Спорт
Лацио пак контроверзни – му дадоа договор на правнукот на Мусолини

Романо Флоријани Мусолини, 18-годишниот правнук на поранешниот фашистички лидер на Италија, Бенито Мусолини е нов член на У-19 тимот на Лацио, повторно поставувајќи го римскиот клуб во „врска“ со крајната десница.
Романо Мусолини, чие второ име е Бенито, е син на поранешната европарламентарка Алесандра Мусолини, и игра како десен бек и инсистира дека не е заинтересиран за политика. Неговата мајка пак, вели дека треба да се почитува неговата приватност.
„За Лацио, името Мусолини е тежок товар“, коментираше дневниот весник „Ил фато квотидијано“, посочувајќи кон „Курва норд“, навивачите на Лацио кои се традиционално на северната трибина на „Олимпико“, каде што честопати се гледаат фашистички поздрави.
Во 2017 година, навивачите на Лацио го излепија градот со ликот на Ана Франк во дрес на лутите ривали Рома, а во 2005 година, Паоло ди Канио, поранешен „ултрас“ на клубот, ги поздрави навивачите со фашистички поздрав. Сега, со наследникот на „Ил дуче“ во дресот на „бјанкочелестите“, ќе биде интересно да се види реакцијата.
„Тој е скромно момче кое не се жалеше иако две години не играше. Ми се допаѓа. Не е искусен, но има ветување. Презимето? Никогаш не сум зборувал со неговите родители и најважно е дали тој вреди да игра. Ништо друго“, вели тренерот на младинскиот тим на Лацио, Мауро Бјанкези.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Ф1 се враќа во Африка

Приоритет на челниците на Формула 1 е да организираат трка во Африка. Последен пат, Ф1 болидите, на африканскиот континент, возе во Јужна Африка во 1993 година.
Покрај челниците на натпреварувањето и неколку возачи, меѓу кои е и светскиот првак, Луис Хамилтон, рекле дека би сакале да се тркаат во Африка.
„Се согласувам со Луис. Африка е континент на кој не се одржува трка, тоа е погрешно. Тоа ќе ни биде приоритет за наредните години. Покрај Африка, наша цел ќе бидат и САД, каде што имам одлична трка, во Остон, но сакаме да се прошириме“, рекла Клои Таргет Адамс од бордот на директори на Ф1.
Покрај во Јужна Африка, Формула 1 трка се возела и во Мароко, во далечната 1958 година.
Спорт
Окоча: Салах треба да го напушти Ливерпул
Прославениот фудбалер од Нигерија, Џеј Џеј Окоча, решил да му „помогне“ на Мохамед Салах, околу изборот на новиот клуб. Окоча смета дека Салах треба да го напушти Ливерпул.
„Доколку постои и најмала шанса да замине во Барселона, би го советувал да го направи тоа. Неговата енергија во Ливерпул исчезна“, рекол Окоча.
Салах, во 2016 година за 40 милиони евра од Рома се пресели во Ливерпул. Египќанецот за Ливерпул досега одиграл 186 натпревар, постигнал 118 голови.
Спорт
Девин Букер повикан за Ол стар натпреварот

Играчот на Финикс Санс, Девин Букер, сепак ќе биде учесник на Ол-стар натпреварот. Комесарот на НБА лигата, Адам Силвер, го повикал Букер како замена за повредениот Ентони Дејвис.
Букер, оваа сезона има просек од 24,7 поени, 4,3 асистенции и 3,8 скока по натпревар.
Ол стар натпреварот ќе се игра без публика, на 7.март во Атланта. Три дена претходни капитените на тимовите Леброн Џејмс и Кевин Дурент ќе ги изберат соиграчите.
Дејвис, натпреварот ќе го пропушти поради повреда на листот на десната нога. Неговиот тим, ЛА Лејкерс, објави дека тој ќе биде на листата на повредени уште еден месец.
- Книги2 месеци
Македонски лекар ја објави последната исповед на Јосип Броз Тито
- Македонија3 месеци
МЖСПП: Мечкиното грозје важен ресурс, кој треба грижливо да го собираме
- Црна хроника3 месеци
Млада девојка од Штип пронајдена мртва во нејзиниот дом
- Македонија3 месеци
(Видео) Отстранети два нелегално изградени објекта во општина Центар
- Македонија2 месеци
Возачот на „бентлито“ што „влета“ на плоштад казнет со 45 евра, објавена фотографија од записникот
- Регион2 месеци
(Видео) Прекината прес-конференција на градоначалникот на Бања Лука: „Луѓе ова е сериозен земјотрес“
- Регион2 месеци
(Видео) Снимен моментот на потресот во Петриња – луѓе не можат да се задржат на земјата
- Свет4 недели
Поради примање мито во Кина погубен поранешен државен функционер