Поради своите фудбалски изведби на теренот, Лука Модриќ (36) пак е во центарот на хрватската, шпанската, но и во светската јавност.

Завчера вечерта, на мечот во Доњецк против Шахтјор во ЛШ, Лука Модриќ беше главниот мотор на Кралскиот клуб кој славеше убедлив триумф, 5-0.

„Му асистираше на Винисиус како што други не би успеале ниту на PlayStation“ или „Модриќ ја исфрли одбраната на Шахтјор не како да игра со нога, туку како да црта со молив“ се речениците што за Хрватот ги пишува во тиражната „Марка“.

Освен виртуозноста, се почесто се истакнува и неговата издржливост

„Лука покажува сјајна форма, немам никаква потреба да го ротирам, тој не е дете. Можеме само да уживаме во неговото искуство. Тој, Крос и Касемиро освоиле се, но и понатаму се гладни за трофеи“ рече тренерот на Реал, Карло Анчелоти.

И самиот Модриќ ја потврди својата кондиција.

„Физички се чувствувам одлично, не сакам кога седам на клупа, кога тренерот ме одмора, сакам да играм и верувам дека уште неколку години можам на ова ниво“ рече Модриќ.

Кога ќе се погледне учинокот на некои од најдобрите фудбалери од средниот ред во 21. век, Иниеста на 34 години отиде во Јапонија, Џави на 35 во Катар, а Џерард на 35 во ЛА Галакси. Зидан и Виеира на 34 веќе заминаа во „пензија“.

Поранешната шампионка на Ју-ес опен, Флавија Пенета, тврди дека годишениот триумф на Ема Радукану, на терените во Њујорк, не е добра за женскиот тенис.

Радукану, до трофејот на последниот гренд слем во сезоната дојде преку квалификациите.

„Не ми се допаѓа тоа. Не постои континуитет. Мислам дека тоа не е добро за женскиот тенис. Кога јас играв немаше шанси, млада девојка, која игра квалификации на крајот да освои гренд слем титула. Радукану тоа го направи оваа година. Тука нешто не во ред“, рекла Пенета.

„Нема повеќе харизма, поради што женсиот тенис тешко се продава“.

Титулата во Њујорк на Радукану и донесе 1.800.000 фунти, спонзорски договор со „Диор“ и 2.000.000 нови следбеници на „Инстаграм“.

На првиот турнир по Ју-ес опен, мастерсот во Индијан Велс, Радукану испадна во второто коло.

Јувентус се уште ги чувствува последиците од заминувањето на Кристијано Роналдо. Португалецот го напушти Торино на 28.август, тој по 12 години се врати во Манчестер јунајтед. Капитенот Џорџо Кјелини мисли дека трансферот требало да се случи порано, тимот немал време да се адаптира на заминувањето на Роналдо.

„Ја започнавме обновата, ова е нов почеток. Да останеше Роналдо, тимот ќе имаше дополнителен квалитет, со задоволство ќе го користевме неговиот потенцијал, но тој повеќе размислуваше за сегашноста отколку за иднината. Замина на 28.август, ќе беше подобро за нас доколку заминеше порано. Неговата одлука предизвика шок и тоа го плативме со губењето на бодови. Да си заминеше на 1.август ќе имавме повеќе време да се подготвиме за она што не очекува“, изјави Кјелини за ДАЗН.

Капитенот на Јувентус верува дека Роналдо барал нов предизвик во кариерата.

„Во односот со Роналдо дојдовме до тоа тој да бара нов предизвик, тим кој ќе игра за него, бидејќи кога ќе се најде во таков тим тој е „убиец“. Тоа го покажа во годините кои ги мина во Јувентус“.

Јувентус, во Серија А, по осум кола се наоѓа на седмото место со десет бода помалку од лидерот Наполи.