)
Австрија ја победи Полска со 3:1, во Д групата на Европското првенство во Германија. Австријците со оваа победа се доближија до осминафиналето, додека на Полска ќе и треба чудо во последното коло за да избори место во нокаут фазата.
Австрија во овој момент е посилна селекција од Полска и тоа го покажа на терент на Олимпискиот стадион во Берлин.
Траунер го постигна првиот гол во деветтата минута, но Полјаците успеаја да изедначат преку Пјонтек по половина час игра.
Конечниот удар Австријците го зададоа во втората половина од второто полувреме. Баумгартнер во 66.минута со гол ја заврши одличната тимска акција,а 12 минути подоцна Сабицер избори пенал. Сигурен реализитор беше Арнаутовиќ.
Во последното коло Австрија ќе игра против Холандија, а Полска против Франција.
Спорт
Легендарниот фудбалер Фалкао има нов клуб
![](https://makfax.com.mk/wp-content/uploads/2024/06/falkao1.jpg)
Иако е во доцните играчки години, Радамел Фалкао не планира да застане.
Откако му истече договорот со Рајо Валјекано, се огласи и неговиот нов клуб.
Тоа е – Милионариос.
И сето тоа 23 години откако го напушти овој клуб како 15-годишник.
Фалкао зад себе има импресивна кариера, играше за Ривер, Порто, Атлетико Мадрид, Монако, Манчестер Јунајтед, Челзи, Галатасарај и Рајо.
За Колумбија, за која уште настапува, одигра 104 натпревари и постигна 36 голови.