Спорт
Лацио дома загуби од Селтик, Севилја избори нокаут фаза, пораз на Ајнтрахт (видео)
Римски Лацио на својот „Олимпико“ доживеа пораз во последните моменти од шкотски Селтик со 1-2.
Лацијалите поведоа преку Имобиле, израмни Форест, а во 95 минута Нтшам погоди за победа и прво место на табелата за шкотскиот тим.
Во истата група, романски Клуж минимално со 1-0 славеше победа над Рен со што се најдоа на втората позиција.
Екипата на Севилја е првиот тим во ЛЕ обезбеди пласман во нокаут фазата. Андалузијците убедливо со 5-2 славеа победа против Дуделанж во Луксембург на терен што повеќе наликуваше на нива.
Хет-трик за Севилја постигна Мунир Ел-Хадади, а двапати прецизно стрелаше и Мунас Дабур.
Изненадување се случи во Линц, каде домаќинот ЛАСК го победи холандски ПСВ Ајндховен со 2-0.
Спортинг Лисабон, пак, кој вечерва беше без услугите на македонскиот фудбалски репрезентативец, Стефан Ристовски славеше гостински триумф кај Розенборг со 2-0.
Пораз доживеа екипата на Ајнтрахт Франкфурт нагости кај Стандард во Лиеж со 2-1. Со тоа двете екипи се изедначија со по 6 бода на втората, односно третата позиција пред неприкосновениот Арсенал кој е на чело со 10 бода.
Ова се сите резултати на натпреварите од ЛЕ што започнаа во 18.55 часот:
АПОЕЛ – Карабаг 2-1
Базел – Гетафе 2-1
Клуж – Рен 1-0
Дуделанж – Севилја 2-5
ФЦ Копенхаген – Динамо Киев 1-1
Краснодар – Трабзонспор 3-1
ЛАСК Линц – ПСВ 4-1
Лацио – Селтик 1-2
Лугано – Малме 0-0
Розенборг – Спортинг (Л) 0-2
Стандард (Л) – Ајнтрахт (Ф) 2-1
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Реал победи во Сан Себастијан, еден триумф го дели од шампионската титула
Фудбалерите на Реал Мадрид го совладаа имењакот од Сан Себастијан на „Реале арена“ со 1:0 (1:0) во премиерниот натпревар од 33.коло.
На овој начин „кралскиот клуб“ со натпревар повеќе стекна 14 бодови предност во однос на Барселона.
Практично само теорија го дели Реал Мадрид од 36. титула во клупската историја.
Карло АНчелоти натпреварот го започна со комбиниран состав, а за прв пат стартер беше младиот Арда Ѓулер.
Токму младиот Турчин со голот во 29. минута му донесе победа на својот тим. Карвахал нафрли во шеснаесетникот, а Гулер шутираше низ нозете на голманот Ремиро.
Три минути подцна Реал Сосиедад преку Такефуши Кубо постигна гол кој беше поништен поради офсајд.
Сосиедад остана на шестата позиција со 51 бод до крајот на сезоната ќе се бори за пласман во Лига Европа или Конференциската лига.
Спорт
(Видео) Евролигата покрена постапка против судијата Болтаузер – Украл парфем од „фри-шоп“
Еден од најпознатите европски судии, Словенецот Матеј Болтхаузер (49) е тема број 1 во европската кошаркарска јавност поради видеото кое излезе во јавноста.
Имено, Болтаузер е снимен на него на аеродромот „Никола тесла“ во Белград на 8 декември минатата година како краде парфем на Том Форд од „фри шоп“.
Станува збор за парфем кој чини 221 евро.
Болтхаузер тогаш се враќаше од натпреварот од Евролигата меѓу Монако и Партизан, која ја судеше во Франција.
Поради видеото кое се појави пет месеци подоцна, Евролигата покрена постапка против Болтаузер.
Тој сигурно ќе се соочи со драстична казна, па дури и играчите си земаа слобода да кажат „збор-два“ за Словенецот.
Најгласен беше Мет Џенинг, кој директно го обвини Болтхаузер дека со години крадел, не само на аеродромот, туку и на терените во Евролигата.
„Човекот краде со години! Евролигата има голем број одлични судии, но ова момче е убедливо најлошиот и не е тешко да се разбере зошто”, напиша Џенинг, поранешен играч на Монтепаски, Ефес, Басконија, како одговор на видеото кое брзо се прошири низ Европа.
Salen a la luz imágenes de Boltauzer, árbitro de la Euroliga, robando un perfume en el aeropuerto de Belgrado
🫣 Los hechos sucedieron tras el partido entre Partizan y Mónacopic.twitter.com/brQUbuRYqa
— Eurohoops España (@EurohoopsES) April 26, 2024
Спорт
Арне Слот ќе биде новиот тренер на Ливерпул
Холандскиот стручњак Арне Слот од следната сезона ќе биде тренер на Ливерпул.
Трансфер инсајдерот, новинарот Фабрицио Романо тврди дека двата клуба се договориле, Ливерпул на Феенорд ќе му исплати одредена отштета за тренерот чии договор истекува во 2026 година.
Допрва ќе биде познато колкава сума ќе плати Ливерпул. Наводно Ливерпул понудил 9.000.000 евра, а Феенорд бара 13.000.000 евра.
Слот од 2021 година е на клупата на клубот од Ротердам на кој му донесе голем успех.
Во првата сезона го водеше тимот до финалето на Конференциската лига, таа година беше прогласен за тренер на сезоната во Ередивизие, а една година подоцна ја освои домашната титула со Феенорд.
Во својата втора сезона во клубот, тој го предводеше тимот до четвртфиналето на Лига Европа.
Пред Феенорд, Слот ги водеше Камбур и АЗ.