Најдобриот португалски фудбалер Кристијано Роналдо има можност вечерва во Украина да го постигне 700 гол во кариерата. Португалија во квалификациите за пласман на ЕУРО 2020 гостува кај лидерот во Б-групата, Украина.

Во пресрет на меѓусебниот дуел Украина има 16 бода и со победа ќе си обезбеди место на ЕУРО 2020, додека Португалија со 11 бода е на второто место.

Роналдо пред неколку дена против Луксембург го постигна својот 94 гол за Португалија, а кога на тоа ќе се придодадат и 605 гола што ги постигнал за Спортинг, Манчестер Јунајтед, Реал и Јувентус се доаѓа до бројката од 699 гола во кариерата.

Натпреварот на Олимпискиот стадион во Киев ќе започне во 20.45 часот.

Рафа Надал ја топи предноста на Новак Ѓоковиќ во обид да се врати на првото место на АТП-листата. Србинот на првата позиција има само 320 поени повеќе од Шпанецот.

Ѓоковиќ не успеа да ја одбрани титулата на Мастерсот во Шангај, а со елиминацијата во четврт-финалето тој остана без 820 поени. Ѓоковиќ има 9.545 бода, а Надал 9.225. Шпанецот ќе се врати на првото место на 4 ноември, кога на Ѓоковиќ ќе му бидат одземени бодовите што ги освои со пласманот во финалето на завршниот Мастерс во Лондон. Надал минатата година поради повреда го пропушти овој турнир.

Топ 10:

1. Новак Ѓоковиќ (Србија) – 9.545
2. Рафа Надал (Шпанија) – 9.225
3. Роџер Федерер (Швајцарија) – 6.950
4. Данил Медведев (Русија) – 5.920
5. Доминик Тим (Австрија) – 5.085
6. Александар Зверев (Германија) – 4.425
7. Стефанос Циципас (Грција) – 3.900
8. Карен Хачанов (Русија) – 2.990
9. Кеи Нишикори (Јапонија) – 2.860
10. Роберто Баутиста-Агут (Шпанија ) – 2.575

Велс и Хрватска синоќа одиграа 1-1 во квалификациите за пласман на ЕУРО 2020. По мечот најмногу причини за незадоволство има тренерот на Реал Мадрид, Зинедин Зидан.

Капитените на двет репрезентации Герет Бејл и Лука Модриќ мечот го завршија со повреди.

Модриќ во финишот на мечот заработи повреда, заврши дури и на носилки, додека Бејл поголем дел од натпреварот не одигра како може поради повредата.

Реал наредниот викенд ќе гостува кај Мајорка, а потоа игра во Лигата на шампионите против Галатасарај и против Барселона во Ла Лига.

Дали и колку ќе паузираат Бејл и Модриќ ќе биде познато откако ќе се вратат во Мадрид.