Спорт
Квалификациите за ЕП ќе се играат турнирски
Извршниот комитет на ФИБА поради пандемијата со коронавирусот реши да воведе измени во начинот на кои ќе се играат квалификациските натпревари предвидени за ноември оваа година и февруари 2021 година.
Земајќи го предвид здравјето и безбедноста на играчите, тренерите и службениците и следејќи ја препораката од Медицинската комисија и Комисијата за натпревари, ФИБА реши сите натпревари во двата „прозорци“ да се спроведуваат во т.н. „меури“ (bubbles), наместо на домашни или на гостински терени.
Секој „меур“ ќе се состои од четири или осум екипи (една или две квалификациски групи).
Домаќините ќе бидат одредени на регионално ниво и ќе бидат објавени во догледно време.
ФИБА ќе продолжи да ја следи ситуацијата со КОВИД-19 на дневна основа и да комуницира со нови ажурирања во врска со натпреварите на ФИБА кога е потребно.
Ова би требало да значи дека наредните натпревари на македонските сениорски селекции во квалификациите за Евробаскетот 2021 година, ќе ги одиграме турнирски, на домашен терен, или на теренот на некоја од противничките селекции.
Кошаркарите во ноември требаше да гостуваат во Италија и Естонија, додека во февруари наредната година во Скопје беше закажан мечот со Русија.
Што се однесува за оној женски дел од квалификациите за Евробаскетот 2021, согласност со календарот, нашата женска сениорска репрезентација во ноември ја чекаат дуели со селекциите на Хрватска (гости), на 12 ноември, и на Германија (дома), 15 ноември, додека во февруарскиот, наредната година, следуваат уште два натпревари.
Мечот на гостински терен, против селекцијата на Летонија, на 4 февруари, како и оној на 7 февруари, 2021 кога сме домаќини на репрезентацијата на Хрватска.
фото/kfsm.mk
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Сити за полувреме го реши Брајтон
Фудбалерите на Манчестер Сити убедливo славеа на гостувањето кај Брајтон со 4:0 (3:0) во натпревар од 29. коло на англиската Премиер лига.
Актуелните шампиони сите дилеми околу победникот ги решија во првото полувреме и тоа во интервал од 17 минути кога постигнаа три гола.
Кевин де Брујне го постигна првиот гол во кариерата со глава во 17. минута, по центаршутот на Кајл Вокер.
Потоа два гола постигна Фил Фоден во 26. и 34. минута, првиот од слободен удар со малку среќа, а вториот по груба грешка на одбраната на домаќините.
Хулијан Алварез во 62. минута ги постави конечните 4:0.
Избраниците на Пеп Гвардиола се втори на табелата, го прескокнаа Ливерпул, а имаа бод и натпревар помалку од лидерот Арсенал.
Спорт
(Видео) Димитријевиќ МВП на ВТБ лигата
Кошаркарот на Уникс, Ненад Димитријевиќ е прогласен за најкорисен играч на регуларниот дел сезоната на руската ВТБ лига.
Уникс прв заврши во лигата, првпат во историјата, а Македонецот беше еден од најзаслужните за ваков успех.
Сезонава Димитријевиќ имаше просек од 19 поени по натпревар со 6,6 асистенции, 3,6 скока и 1,3 украдени топки.
Во минатогодишното финале на ВТБ лигата неговиот тим ја совлада Локомотива (4:1), а Димитиријевиќ беше прогласен за МВП на финалната серија.
Сезонава во решавачкиот меч за првото место во регуларниот дел против ЦСКА Москва забележа рекордни 40 поени со девет асистенции.
„За мене е голема чест да ја добијам наградата МВП за регуларниот дел од сезоната на ВТБ лигата 2023/24“, изјави Димитријевиќ и додаде:
„Оваа година победивме во многу возбудливи натпревари и славевме во регуларниот дел од сезоната. Мислам дека ова е резултат на напорната работа на целиот тим. Би сакал да им се заблагодарам на ВТБ лигата, на мојот тим Уникс, на стручниот штаб на чело од Велимир Перасовиќ, медицинскиот штаб и нашите верни навивачи. Најголема благодарност до моите соиграчи, кои ми помогнаа да станам подобар играч.“
Спорт
Адријан Њуи ќе го напушти Ред Бул
Главниот директор за дизајн на Ред Бул, Адријан Њуи, треба да го напушти тимот по контроверзата, која вклучува обвинувања против шефот на тимот Кристијан Хорнер.
Њуи, кој важи за најдобар дизајнер во историјата на Формула 1, одлуката да го напушти тимот им ја сооптшил челниците на Ред Бул, објави денеска Би-би-си.
Адријан Њуи е вознемирен од ситуацијата во Ред Бул, откако Хорнер беше обвинет за сексуално вознемирување и насилно однесување кон колешка. Хорнер ги негираше обвинувањата, а тимот по спроведена интерна истрага ги отфрли обвинувањата против Хорнер и жената ја суспендираше од работа.
Тој има договор со Ред Бул до крајот на следната сезона, а претходно беше поврзуван со преселба во Ферари.