Спорт
Квартараро ја освои Португалија, Милер го „собра“ Мир!

Светскиот шампион во Мото ГП, Фабио Квартараро возеше фантастично во вториот дел од трката и ги искористи падовите на неговите ривали за да стигне до победа на Португалското ГП во Портимао, негов прв триумф во новата сезона за по пет трки да се искачи на првото место во генерален пласман.
Жоан Мир го помина францукиот сонародник на Квартараро, освојувачот на пол-позицијата, Жоан Зарко, но не успеа долго да остане на врвот – Квартараро успеа да ги помине двајцата и потоа да ја контролира трката до крајот за победа пред Зарко и Алеиш Еспархаро.
Мир, кој остана во борба за подиумот беше „собран“ од Австралиецот Џек Милер на седум круга пред крајот, додека досегашниот лидер во генерален пласман и единствен победник на две трки оваа сезона, Италијанецот Енеа Бастијанини претходно ја заврши трката со пад во 13. круг од трката.
Со победата, Квартараро е нов лидер со 69 поени, колку што има и Алекс Ринс, кој трката ја заврши на четвртото место, додека трет е Алеиш Еспархаро со 66 освоени поени. Бастијанини сега е четврт со 61 поен.
¡Caen Miller y Mir! ?
En la lucha por el tercer lugar, se le van los frenos a Miller y se lleva puesto a Mir, lamentable el incidente a 7 vueltas para el final ?#MOTOGPxTLT pic.twitter.com/LO3amUcZ6b
— TLT ¡La Tele Tuya! (@LaTeleTuya) April 24, 2022
¡Cae el líder del campeonato!
Fin de semana para el olvido de Enea Bastianini ? #MOTOGPxTLT pic.twitter.com/4nvRsOazyr
— TLT ¡La Tele Tuya! (@LaTeleTuya) April 24, 2022
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
„Во Фенербахче ми нудеа допинг“

Францускиот фудбалер Алан Сен Максиман излезе во јавноста со многу сериозни обвинувања против Фенербахче, каде што играше претходната сезона.
Тој беше позајмен од Ал Ахли во турскиот клуб. Одигра 31 натпревар, забележа четири гола и исто толку асистенции.
Сен Максиман беше гостин во подкаст со францускиот јутјубер Зак Нани и искажа зборови што ќе одекнат.
Имено, тој изјави дека му нуделе допинг во турскиот клуб, со закани дека не смее да зборува за тоа.
„Фенербахче не стана шампион и не е шампион 11 години поради работи што немаат никаква врска со фудбалот. Клубот е опколен од надворешни влијанија. Дури и се обидоа да ме натераат да земам допинг таму во еден момент. Луѓето не го знаат тоа, бидејќи не можете отворено да зборувате за тоа кога сте таму, тие ви се закануваат од сите страни. Ти велат: „Ако зборуваш, ќе ти направиме ова или она“. Во Турција бев во ситуации што ги надминуваат границите на фудбалот“, рече Максиман.
Сепак, тој зборуваше со пофалби за Жозе Мурињо, но дека атмосферата во Истанбул е многу проблематична.
Се очекува Фенербахче да даде соопштение во оваа пригода.
Foto/ EPA
Спорт
Ливерпул остатокот од договорот на Жота ќе му го исплати на неговото семејство

Ливерпул ќе ги исплати преостанатите две години од договорот на починатиот Диого Жота на неговото семејство.
Како што објави португалскиот „Рекорд“, клубот од „Енфилад“, откако ќе го повлече дресот со број 20, ќе ги измири и преостанатите две години од договорот, кои ќе му бидат исплатени на семејството на починатиот Жота.
Фудбалскиот свет беше запрепастен од информацијата дека португалскиот фудбалер загинал во сообраќајна несреќа, кога тој и неговиот брат починале во Шпанија, во близина на португалската граница во областа Замора.
Жота беше член на Ливерпул, каде што пристигна во 2020 година и оттогаш постигна 65 гола во 182 натпревари. Со Ливерпул ја освои Премиер лигата, ФА Купот и два Лига Купа.
Во текот на својата кариера играше и за Пакош Фереира, Атлетико Мадрид, Порто и Вулверхемптон.
Играше 49 пати за Португалија и постигна 14 гола, двапати освојувајќи ја Лигата на нации.
Погребот на браќата Жота ќе биде оваа сабота.
Foto/ EPA/PETER KLAUNZER
Спорт
(Видео) Челси преку Палмеирас до полуфиналето на клупскиот Мундијал

Foto/ EPA
Фудбалерите на Челзи го победија Палмеирас во четвртфиналето на Светското клупско првенство на ФИФА со 2:1 (1:0).
Благодарение на победата во Филаделфија „сините“ се пласираа во полуфиналето, каде што ги чека уште еден тим од Бразил, Флуминенсе.
Двократниот европски шампион ја оствари победата благодарение на голот на Кол Палмер во 16-та минута и автоголот на голманот Вевертон во 83-та минута. Стрелец за Флуминенсе беше фудбалерот што „сините“ веќе го купија, креативниот играч од средниот ред Вилијан Естевао.
Крилниот напаѓач Педро Нето беше дел од англискиот клуб од самиот почеток.
Настапот на Португалецот беше неизвесен, откако Челзи му даде одврзани раце да избере дали да игра по смртта на неговиот голем пријател – фудбалерот на Ливерпул Диого Жота и неговиот брат Андре Силва.