Германската фудбалска федерација (ДФБ) призна дека постоеле „грешки“ во ракувањето на случајот со Месут Озил по одлуката на плејмејкерот на Арсенал да се фотографира со турскиот претседател Реџеп Таип Ердоган пред Светското првенство во 2018.

Озил, заедно со колегата од репрезентацијата, Илкај Гундоган од Манчестер сити, имаат турско потекло и решиле да се фотографираат со Ердоган, предизвикувајќи бура реакции во Германија и префрлање за вината за елиминацијата на Германија во групната фаза на СП во Русија во 2018.

Озил потоа се повлече од репрезентативниот фудбал и ја нападна федерацијата за расизам и недостаток на почитување.

„Го носев германскиот дрес со голема гордост и вобудување, но повеќе не. Секогаш сум давал максимум за моите соиграчи, тренерите и луѓето од Германија. Но, кога луѓе од германската федерација покажуваат непочитување за моите турски корени и ме користат за пропаганда, нема да останам така. Расизмот не смее да биде прифатен во никој случај“,изјави тогаш Озил.

Сега, генералниот секретар на ДФБ, Фридрих Куртис признава дека биле направени грешки и дека Озил бил „истеран“ непотребно.

„ДФБ направи грешки при однесувањето во случајот со Озил. Фотографијата стана лупа за други работи, а имаше и расистички обвинувања. Во исто време ние не се сретнавме со фудбалерот“, вели Куртис.

Динамо Загреб уште еднаш покажа дека имаат фантастична школа за млади фудбалери и „осет“ за бизнис, откако го продадоа младиот Јошко Гвардиол во Ред бул Лајпциг за фантастични 16 милиони евра.

Иако беа заинтересирани и Лидс, 18-годишниот дефанзивец потпиша договор со Лајпциг до 2026 година, а ќе остане во Динамо како позајмен фудбалер до крајот на сезоната, за што „модрите“ ќе добиваат дополнителни пари – 70 илјади евра по секој натпревар на Гвардиол.

Гвардиол го „фати“ окото на европските клубови откако влезе во првиот тим на Динамо минатата сезона, веќе играјќи и во Лигата на шампионите. Тој исто така е член на У-21 репрезентацијата на Хрватска.

#RBLeipzig verpflichtet das Abwehr-Talent Joško #Gvardiol zum 1. Juli 2021!

Der 18-jährige Kroate 🇭🇷 erhält bei uns einen Vertrag bis 2026 ✍️

Bis zum Saisonende spielt Joško weiterhin für @gnkdinamo.

Alle Infos 👉 https://t.co/OGLwWst2vr#DieRotenBullen pic.twitter.com/uN57iI8ouz

— Die Roten Bullen (@DieRotenBullen) September 28, 2020



Поради двете казни од по 5 секунди Луис Хамилтон трката за Големата награда на Русија ја заврши на третата позиција. Британецот два пати ги прекршил упатствата на директорот на трката поврзани со вежбите за страт на трката. Хамилтон тоа го правел на местата што не биле дозволени.

Хамилтон смета дека казната била драстична и дека ФИА се обидува да запре кога тоа веќе не може да го направат неговите ривали.

„Сигурен сум дека никој досега не добил две казни од по 5 секунди за нешто толку смешно. Никого не загрозив, сум го правел тоа на милион патеки во текот на годините и никогаш не бев казнет поради тоа“, рекол Хамилтон.

„Претераа со казната. Меѓутоа, тоа е очекувано. Се обидуваат да ме запрат. Морам да бидам мирен, повеќе нема да им дадам причина да ме казнат. Нашиот болид го прегледуваат трипати, ги менуваат правилата за да им овозможат на другите да ни се доближат, за да бидат трките интересни“.

Хамилтон е лидер во генералниот пласман со 205 поени, неговиот тимски колега Валтери Ботас, кој победи во Русија, има 161 поен на второто место. На Хамилтон му е потребна уште една победа за да го изедначи рекордот на Михале Шумахер според бројот на победи во Формула 1.