Севилја град поделен меѓу навивачи на два клуба. Синоќа еден дел од градот тагуваше, другиот славеше. Бетис не успеа да го освои првиот европски трофеј во клупската историја. Зелено-белите загубија од Челси (1:4) во финалето во Конференциската лига.

Бетис против Члеси одигра извонредно прво полувреме, по кое стекна гол предност и припупти две големи шанси, на паузата меѓу двете полувремиња да замине со поголема разлика.

Во вториот дел зелено-белите потонаа, примија четири гола од 65. до 91.минута, Челси го освои трофејот и везе во историјата на УЕФА. „Сините“ сега имаат трофеј во сите натопреварувања организирани од УЕФА.

На клупата на Челси седи Енцо Мареска, пораншен игра на Севилја.

Мареска постигна два гола во првото финале на Купот на УЕФА што го освои Севилја, во мај 2006 година против Мидлсбро во Ајндховен.

„Честитки до нашиот поранешен играч Енцо Мареска за освојувањето на Конференциската лига“.

Но, на сите им е јасно дека не е само честитка до тренерот на Челзи, дека е малку повеќе од тоа. На „Рамон Санчез Пихуан“ се радуваа на неуспехот на нивниот градски ривал, а во Бетис решија да не останат должни.

На претседателот на Бетис, Анхел Аро, воопшто му се допадна кога му кажаа каква порака објавиле од редовите на градскиот рвал.

„Не сум ја видел објавата, но тие во моментов водат уште една „војна“, за која не сум заинтересиран. Ние сме фокусирани на раст, на тоа да се снајдеме добро следната година, а тие се во многу поинаква позиција“, рече Анхел Аро во емисијата „Партидасо де Копа“ и дополни.

„И честитам на Севилја што избори опстанок во лигата оваа година.“

Поминаа две години откако Џанлуиџи Буфон ја заврши својата долга кариера и се пензионираше од професионалниот фудбал. Во текот на децениите поминати меѓу стативите, тој стана едно од препознатливите лица на италијанската репрезентација, со која ја освои титулата светски шампион во 2006 година. Со оглед на сè што постигна, неговите коментари сè уште имаат голема тежина во јавноста.

Неговите неодамнешни изјави во кои се осврна на промените во пристапот кон фудбалот во Италија привлекоа големо внимание. Буфон верува дека основните карактеристики на италијанската игра, позната по својата одбранбена сила и дисциплина, со текот на времето почнаа да се занемаруваат.

„Дваесет години се срамиме од тоа што сме. Дваесет години чувствувам дека мора да играме како Шпанија; се откажавме од нашата историја. А талентот исчезнува поради тоа. Денес би им било срам да стават играчи како Ферара или Канаваро на теренот. Киелини, не би играл затоа што нема добар пас“, рече Буфон.

Тој, исто така, предупреди на начин на игра што не е во согласност со традиционалните вредности на италијанскиот фудбал, а како пример го наведе неодамнешниот европски натпревар помеѓу Барселона и Интер.

„Одиш во Барселона (полуфинале на Лигата на шампионите, Барселона – Интер) и плаќаш билет, но не смееш да помислиш дека можеме да играме со висока одбрана во средниот ред деведесет минути… Историските натпревари на Италија се засноваат на одбрана до смрт, на кохезија, тимски дух, игра на резултат. Сега се чини дека ни е непријатно, дека нема да бидеме прифатени во високото фудбалско општество. Сакам да излезам на теренот за да се обидам да победам, не треба да се срамиме тоа да го правиме на наш начин.“

Управниот одбор на Евролигата донесе одлука за проширување на лигата почнувајќи од наредната сезона. Од сезоната 2025/26 во Евролигата ќе се натпреваруваат 20 екипи.

На денешното гласање победи опцијата што подразбира зголемување на бројот на учесници од претходните 18 на 20.

Ова значи дека во следната сезона ќе играат 17 клуба од сезоната зад нас, Хапоел Тел Авив како победник на Еврокупот, како и Валенсија и Дубаи.

Од 18-те клуба што се натпреваруваа во сезоната 2024/25, нема да ја гледаме само берлинската Алба.

Следната сезона во Евролигата ќе се натпреваруваат: Ефес, Монако, Басконија, Црвена звезда, Олимпија Милано, Барселона, Баерн, Фенербахче, Асвел, Макаби, Олимпијакос, Панатинаикос, Париз, Партизан, Реал Мадрид, Виртус, Жалгирис, Хапоел Тел Авив, Валенсија и Дубаи.

Новата, историска сезона во Евролигата започнува во октомври, а Фенербахче ја брани титулата.