Голден стејт Вориорс славеа победа против Минесота Тимбервулвс 124:115, а Лејкерси без Леброн немаа шанси во Филаделфија, запишаа пораз 87:105.

На крилјата на „Сплеш браќата“, Вориорс ја победија Минесота. Стеф Кари, кој одигра неколку лоши натпревар, го пронајде вистинскиот ритам, во чекор го следеше повратникот Клеј Томпсон, кој го одигра најдобриот меч откако се врати во тимот по две годишната пауза. Одличен меч одиграа Џордан Пул и Ол-стар играчот, Ендру Вигинс.

Кари погоди шест тројки од 10 обиди, мечот го заврши со 29 поени, осум скока и шест асистенции. Томсон постигна пет тројки, забележа 23 поени, четири поени помалку постигнаа Пул и Вигинс.

Минесота лошо шутираа за три поени 10/44. Карл-Ентони Таунс со 31 поен беше најефикасен, го следеше Ентони Едвардс со 27. Лоша вес за Минесота е повредат на Дианџело Расел.

Леброн Џејмс поради болка во левото колено го пропушти гостувањето на Лејкерси во Филаделфија. Без него во тимот Лејкерси немаа никакви шанси против Севентисиксерси.

Ентони Дејвис (31 поен, 12 скока) и Расел Вестбрук (20 поени) беа најдобрите играчи на Лејкерси. Џоел Ембид ја предводеше Филаделфија со 26 поени.



НБА лигата ги објави имињата на кошаркарите кои ќе го започнат Ол стар натпреварот во Кливленд. Како и секогаш, стартерите се бирани по принципот, тројца високи играчи (крила и центар) и двајца ниски (бекови).

И во Кливленд, нема да игра Истокот против Западот, туку капитените ќе ги изберат своите тимови. Капитен на Западот е Леброн Џејмс, а на Истокот Кевин Дурент.

Најмногу гласови на Истокот, покрај Дурент добија Тре Јанг (Атланта), Демар Дерозан (Чикаго), Јанис Адетокумбо (Милвоки) и Џоел Ембид (Филаделфија).

На Западот покрај Џејмс во петорката се и Џа Морент (Мемфис), Стеф Кари (Голден стејт), Ендру Вигинс (Голден стејт) и Никола Јокиќ (Денвер).

Леброн Џејмс е единствениот играч во НБА лигата кој 18 години на Ол стар натпреварот се наоѓа во стартната петорка.

Драфтот на кој Џејмс и Дурент ќе ги состават своите тимови ќе се одржи на 3.февруари.

Натпреварот ќе се одигра на 20.февруари.

Аргентина и Уругвај забележаа победи во 15. коло од квалификациите за пласман на Светското првенство во Катар. Аргентинците победија во Чиле, а Уругвајците во Парагвај.

Уругвај ја прекина серијата од четири порази и се врати во траката за пласман на Мундијалот во Катар. Уругвајците славеа во Асунсион против Парагвај со голот на Луис Суарез во 50. минута. Уругвајците беа подобри на теренот, во првото полувреме два пати ја погодија гредата, еднаш стативата од противничкиот гол.

Аргентина во декември го потврди пласманот на СП, Чилеанците до крајот ги очекува жестока борба за место на СП. Без Лионел Меси, Аргентинците славеа со 2:1. Ди Марија го отвори резултатот во деветтата минута, потоа Беретон израмни во 21., а конечниот резултат го постави Лаутаро Мартинез во 34.минута.

Табела: 1. Бразил 36 (14 натпревари), 2. Аргентина 32 (14), 3. Еквадор 32 (15), 4. Уругвај 19 (15), 5. Колумбија 17 (14), 6. Перу 17 (14), 7. Чиле 16 (15), 8. Боливија 15 (15), 9. Парагвај 13 (15), 10. Венецуела 7 (14).