Управниот одбор на Македонската кошаркарска федерација, на седницата одржана на 20ти јануари 2026 година, ја разгледа и едногласно ја прифати оставката на селекторот на машката сениорска репрезентација, г. Марјан Илиевски, поднесена непосредно пред почетокот на седницата.

Иако Управниот одбор беше изненаден од ваквата одлука, Федерацијата во целост ја почитува личната и професионалната одлука на г. Илиевски и уште еднаш упатува искрена благодарност за неговиот ангажман, професионалност и придонес во периодот додека ја извршуваше селекторската функција, со желби за многу успех во неговата понатамошна кариера.

Во продолжение на седницата, Управниот одбор донесе една од најзначајните одлуки во последниот период, со која се поставуваат темелите за нов, поорганизиран и стратешки пристап во работењето на репрезентативната кошарка.

Едногласно беше донесена одлука легендата на македонската кошарка, Владо Илиевски, да биде назначен за Координатор на сите национални репрезентативни селекции.

Именувањето на Владо Илиевски претставува силна порака за јасна визија, континуитет и системски развој. Станува збор за една од најголемите фигури во историјата на македонската кошарка, поранешен долгогодишен репрезентативец, лидер на теренот и дел од најуспешната генерација на националниот тим, со која беше испишана историја на Европското првенство во 2011 година.

Неговото огромно меѓународно искуство, длабокото познавање на репрезентативниот систем и авторитетот што го ужива во кошаркарските кругови ќе бидат ставени во функција на унапредување на работата на сите сениорски и младински национални селекции, подобра координација меѓу нив, како и дефинирање на стратешки насоки за нивен долгорочен развој.

Во таа насока, Управниот одбор изразува очекување дека во најкраток можен рок, токму преку предлог на новоименуваниот координатор, ќе биде дефинирано и решението за селекцијата на нов селектор на машката сениорска репрезентација, со што ќе се обезбеди стабилност и навремена подготовка за претстојните репрезентативни обврски.

Покрај ова, Управниот одбор ги утврди критериумите за избор на стручни лица во рамки на Спортската академија, како и формирање на комисија задолжена за утврдување на исполнетоста на критериумите за селекција на тренери, со цел подигање на квалитетот и професионалните стандарди во македонската кошарка.

Дополнително, беше донесена одлука за зголемување на надоместокот за статистичарите на 1.500 денари по натпревар, како признание за нивниот придонес и значајната улога во натпреварувачкиот процес.

Македонската кошаркарска федерација со ова соопштение јасно потврдува дека останува посветена на стабилност, транспарентност и долгорочен системски развој, при што во фокусот се националните селекции, стручното работење и враќањето на довербата и амбицијата во македонската кошарка.

Извор и Фото/ mkd.basketball

Ракометната репрезентација на Македонија ја победи Романија со 24:23, во последното коло од Б групата. Македонија сигурно е трета во групата, се избори за полесен пат во квалификациите за Светското првенство, за да биде втора, Данска ќе мора да ја победи Португалија со 17 или повеќе голови разлика.

Во Хернинг, избраниците на Кирил Лазаров за малку ќе направеа од готово вересија, мечот го реши Никола Костески со гол на една секунда до крајот.

Македонија одлично влезе во натпреварот, не и дозволи на Романија гол во почетните 11 минути, но впечатокот е дека требаше да има поголем предност од 4:0.

И околу тие четири гола разлика се „вртеше“ натпреварот речиси до самиот крај. Имаше Македонија во вториот дел предност и од пет гола, но имаше и два периоди, од пет и шест минути без постигнат гол.

Упорните Романци, кои во втроиот дел ја сегнаа одбраната трпеливо ја топеа предноста, изедначија на 22:22 на три ипол минути до крајот, потоа и на 23:23 на осум секунди до крајот, но брзиот центар на Македонија даде резултат со голот на Костески.

Капитенот Кузмановски беше најефикасен со девет гола, четири постигна Костески,а по три Митев и Ѓоргиев. На спротивната страна Нистор постигна осум гола, а 40-годишниот голман Попеску, кој го одигра последниот меч за Романија, забележа 10 интервенции.

Foto/ EPA

Фудбалерите на Бриж остварија важна победа (4:1) и со тоа ги задржаа шансите за пласман во плејофот во Лигата на шампионите.

Белгискиот, со втората победа сезонава, по некомплетната седма рунда скокна на 23-то место со седум бода.

Бриж успеа да ја оправда улогата на фаворит против најслабиот тим оваа сезона на Лигата на шампионите.

Александар Станковиќ, синот на тренерот на Црвена звезда, Дејан Станковиќ го постгна рпвиот гол,а до крајот на првиот дел гол постигна и капитенот Ванакен.

🚨🚨| GOAL: STANKOVIC WITH A BRILLIANT GOAL TO PUT CLUB BURGGE AHEAD!!!

Kairat Almaty 0-1 Club Bruggepic.twitter.com/VZo5v1QHZG

— Goals Side (@goalsside) January 20, 2026

Истиот играч го запечати триумфот на својот тим во 74-та минута, кога повторно успеа да се запише во листата на стрелци. Кон крајот на натпреварот, Ванакен успеа да забележи асистенција, а Брендон Мекеле беше стрелец.

🎥⚽️ Brandon Mechele GOAL 🆚 Kairat Almaty. Great assist by Vanaken too#BrandonMechele #ClubBrugge #UCL

pic.twitter.com/FkfcuqW8Yq

— Absolute Belgian Fans 🇧🇪 (@BelgianFans) January 20, 2026

Честа на домашниот Каират ја спаси Садибеков со голот во 92-та минута.

Во последното коло, Бриж ќе игра против Марсеј на домашен терен, додека Каират ќе го игра својот последен натпревар во лигашкиот дел од Лигата на шампионите против Арсенал во Лондон.

Foto/ EPA