Спорт
Лацио пак контроверзни – му дадоа договор на правнукот на Мусолини
Романо Флоријани Мусолини, 18-годишниот правнук на поранешниот фашистички лидер на Италија, Бенито Мусолини е нов член на У-19 тимот на Лацио, повторно поставувајќи го римскиот клуб во „врска“ со крајната десница.
Романо Мусолини, чие второ име е Бенито, е син на поранешната европарламентарка Алесандра Мусолини, и игра како десен бек и инсистира дека не е заинтересиран за политика. Неговата мајка пак, вели дека треба да се почитува неговата приватност.
„За Лацио, името Мусолини е тежок товар“, коментираше дневниот весник „Ил фато квотидијано“, посочувајќи кон „Курва норд“, навивачите на Лацио кои се традиционално на северната трибина на „Олимпико“, каде што честопати се гледаат фашистички поздрави.
Во 2017 година, навивачите на Лацио го излепија градот со ликот на Ана Франк во дрес на лутите ривали Рома, а во 2005 година, Паоло ди Канио, поранешен „ултрас“ на клубот, ги поздрави навивачите со фашистички поздрав. Сега, со наследникот на „Ил дуче“ во дресот на „бјанкочелестите“, ќе биде интересно да се види реакцијата.
„Тој е скромно момче кое не се жалеше иако две години не играше. Ми се допаѓа. Не е искусен, но има ветување. Презимето? Никогаш не сум зборувал со неговите родители и најважно е дали тој вреди да игра. Ништо друго“, вели тренерот на младинскиот тим на Лацио, Мауро Бјанкези.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Ивановиќ ќе добие отказ во Басконија
Кошаркарите на Басковнија, вечерва (20.30 часот) го играат решавачкио натпревар во Евролигата. Доколку го победат Виртус ќе играат во плеј-оф против Реал Мадрид.
Прашање е дали пласманот во плеј-офот може да ја спаси сезоната, бидејќи Басконија „виси“, кога е во прашање плеј-офот во домашното првенство. Во шпанското првенство се на прагот на плеј-офот.
Шпанските медиуми пишуваат дека Душко Ивановиќ би можел да ја напушти Басконија. Црногорскиот тренер го одработува четвртиот мандат во клубот. Пристигна во текот на сезоната од Црвена звезда.
Замена за Ивановиќ би требало да биде актуелниот тренер на Гран Канарија, Јака Лаковиќ, кој има клаузула во договоорт дека може да замине во тим што настапува во Евролигата.
Локалниот медиуми, „Ла Провинсија“ наведува дека Лаковиќ е првиот избор на баскискиот тим за следната сезона. Овој извор пишува дека Басконија ќе треба да плати одредена сума за да го нагажира Лаковиќ.
Лаковиќ лани со Гран Канарија го освои Еврокупот, претходно тој беше тренер на Улм.
Спорт
„Мундо депортиво“: Зидан се договорил со Баерн Минхен
Зинедин Зидан ќе биде новиот тренер на Баерн Минхен, пренесува каталонскиот „Мундо Депортиво“. Зидан е без работа откако го напушти Реал Мадрид пред три години.
„Дознаваме дека преговорите се при крај, дури и двете страни сметаат дека се е готово и практично завршено. Зидан само побарал да му се доведат засилувања, особено во одбраната“, тврдат овој извор.
Зидан планираше да стане селектор на Франција, но Дидие Дешамп и понатаму останува на таа позиција. Од друга страна, Баерн, кој по 11 години остана без титулата германски шампион, сакаше да го доведе германскиот селектор Јулијан Нагелсман, но тој го продолжи договорот до 2026 година.
Претходно ПСЖ и Манчестер јунајтед се обидоа да го доведат Зидан, но тој ги одби нивните понуди.
Зидан, 51-годишникот од Марсеј, освои три ЛШ со Реал Мадрид, две шампионски титули на Шпанија, по два УЕФА и шпански Суперкупа, две титули на Светското клупско првенство…
Спорт
Рома преговара за трансферот на Киеза
Тренерот на Рома, Даниеле Де Роси, кој го продолжи договорот со клубот, е голем фан на фудбалерот на Јувентус, Федерико Киеза. Де Роси не кри дека би сакал да го има во својот тим крилниот напаѓач.
Де Роси работеше со него додека му беше асистент на Роберто Манчини во италијанската репрезентација.
Договорот на Киеза со Јувентус истекува во јуни 2025 година, што значи дека ова лето влегува во последната година од истиот.
Тоа значи дека ова лето е веројатно последна шанса клубот да заработи нешто од неговата продажба.
Свесни за ова, челниците на Рома веќе закажале состанок со неговиот менаџер Фали Рамадани.
Покрај Рома, интерес за Киеза покажува и Њукасл.