Жоао Феликс нема да остане во Милан по завршувањето на сезоната. Во клибот донеле одлука дека нема да го откупат договорот на Португалецот од Челси. Феликс во јануари пристигна на „Сан Сиро“, милан на Челси позајмицата му ја плати со 5.500.000 евра.

Феликс добро ги одигра првите два натпревари во дресот на Милан, во останатите натпревари не покажа ништо.

Во неделата, Милан загуби во Неапол со 2:1. Наполи во првите 20 минути постигна два гола и го реши прашањето околу победникот.

На полувремето, додека играчите на Милан излегуваа од тунелот, Кајл Вокер му одржа леција на Феликс.

„Само додавај јја топката, не си Меси. Никој овде не е Меси“, му рекол искусниот Англичанец на Феликс.

Жоао Феликс мина уште само 10 минути на теренот, а потоа беше заменет.

Kyle Walker to Joao Felix: “Just pass the ball, no one here is Lionel Messi”

pic.twitter.com/zP1Y3w263r

— Leo Messi 🔟 Fan Club (@WeAreMessi) April 1, 2025

Феликс ја започна својата кариера во младинската академија на Порто, но во Бенфика стана еден од најдобрите млади играчи во Европа. Пред шест години тој се пресели во Атлетико Мадрид за 126 милиони евра. Тоа е четвртиот најскап трансфер на сите времиња.

Пред него се само Филипе Кутињо од Ливерпул во Барселона за 145, Килијан Мбапе од Монако во ПСЖ за 180 и Нејмар од Барселона во ПСЖ за 222 милиони евра.

Но, вредноста на Феликс продолжува да паѓа. Во летото минатата година Челзи го купи за 52 милиони евра. Денес, „Трансфермаркт“ ја проценува неговата вредност на 25 милиони евра.

Европската ракометна федерација одлучи одложениот реванш од четвртфиналето на Европскиот куп меѓу Партизан и АЕК да биде преместен од Белград на неутрален терен.

Два дена откако навивачите на Партизан фрлаа пиротехника на паркетот во салата на Бањица и ден по одлуката на ЕХФ мечот да се игра на неутрален терен, се појавија информации натпреварот би мжел да се одигра во Македонија.

Со или без публика ќе одлучува ЕХФ, но нема дилема дека црно-белите во Македонија би имале огромна поддршка од трибините.

Во моментов четири наши сали ги исполнуваат условите за одржување европски натпревари. Три се во Скопје, што повеќе би му одговарало на Партизан поради близината, а една е во Битола, што повеќе му одговара на АЕК.

Најреална опција е Скопје, а ќе видиме дали трибините ќе бидат празни или ЕХФ ќе дозволи да има одреден број навивачи.

Првиот натпревар АЕК го доби со 27:22.

Ред Бул во непреознатлии бои ќе настапи на трката за Големата награда на Јапониј, на патеката во Сузука.

Инспириран од соработката со Хонда и претставен како rретроспектива на некогашниот препознатлив бел автомобил на јапонскиот автомобилски гигант, овој специјален автомобил на Ред Бул ќе се вози следниот викенд на култната патека Сузука.

Пред да се упатат кон далечната префектура Мие, љубителите на Формула 1 ќе имаат можност да уживаат во неколку кругови кои Макс Ферстапен и локалниот херој Јуки Цунода ќе ги возат низ центарот на јапонската престолнина Токио.

Големата награда на Јапонија како трета трка од шампионатот се вози следниот викенд, а пилотите на Ред Бул пристигнуваат во Земјата на изгрејсонцето со различни резултати во првите два настапи од сезоната, Ферстапен на второто место со 36, Цунода на 13. место со три бода.

Оваа 2025 година е последна во седумгодишната исклучително успешна соработка помеѓу Ред Бул и Хонда, по што австрискиот тим ќе си ја проба среќата со моторите на Форд.

Во периодот од 2019 година до минатата сезона, ова партнерство донесе четири индивидуални и три екипни светски шампионски титули, кои тешко ќе се повторат, па гостувањето во Јапонија е и совршена можност за двете страни да го прослават периодот на апсолутна доминација во „најбрзиот циркус“.