Спорт
Лампард: Ми се гади од т.н. навивачи на Челси, Абрахам сам бараше да шутира
Челси во средата во Истанбул го загуби Суперкуп мечот од Ливерпул на пенали откако Тами Абрахам не го реализираше петтиот пенал за својот тим.
Изминатите два дена Абрахам на социјалните мрежи доби бројни навреди и закани, што посебно го налути тренерот на „сините“, Френк Лампард.
„Посебно ми се гади од т.н. навивачи на Челси. Да ја видевте широката слика таа вечер, Тами Абрахам сам бараше да го изведе петтиот пенал затоа што тоа го сакаше, сакаше да се истакне и да биде храбар на толку голема вечер и пред очите на целиот свет. Истовремено, некој седи зад тастатура или телефон и пишува најодвратни работи кои човек може да си ги замисли. Не знам како им се допушта тоа. Нешто треба да се направи, да се промени менталниот склоп на луѓето“ – вели Лампард.
Менаџерот бара таквото однесување да се искорени.
„Клубот работи многу на борбата против дискриминација во сите видови, па кога ќе се случи нешто вакво, тоа е чекор назад“ – додава Лампард.
И европската мрежа против расизмот во европскиот фудбал (ФАРЕ) бараше од Твитер нешто да стоир по тоа прашање.
„Друштвените мрежи како Твитер и понатаму избегнуваат одговорност кога се работи за надзор и превенција на интернет-злоставување. На поединци им е преедноставно да шират омраза преку твитовите, мора да се преземе нешто“ – стои во соопштението од ФАРЕ.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Реал на суд ќе бара правда за Винисиус Жуниор
Реал Мадрид поднесе жалба до Фудбалскиот сојуз на Шпанија за однесувањето на судијата Хуан Мартинез Мунуера, кој во саботата вечерта не направи ништо во врска со навредите кон Винисиус Жуниор и мајмунските крици, кои како што тврдат од Мадрид, јасно се слушнале од трибините на „Ел Садар“.
Во жалбата се наведува дека Мартинез Мунуера ги игнорирал не само извиците кои можел да ги слушне самиот, туку и сугестиите на играчите на Реал, кои му покажале од кој дел на трибините се упатени расистичките навреди кон нивниот соиграч и стрелец на два гола во победата над Осасуна од 2:4.
Клубот потсетува дека главниот судија на натпреварот морал да реагира според правилата, но и според шпанскиот закон, но ништо не направил.
Притоа, Мартинез Мунуера во извештајот од натпреварот не го нотирал говорот на омраза и расистичките навреди кон бразилскиот ас, кој е честа мета на расисти на трибините низ Шпанија.
Токму поради оваа причина, бидејќи сметаат дека фудбалските судии не сакаат да ги заштитат фудбалерите, Реал Мадрид реши да ја проши жалбата во врска со овој случај пред редовниот шпански суд. До обвинителството Реал доставиле докази за се што се случи, не само во Памплона, туку и во други градови.
Во тој документ се наведени и случаите од гостувањата на Реал во Валенсија, Барселона и кај градскиот ривал Атлетико.
Спорт
Прв пат по седум години Гризман ќе пропушти натпревар на Франција
Напаѓачот на Атлетико Мадрид Антоан Гризман (32) ќе ја прекине рекордната серија од 84 последователни настапи за француската фудбалска репрезентација.
Поради повреда на скочниот зглоб, Гризман ќе ги пропушти пријателските натпревари против Германија во Лион на 23 март и Чиле во Марсеј три дена подоцна.
Гризман се повреди пред три недели, во текот на првиот осминафинален меч против Интер во Лигата на шампионите. Не играше до реваншот со Интер, кога се врати во тимот и со својот гол му помогна на Атлетико да се пласира во четвртфиналето. Во неделата против Барселона играше само во второто полувреме.
Напаѓачот на Атлетико играше за „триколорите“ во последните седум години. На местото на гризман, селекторот Дидие Дешамп го повика играчот од средниот ред на Лацио, Матео Гуендузи.
За француската репрезентација Гризман на 127 настапи постигна 44 гола.
Спорт
Аргентина без Меси против Ел Салвадор и Костарика
Капитенот на Аргентина, Лео Меси ќе ги пропушти двата пријателски натпревари што ќе ги одигра светскиот шампион против Ел Салвадор (22 март) и Костарика (26 март). Двата натпревари ќе се играат во Соединетите Американски Држави.
Ѕвездата на Интер од Мајами се пожали на полесна повреда и постоеја шанси да биде во тимот на Аргентина, но сега е сигурно дека тоа нема да се случи,. Сепак, Лео ќе се приклучи во репрезентативниот камп во Филаделфија, за да им пружи морална поддршка на соиграчите.
Воедно, поради повреди Пауло Дибала и Маркос Сенеси од Бурнмаут нема да го носат дресот на Аргентина, па селекторот Лионел Скалони го повика капитенот на Бетис, Гвидо Родригез, кој се рехабилитираше од повредата.
„Целта на Меси и на клубот е да се врати на терените на почетокот на април, за четвртфиналниот натпревар од Купот на КОНКАКАФ“, изјави на оваа тема тренерот на Интер од Мајами, Херардо Мартино.
Во осминафиналето Интер го исфрли Нешвил, а токму на таа средба 36-годишниот аргентински ас заработи повреда на мускулот.
По голот и асистенцијата мораше предвреме да ја напушти играта, па не го ни одигра првенствениот натпревар против Ди-си Јунајтед пред неколку дена.