Спорт
Ла лига ги пријави Сити и Реал до УЕФА за договорите со Халанд и Мбапе
Шефот на шпанската Ла лига, Хавиер Тебас ги оствари заканите и поднесе официјална жалба против Манчестер сити и Пари Сен-Жермен за „постојано“ прекршување на правилата за финансиски ферплеј (ФФП), иритирани од договорите на Ерлинг Халанд со англискиот шампион и одлуката на Килијан Мбапе да ги одбие Реал Мадрид и да остане во Париз со богат договор.
Ла лига откри дека веќе поднеле една жалба против Сити во април, по што следуваше и жалбата против ПСЖ посочувајќи дека двата клуба имаат „нерегуларно“ финансирање и нивните скапи одлуки ги прекршуваат правилата на УЕФА и влијаат на сите европски клубови и лиги. Тие исто така ја цитираат позицијата на претседателот на ПСЖ, Насер Ал-Хелаифи како прекршување на правилата за конфликт на интереси, бидејќи тој е и претседател на Европската асоцијација на клубови (ЕЦА) и делегат во извршниот комитет на УЕФА.
„Ла лига оваа недела се жалеше кај УЕФА против ПСЖ, која се приклучува на жалбата против Манчестер сити во април, бидејќи двата клуба постојано ги прекршуваат сегашните правила за финансиски ферплеј. За Ла лига ова е во спротивност за целта за самоодржливост во фудбалот и штети на сите европски клубови и лиги со вештачко ‘пумпање’ на цените на пазарот без генерирање пари во самиот фудбал. Парите доаѓаат со директни инвестиции или преку спонзорски договори кои немаат економска смисла. Покрај тоа, Ла лига контактираше со правни компании во Франција и Швајцарија, со цел да се поднесат легални акции пред француските власти и пред властите на ЕУ“, се вели во објавата на Ла лига.
Сити и ПСЖ во минатото беа дел од истрагите на УЕФА за прекршување на финансискиот ферплеј. Во 2014 година, двата клуба беа санкционирани со финансиски казни и ограничување на трансферите. Сити, пак, беше и исфрлен од европските натпреварувања, пред успешно да се жали пред Судот за арбитража во спортот (ЦАС).
BREAKING! La Liga have filed a complaint with UEFA accusing Manchester City and PSG of breaking FFP rules. pic.twitter.com/DN1lMQdd3B
— Sky Sports News (@SkySportsNews) June 15, 2022
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Сити за полувреме го реши Брајтон
Фудбалерите на Манчестер Сити убедливo славеа на гостувањето кај Брајтон со 4:0 (3:0) во натпревар од 29. коло на англиската Премиер лига.
Актуелните шампиони сите дилеми околу победникот ги решија во првото полувреме и тоа во интервал од 17 минути кога постигнаа три гола.
Кевин де Брујне го постигна првиот гол во кариерата со глава во 17. минута, по центаршутот на Кајл Вокер.
Потоа два гола постигна Фил Фоден во 26. и 34. минута, првиот од слободен удар со малку среќа, а вториот по груба грешка на одбраната на домаќините.
Хулијан Алварез во 62. минута ги постави конечните 4:0.
Избраниците на Пеп Гвардиола се втори на табелата, го прескокнаа Ливерпул, а имаа бод и натпревар помалку од лидерот Арсенал.
Спорт
(Видео) Димитријевиќ МВП на ВТБ лигата
Кошаркарот на Уникс, Ненад Димитријевиќ е прогласен за најкорисен играч на регуларниот дел сезоната на руската ВТБ лига.
Уникс прв заврши во лигата, првпат во историјата, а Македонецот беше еден од најзаслужните за ваков успех.
Сезонава Димитријевиќ имаше просек од 19 поени по натпревар со 6,6 асистенции, 3,6 скока и 1,3 украдени топки.
Во минатогодишното финале на ВТБ лигата неговиот тим ја совлада Локомотива (4:1), а Димитиријевиќ беше прогласен за МВП на финалната серија.
Сезонава во решавачкиот меч за првото место во регуларниот дел против ЦСКА Москва забележа рекордни 40 поени со девет асистенции.
„За мене е голема чест да ја добијам наградата МВП за регуларниот дел од сезоната на ВТБ лигата 2023/24“, изјави Димитријевиќ и додаде:
„Оваа година победивме во многу возбудливи натпревари и славевме во регуларниот дел од сезоната. Мислам дека ова е резултат на напорната работа на целиот тим. Би сакал да им се заблагодарам на ВТБ лигата, на мојот тим Уникс, на стручниот штаб на чело од Велимир Перасовиќ, медицинскиот штаб и нашите верни навивачи. Најголема благодарност до моите соиграчи, кои ми помогнаа да станам подобар играч.“
Спорт
Адријан Њуи ќе го напушти Ред Бул
Главниот директор за дизајн на Ред Бул, Адријан Њуи, треба да го напушти тимот по контроверзата, која вклучува обвинувања против шефот на тимот Кристијан Хорнер.
Њуи, кој важи за најдобар дизајнер во историјата на Формула 1, одлуката да го напушти тимот им ја сооптшил челниците на Ред Бул, објави денеска Би-би-си.
Адријан Њуи е вознемирен од ситуацијата во Ред Бул, откако Хорнер беше обвинет за сексуално вознемирување и насилно однесување кон колешка. Хорнер ги негираше обвинувањата, а тимот по спроведена интерна истрага ги отфрли обвинувањата против Хорнер и жената ја суспендираше од работа.
Тој има договор со Ред Бул до крајот на следната сезона, а претходно беше поврзуван со преселба во Ферари.