Спорт
Куриер: Дајте му нова шанса на Ѓоковиќ

Поранешниот светски рекет број 1, Џим Куриер, вели дека австралиската јавност мора да му даде нова шанса на Новак Ѓоковиќ по контроверзите за наводната листа на барања, што ја објавил српскиот и светски рекет број 1.
Ѓоковиќ е еден од 72-те тенисери и тенисерки што беа принудени да бидат во карантин во Австралија откога во нивните чартер-летови имаше позитивни луѓе на Ковид-19 и тој побара од властите подобра храна за тие што се во карантин во хотелите и можност да се преселат во приватни куќи со тениски терени. Австралиските власти веднаш го одбија ова, а 17-кратниот освојувач на гренд слем турнири мораше да се правда дека не е себичен, тежок и неблагодарен.
Куриер вели дека Австралијците не треба да се престроги кон Србинот.
„Новак сакаше да застане зад другите тенисери тука во Австралија. Тој сакаше да биде лидер и тоа лошо се протолкува во јавноста и се надевав дека Австралијците ќе му дадат шанса барем да објасни што мислеше. Тој е чувствителен кон јавното мислење и се обидува да се докаже. Според тоа што го направил на теренот, треба да е миленик на публиката, но пристигна на сцената кога многу фанови решија да навиваат за Федерер или Надал“, вели Куриер.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Штутгарт го изигра Атлетико – Мило на пат кон Саудиска Арабија

Францускиот фудбалер од редот за врска, Енцо Мило, долго време се поврзуваше со Атлетико Мадрид, но тој кариерата ќе ја продолжи во Саудиска Арабија.
Енцо Мило беше виден на стадионот „Метрополитано“, иако неговото пристигнување беше одложено поради Штутгарт, кој одолговлекуваше со условите за плаќање.
Се испостави дека „Швабите“, намерно ги одолжиле преговорите со шпанскиот клуб, чекале сигнал од Саудиска Арабија.
Мило беше поврзуван и со Тотенхем, но на крајот победи најбогатиот.
Усен договор меѓу Ал Ахли и играчот за врска веќе постои, и сè уште не е познато колку би можел да изнесува целиот договор. Се споменуваше дека Атлетико морал да плати 23.000.000 евра, па се очекува дека приближно иста сума ќе уплати Ал Ахли в касата на Штутгарт.
Спорт
Баер го продолжи договорот со Шик

Баер Леверкузен ја продолжи соработката со 29-годишниот централен напаѓач и чешки репрезентативец Патрик Шик, а голгетерот висок 191 см се обврза да остане во редовите на популарните „фармацевти“ до 2030 година.
Шик помина пет сезони во овој тим и значително придонесе пред две сезони, кога Баер ја освои Бундеслигата и ја прекина децениската апсолутна доминација на Баерн во германскиот фудбал.
Вкупно, Шик одигра 121 натпревар во Бундеслигата и постигна 64 гола, а постигна и девет гола во 33 натпревари во европските натпреварувања.
Кариерата на Шик започна во Спарта од неговата родна Прага, каде што не играше, а својата прва можност ја доби во дресот на Бохемијанс, каде што беше позајмен во сезоната 2015/16.
Следеше италијанската епизода, една сезона во Сампдорија и две во Рома, потоа неговото прво искуство во Бундеслигата во Лајпциг, каде што постигна 10 гола на 22 натпревари во елитниот ранг на германскиот фудбал во сезоната 2019/20.
Кога станува збор за чешката репрезентација, Шик постигна 24 гола на 46 натпревари.
Спорт
Реал го отпушти медицинскиот тим

Реал Мадрид имаше неуспешна сезона во која не освои ниту еден трофеј.
Шпанските медиуми наведуваат дека една од причините е тоа што голем број играчи се повредиле во последната сезона под водство на Карло Анчелоти.
За да се спречи ова повторно да се случи, новиот тренер Чаби Алонсо заедно со раководството одлучи да го отпушти целиот медицински тим.
Како што пишуваат шпанските медиуми, имало лоши односи во тимот задолжен за здравјето на играчите и тоа ги принудило луѓето во „кралскиот клуб“ да направат радикален потег.