Спорт
Квитова „мајсторски“ си го освои Поршето во Штутгарт, деби титула за Петра Мартиќ

Петра Квитова стана првата тенисерка која во 2019 година освои две титули, откако со 6:3/7:6(2) ја совлада Естонката Анет Контавеит во финалето на Порше Гран при турнирот во Штутгарт.
Претходно, на 18 турнири оваа сезона, немаше тенисерка која успеа да освои барем две титули, така што Квитова со победата над 15-рангираната Естонка стана и лидер во ВТА трката за финалето во Шенжен.
По сигурниот прв сет, кој го доби со два брејка, Чехинката спаси две сет-топки на 5:4 во вториот сет, пред да доминира во тај-брејкот.
Ready for a test drive, @Petra_Kvitova?
??#PTGP19 pic.twitter.com/Loj2XPEidt
— WTA (@WTA) April 28, 2019
Хрватката Петра Мартиќ, пак, се врати од сет негатива за 1:6/6:4/6:1 победа над чешката тинејџерка Маркета Вондроушова во финалето на Истанбул опен за своја прва титула во кариерата.
28-годишната Мартиќ претходно на турнирот го одигра најдолгиот меч во годината во четврт-финалето против Кристина Младеновиќ, но имаше сили за кам-бек против 18-годишната Вондроушова, која сега има два порази во двете финалиња во кариерата – Алисон ван Ујтванк ја победи во Будимпешта во февруари.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Италија остана без планираното НБА-засилување

Донте ДиВинченцо нема да игра за Италија на претстојниот Евробаскет и покрај тоа што преговорите траеја неколку месеци и што во меѓу време доби пасош на оваа земја.
Бекот на Минесота беше вклучен во прелиминарниот состав на „Азурите“, што ја израдува целата нација со богатата кошаркарска историја. Кошаркарот од Делавер требаше да биде капитално засилување за Италија.
Иако во претходните месеци ја нагласуваше својата голема желба да ја претставува татковината на своите родители на Европското првенство, се случи ненадеен пресврт.
Поранешниот играч на Милвоки, Сакраменто, Голден Стејт и Њујорк Никс нема да носи дресот на Италија ова лето.
Наместо него, на списокот ќе биде натурализиран Американец, Дариус Томпсон, кој го напушти Анадолу Ефес и од наредната сезона ќе игра во Валенсија.
Фото/ Принскрин
Спорт
Сезоната во ПМФЛ ќе ја отвори дербито Вардар-Пелистер

На денешното извлекување во Хотел Хилтон во Скопје беа утврдени паровите за есенскиот дел од сезоната 2025/26 во Првата Македонска Фудбалска Лига. Сезоната 2025/2026 ќе започне на 8 август.
Новата сезона во Првата македонска фудбалска лига ќе почне со големото дерби. помеѓу Вардар и Пелистер.
Шампионот Шкендија, одбраната на титулата ја започнува на домашен терен против Шкупи. Силекс ќе биде домаќин на Брера, новите прволигаши Башкими и Арсими ќе се соочат во Куманово, Работнички ќе му гостува наТиквеш, а Струга ќе ја пречека Македонија ЃП.
На следниот линк можете да го погленете распоредот:
Спорт
Рамсдејл во Њукалс

Арон Рамсдејл ќе го брани голот на Њукасл следната сезона, бидејќи „страчките“, со Саутемптон договорија позајмица со право на откуп.
Иако потпиша четиригодишен договор со „Светците“ на 30 август минатата година, само 11 месеци подоцна повремениот репрезентативец на Англија ќе го напушти бродот што потоа во Чемпионшип.
Интересно, Рамсдејл трет пат испадна од Премиер лигата, но ниту еднаш не остана во клубот да брани во понизок ранг, прво Борнмут во 2020 година, а потоа Шефилд Јунајтед една година подоцна. Сега ќе бара среќа во Њукасл, кој ја заврши претходната сезона на петтото место, па ќе игра во Лигата на шампионите. Рамсдејл ќе се бори за место меѓу стативите со 33-годишниот Ник Поуп.
Црно-белите, според извештаите од Островот, платиле „значителна сума“ за да го земат момчето од Стоук на позајмица за една година, а договорот вклучува право за откуп на неговиот договор.
Фото/ Принтскрин