Спорт
Ла Лига: Англичаните го допингуваат и уништуваат фудбалот

Клубовите од Премиер лигата потрошија рекордни 915 милиони евра за само еден месец од зимскиот преоден рок, покажуваат резултатите од анализата на 2Deloitte Sports Business Group“. Покрај рекордното трошење на англискиот тим, тие поставија и индивидуален рекорд. Челзи го комплетираше најрасипничкиот преоден рок од кој било клуб во историјата на фудбалот. Тој потроши 37 отсто од вкупната спомената сума (330 милиони евра), што е повеќе од вкупната потрошувачка на сите клубови во Бундеслигата, Ла Лига, Серија А и Лига 1.
Ла Лига е бесна бидејќи, додека тие штедат, нејзиниот единствен конкурент троши милијарди евра.
Шпанците се свесни дека се единственоот конкурент на Премиер лигата за статусот најсилна, најатрактивна и најпрофитабилна национална лига во светот. Ова особено се однесува на нивниот дуел на глобално ниво за телевизиските права.
Светската публика сака да ги гледа најдобрите, најатрактивните и најскапите играчи, а судејќи по неодамнешниот преоден рок, Англичаните ги победија Шпанците.
Затоа реагираше Хавиер Гомез Тебас, генералниот директор на Ла Лига, кој беше критикуван за неговиот груб однос кон Барселона. Поточно, одлуката да не му дозволи на клубот да купува и регистрира играчи додека е на работ на банкрот.
„Она што го прават англиските клубови е вистинската причина да се објасни колку се бесмислени приказните дека желбата на Ла Лига да има економска контрола над шпанските клубови води до тоа клубовите да ни носат помалку играчи од англиските. Знаете која е единствената вистина? Ние само сакаме клубовите да го трошат она што можат да си го дозволат и што самите го создаваат преку своите приходи“, објасни Тебас и им се нафрли на Англичаните:
„Кој е главниот проблем со нив? Тоа што ги допингуваат клубовите. Со вбризгување пари во нив кои клубот не ги создал за да ги потроши. Ова ја доведува во прашање одржливоста на клубот доколку главниот сопственик или акционер си замине. Тоа не е само допинг, туку и измама“.
Тебас нуди решение како да им застане на патот на англиските клубови.
„Ќе се бориме. Бараме УЕФА да воведе правила кои ќе ги спречат акционерите на клубовите да инвестираат повеќе од одредена сума и да следи дали клубовите го почитуваат ова правило. Секој што не ги почитува овие прописи треба да биде казнет. Ирелевантно е за која земја или лига се работи“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Барди: Малта само мислеше како да се одбрани, ќе бидеме подобри со Украина и со Англија

„Десетката“ на Македонија, Енис Барди, смета дека нашиот национален тим сосема заслужено стигна до победа од 2:1 на вечерашниот меч против Малта во Скопје. Елмас и Чурлинов беа стрелци на головите.
„Заслужено победивме, постигнавме два гола, можевме и уште некој. Првиот чекор од овие квалификации беше успешен, очекувам да играме уште подобро против Украина и против Англија. Тешко е да се игра против Малта која само мисли како да се одбрани. Ќе бидеме уште подобри во иднина. Сакам да се заблагодарам и на навивачите за поддршката“, изјави Енис Барди.
Македонија на 27 март ја очекува и пријателски натпревар против Фарски Острови на арената „Тодор Проески“.
Спорт
Хари Кејн најдобар стрелец во историјата на Англија

Kапитенот на Англија, Хари Кејн, со 54 гола вечерва стана рекордер во историјата на фудбалска репрезентација на гордиот Албион, откако беше стрелец на натпреварот против Италија во Неапол, во квалификациите за ЕП 2024 година.
Англија ја победи Италија со 1:2 во првото коло од групата Ц, а Кејн за националниот тим го постигна 54. гол на 81 натпревар.
Фудбалерот на Тотенхем го собори рекордот што го делеше со Вејн Руни, кој постигна 53 гола на 120 натпревари за англиската селекција.
Кејн ќе може да го подобри својот рекорд веќе о недела, кога Англија во второто коло ја пречекува Украина на „Вембли“.
Спорт
Милевски: Ваквите мечеви со ривали како Малта се најопасни, важен е триумфот

Фудбалската репрезентација на Македонија со победа од 2:1 над Малта го стартуваше новиот циклус квалификации за пласман на ЕП 2024. Елмас и Чурлинов беа стрелци на головите за нашиот национален тим, кој, сепак, не блескаше.
Селекторот Благоја Милевски доби црвен картон во завршницата од мечот.
„Добив црвен картон затоа што сум го напуштил просторот за водење на тимот крај клупата. За тоа се добива жолт картон, но ете јас поцрвенев. Сакам да им честитам на момците, за енергијата, за желбата и тактичката дисциплина што ја покажаа на овој натпревар. Ваквите мечеви со ривали како Малта се најопасни. Најважно е дека победивме, а од натпревар во натпревар сме сѐ подобри. За жал, имаме повреди. Ѓоко Зајков со итна помош е одведен во болница, а Адеми се повреди на последниот тренинг“, изјави селекторот Благоја Милевски.