Спорт
ЛА Лејкерс со победа ја разубавија церемонијата за Пау Гасол
Кошаркарите на ЛА Лејкерс го победија Мемфис Гризлис со 112:103, а вечерта во „Крипто.ком“ арената му беше посветена на играчот што настапуваше за двата тима, Пау Гасол.
На свечена церемонија пред почетокот на мечот, дресот со „16“ беше повлечен од употреба и закачен веднаш до „осумката“ и до „24“ на Коби Брајант. Пау Гасол шест години (2008-2014) играше за ЛА Лејкерс.
Шпанецот во НБА лигата пристигна во 2001 година, и заигра за Мемфис, а во 2008 година се пресели во ЛА Лејкерс каде во тимот заедно со Коби Брајант освои две шампионски титули, во 2009 и 2010 година. Сега неговиот дрес се наоѓа покрај двата дреса на Коби (8 и 24).
ЛА Лејкерси го совладаа Мемфис Гризлис со 112:103 иако се без повредениот Леброн Џејмс и ја продолжија борбата за пласман во плејофот. Ентони Дејвис мечот го заврши со 30 поени и 22 скока.
Милвоки без повредениот Јанис Адетокумбо го совлада Орландо меџик со 123:134. Брук Лопес со 26 поени беше предводникот на Милвоки на овој меч.
Џоел Ембид имаше одличен настап за Филаделфија, постигнувајќи 39 поени во триумфот (94:117) над Минесота.
Далас Маверикс со 120:116 ја совлада Јута. Лука Дончиќ постигна 29 поени и имаше 10 скока, додека Кајри Ирвинг беше стрелец на 33 поени.
Резултати: Детроит – Вашингтон 117:119, Орландо – Милвоки 123:134, Минесота – Филаделфија 94:117, Њујорк – Шарлот 105:112, Хјустон – Бруклин 96:118, Оклахома сити – Голден Стејт 137:128, Далас – Јута 120:116, ЛА Лејкерс – Мемфис 112:103.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Англија со најголемите ѕвезди ќе настапи на ЕУРО 2024
Селекторот на Англија, герет Саутгејт го објави спискот на фудбалери за ЕУРО 2024. На спискот има 33. фудбалери, што значи дека до почетокот на првенството ќе седуммина од кои еден сигурно ќе биде голман.
На ЕП нема да патува долгогодишниот член на националниот тим, Џордан Хендерсон.
Списокот на Саутгејт:
Голмани: Дин Хендерсон, Џордан Пикфорд, Арон Рамсдејл, Џејмс Трафорд
Одбрана: Џеред Брантвајт, Луис Данк, Џо Гомез, Марк Гуеи, Езри Конса, Хари Мегваер, Лук Шо, Џон Стоунс, Киеран Трипиер, Кајл Вокер.
Среден ред: Трент Александар-Арнолд, Конор Галагер, Кертис Џонс, Коби Мајно, Деклан Рајс, Адам Вартон, Џерод Боувен
Напад: Џуд Белингем, Џерод Бовен, Еберечи Езе, Фил Фоден, Џек Гралиш, Ентони Гордон, Хари Кејн, Џејмс Медисон, Кол Палмер, Букајо Сака, Ајван Тони, Оли Воткинс.
Англија на ЕП е во Ц групата заедно со Данска, Словенија и Србија.
Спорт
Димитиревски договорил четири годишна соработка со Валенсија
Репрезетативецот на Македонија Столе Димитиревски од наредната сезона ќе го носи дресот на Рајо Ваљекано. Бројни шапнски медиуми и најпознатиот транфер-инсајдер, Фабрицио Романо, објавија дека голманот со Валенсија потпишал четири годишен договор.
Столе Димитриевски по шест сезони, како слободен играч ќе го напушти Рајо Ваљекано. Од „Ваљехас“ ќе замине како голман со најмногу одиграни натпревари во клупската историја.
Во последното коло, против Атлетик Билбао на домашен терен Македонецот по 192. пат ќе застане на голот на Рајо Ваљекано.
Трансферот на Димитриевски значи дека Валенсија ќе ја напушти Грузиецот, Гиорги Мамрдашвили. Од неговиот трансфер Валенсија треба да заработи 30 или повеќе милиони евра.
Спорт
Тиквеш и Воска најавуваат голема борба за трофејот во Купот
Извор/ ffm.mk
Тиквеш и Воска Спорт утре од 19:00 часот на Националната арена „Тодор Проески“ во Скопје ќе се соочат во 31. финале од Купот на Македонија.
На денешната прес-конференција, тренерите и капитените на двата тима ги споделија своите очекувања во пресрет на утрешното финале.
„Кога сме веќе во финалето, секако дека сме тука и да го освоиме. Нема да бидеме скромни, сакаме да го освоиме пехарот. Верувам дека моите фудбалери ќе бидат максимално мотивирани и дека ќе ја заокружиме оваа сезона на најдобар можен начин. Победникот може да го реши еден момент, грешка или инспирација на одреден фудбалер“, изјави тренерот на Тиквеш, Ѓорѓи Мојсов.
„За разлика од Тиквеш ние сме млад клуб кој постои неколку години, ова е прва година во Прва лига за Воска и веднаш стигнуваме до историско финале што е голем успех. Првенството го завршивме на посакувано место, па сега одиме да се надигруваме против Тиквеш во Купот на Македонија. Тие се хит во пролетниот дел од сезоната и сакам да им честитам за четвртото место на табелата кое е одлично остварување за Тиквеш. Играат добро, но сепак и ние сме во добра форма, долго време сме без пораз и дојдовме во Скопје да се надигруваме и да го освоиме Купот на Македонија. Еднаш бев учесник во финале како тренер на Металург и загубивме од Работнички. Се надевам дека сега со Воска Спорт ќе бидеме поуспешни и дека ќе ги оствариме нашите цели“, рече тренерот на Воска Срѓан Захариевски