Вечерва, со натпреварите во групите Е, Ф, Г и Х ќе биде комплетирано второто коло во Лигата на шампионите. Дербито ќе се одигра во Торино, каде Јувентус без Кристијано Роналдо ќе ја пречека Барселона. Интересен може да и натпреварот помеѓу Манчестер Јунајтед и лидерот во Бундес лигата, Лајпциг.

Вечерашните пресметки ќе започнат во 18:55 со дуелите помеѓу Башакшехир и ПСЖ, односно Краснодар и Челси. Останатите шест натпревари на програмата се во 21 часот.

Јувентус и Барселона имаат проблем со формата, клубот од Торино два пати играше нерешено во Серија А, додека во ЛШ го победи Динамо во Киев, Барса исто така влезе со победа над Ференцваротш во новата сезона во ЛШ, но во Ла Лига врза два порази.

Фудбалските фанови нема да го видат дуелот на Роналдо и Меси, бидејќи Португалецот се уште е позитивен на коронавирусот.

Група Е:

Краснодар-Челси 18.55
Севилја-Рен 21.00

Табела: Краснодар 1, Рен 1, Севилја 1, Челси 1

Група Ф:

Клуб Бриж-Лацио 21.00
Борусија Дортмунд-Зенит 21.00

Табела: Лацио 3, Бриж 3, Зенит 0, Борусија 0

Група Г:

Ференцварош-Динамо Киев 21.00
Јувентус-Барселона 21.00

Табела: Барселона 3, Јувентус 3, Динамо 0, Ференцварош 0

Група Х:

Башакшехир-ПСЖ 18.55
Манчестер Јунајтед-Лајпциг 21.00

Табела: Лајпциг 3, Манчестер Јунајтед 3, ПСЖ 0, Башакшехир 0.

Навивачката група на фудбалскиот клуб Хајдук, „Торцида“, на полноќ на спектакуларен начин прослави 70 години од своето постоење. Небото над Сплит, но и во други хрватски градови, сјајеше од факли и други пиротехнички средства.

„Торцида“ е основана на 28 октомври 1950 година од сплитски студенти во Загреб. Тие биле инспирирани од приказните на Бајдо Вукас и другите играч на Хајдук, кои раскажувале за атмосферата на СП во Бразил и начинот на навивање на бразилската „Торцида“.

Тренерот на Реал Мадрид, Зинедин Зидан, е задоволен од реакцијата на свпоите играчи, кои во Менхенгладбах успеаја да освојат бод против Борусија иако до 87. минута губеа со 2:0.

„Покажавме карактер! Се гордеам со играчите“, рекол Зидан и дополнил:

„Игравме добро, дури и во моментите кога губевме, верувавме дека можеме да се вратиме. Резултатот не ги задоволува нашите амбиции, ние секогаш одиме на победа, но задоволен сум од играта“.

Реал во првите две кола во Б-групата има освоено само еден бод и се наоѓаат на последното место на табелата.

„Ќе поминеме во наредната фаза. Иако сега не победивме, игравме добро. Ако продолжиме вака, ќе направиме големи работи. Видов добра претстава на мојот тим“, заклучил Зидан.

Реал во наредните две кола ќе игра со Интер, најпрвин во Мадрид, а потоа во Милано.