Годината која полека изминува донесе спектакуларна борба за шампионската титула во карската класа во Мото ГП шампионатот. Јасно е дека иднината ќе ја покаже вистинската вредност и историската титула на Хорхе Мартин. Шпанецот стана првиот возач во Мото ГП ерата кој ја освоил титулата во најсилната категорија како возач на приватен тим.

Возачот на Прамак за 10 бода го победи бранителот на титулата Франческо Бањнаја, кој 11 сезонава забележа 11 победи. Но, иако сега трикратниот светски шампион ја покажа својата најдобра верзија од себе на патеката во 2024 година, тој исто така направи премногу грешки и не можеше да му парира на Мартин, кој ја подигна конзистентноста на ново ниво.

Уште пред да започне сезоната, беше јасно дека Мартин ќе го напушти Прамак, бидејќи рече дека е време да стане фабрички возач. Се претпоставуваше дека тој ќе се пресели во фабричкиот тим на Дукати, дека ќе биде тимски колега со Бањаја.

Но работите се сменија по дебаклот што се случи во Муџело, кога Дукати се реши да го ангажира Марк Маркез. На прашањето како се чувствува кога сфати дека нема да добие место во Дукати и дека мора да оди на друго место, новиот шампион во интервју за „Спорт клуб“ одговори:

„Сигурно не размислував за тоа пред да започне сезоната. Бев најдобриот од возачите на Дукати, чувствував дека сум многу подобар од другите, многу блиску до Пеко, секогаш мислев дека ќе завршам во фабричкиот тим на Дукати.

Но, кога требаше да потпишам договор со Дукати, по неделната трка во Муџело нешто се смени, некој дојде и ја смени одлуката. Не можев да го контролирам тоа, ништо не зависеше од мене, па ми беше лесно да ја сменам одлуката.

Вечерта веќе имав донесено одлука за мојата иднина. Можеби на моите најблиски им беше потешко да го прифатат, да го разберат, но мене ми беше лесно. Никогаш не би очекувал на почетокот на сезоната дека следната сезона ќе бидам во Априлија, но така стојат работите, промените се лесни на овој свет. И навистина сум среќен бидејќи по таа промена на одлуката на Дукати сфатив дека тоа не е местото за мене. Се обидов да покажам нешто што тие не го сакаа, а после сето тоа бев поопуштен и посреќен за мојата иднина“.

Мартин истакна една исклучително важна работа, покажа максимум во однос на она што беше побарано од него за да добие место во Дукати, но на крајот тоа не беше доволно.

„Јас навистина не знам… Бев вицешампион минатата сезона, во тој момент водев во првенството со две победи. Секако, одлуката не беше за тоа што го прикажав, туку беше повеќе маркетинг или некоја друга приказна што немаше врска со перформансите на патеката, нешто што јас не можев да го контролирам. Повеќе не ми е грижа. Во оваа сезона сфатив дека мојата цел не е само резултат, тоа е повеќе од тоа, а тоа е да научам многу, многу да се подобрувам, да се трудам постојано да го давам максимумот“.

Лоренцо Пелегрини, капитенот на Рома, се наоѓа пред заминување од клубот во кој ја започна кариерата.

Италијанскиот репрезентативец е во лоша форма и моментално не дел од стартната постава. Тој е незадоволен и сака да ја промени го напушти клубот во зимскиот преоден рок.

За него се заинтересирани Интер, Наполи и Фиорентина, но Пелегрини сака да се испроба во англиската Премиер лига.

Лоренцо ги мина сите младински категории на Рома, а покрај за „Волчицата“ играше само за Сасуоло од 2015 до 2017 година.

Обложувалниците „Спорт лајф“ (Sport Life) посветено го продолжуваат придонесот кон општествено одговорни иницијативи. Во очекување на новата 2025 година, компанијата додели новогодишни пакетчиња на децата од социјално ранливите категории и на лицата со попреченост.

По тој повод, беа посетени повеќе институции и домови како: Здружение регионален центар за лица со интелектуална попреченост „Порака наша“- Куманово, ЈУ Детски дом „11 Октомври“ – Скопје, Здружение за ретки болести „Кокичиња“, Центар за помош на лица со ментален хендикеп „Порака Неготино“ – Волково.

„Им благодариме за убавиот прием, за радоста и насмевките кои ни ги подарија, сите деца и лица од ранливите категории, за нас ова претставува благородна традиција и дел од нашата визија за похумано и инклузивно општество. Истата со голема радост и задоволство ќе ја продолжиме и во иднина, воедно им ја честитам Новата година и им посакувам многу здравје, радост и среќа на сите дечиња и на сите наши граѓани во името на ‘Спорт лајф’ обложувалници“, изјави Петар Поцков, маркетинг директор на „Спорт лајф“.

ПР текст