Фудбалерите на Ајакс, во шестото коло, ја забележаа првата победа во Лигата на шампионите. Холандскиот тим победи во Азербејџан, кај Карабаг со 4:2. Во термиот од 18.45 часот се одигра уште еден натпревар, Копенхаген го шокира Виљареал во Шпанија, со победата 3:2.

Ајакс ги освои првите бодови во Лигата на шампионите и се искачи на 33-то место, додека Карабаг е на 21-во место со седум бода.

Клубот од Амстердам го започна натпреварот подобро, но тимот на Карабаг поведе.

По добро додавање од Џафаргулиев, Дуран реагираше брилијантно од левата страна на шеснаесетникот и го доведе својот тим во водство.

Ајакс успеа да израмни до крајот на првото полувреме, со голот на Каспер Долберг.

Штом започна второто полувреме, Карабаг по втор пат поведе, кога со малку среќа, Матес Силва потугна гол.

Ајакс сепак успеа да слави, откако фуриозно ги одигра последните 15 минути од натпреварот. Во 79-та минута изедначи Оскар Глук, а четири минути подоцна Антон Гаеи, со брилијантен удар го комплетираше пресвртот. Точка на победата стави Глук со својот втор гол.

Виљареал, уште еднаш непријатно ги изненади своите навивачи во Лигата на шампионите. Тимот кој игра изворедно во Шпанија оваа сезона, во ЛШ во првите шест кола освои само еден бод и се наоѓа на претпоследното место на табелата.

Копенхаген среде Шпанија ја потопи „жолтата подморница“ со голот на Корнелуис во 90-та минута.

На „Ла Керамика“, данскиот првак два пати водеше, Виљареал два пати се врати во мечот, но на крајот не можеше да го поништи голот на Кормелуис.

Мохамед Елјунуси ја погоди мрежата на Виљареал во втората минута, изедначи во 47-та Комесањ, а веќе во следниот напад Ачури му ја врати предноста на Копенхаген.

Олувасени изедначи на 2:2 во 56-та минута.

Foto/ EPA

Поранешниот тренер на Ливерпул, Јирген Клоп, ги изнесе своите ставови за конфликтот меѓу Мохамед Салах и Арне Слот, односно раководството на Ливерпул. Клоп, кој го донесе Салах во Ливерпул и го водеше седум години, рече:

„Сите сме многу под влијание на нашето минато, како сме воспитани и каде сме пораснале. Мо многу рано знаеше дека мора да работи понапорно од другите. Тој секогаш напредува и никогаш не запира. Тоа е неговиот начин на размислување. По секоја летна пауза, тој се враќаше со некоја нова вештина. Беше како цело време да тренирал, на пример, еден вид додавање“, изјави Клоп за Би-би-си.

„Се туркавме еден со друг за да бидеме сигурни дека никогаш нема да застанеме. И никогаш не застанавме. Подигнувањето на трофејот од Премиер лигата нè поврза за цел живот. Ќе се памети како еден од најголемите на сите времиња“, продолжи Клоп.

На прашањето дали е тешко да се води Салах, односно да се биде негов тренер, Клоп одговори: „Не би рекол дека е лесно да се води, но не е ни тешко. Проблеми со Салах имате само ако не игра или ако го извадите од игра“.

Foto/ depositphotos

Еурофарм Пелистер му го нанесе првиот пораз на Вардар 1961 во домашниот шампионат. Во 16-то коло, актуелните шампиони ги победија црвено-црните со 28:23.

Пк терпапијата и сметана на тренерот Рубен Гарабаја се покажа како успешна за Еурофарм Пелистер. Во вечното дерби славеа над Вардар 1961 и се вратија в трката за шампионската титула.

Дербито беше израменто до 23.та минута, кога домашниот тим ја презеде контролата и на полувреме замина со предност 13:10.

Во средишницата на вториот дел Еурофарм Пелистер ја достигна максималната предност од шест гол (21:15). Неколку пати Вардар потоа се доближи на минус од четири гола, но избраниците на Иван Чупиќ не успеаја да ја оспорат победата на Пелистер.

Актуелнит шампион до победата го предводеа Радивојевиќ со девет, Кузмановски и Пешевски со шест гола и голманот Хеидарирад со 12 одбрани.

Вардар го предводеа Хориха и Митровиќ со по пет голови.

Foto/ EPA GEORGI LICOVSKI