Спорт
Лапорта беснеел по Интер – бил уморен од некои играчи на Барселона
Шпанскиот новинар Хозе Алварез Хаја тврди дека претседателот на Барселона, Џоан Лапорта, полудел по ремито 3:3 на Барселона против Интер во четвртото коло од Лигата на шампионите. Барселона по четири кола заостанува три бода зад второпласираниот Интер и веројатно нема да успее да се пласира во нокаут-рундата во Лигата на шампионите, туку ќе продолжи да се натпреварува во Лига Европа.
„Матеу Алемани и Жорди Кројф се обидоа да го смират Лапорта. Беше целосно надвор од контрола. Сакаше да уништи сè бидејќи виде дека проектот е загрозен. Лапорта беше многу возбуден поради Лигата на шампионите. Во јануари тој веќе ќе направи некои промени. Ситуацијата по Интер беше комплицирана“, изјави Алварез на „Ел Чирингито“.
„Лапорта е уморен од некои играчи. Тој е лут токму поради нив. Уморен е од одредени имиња, за кои зборуваше последните недели. Позицијата на спортскиот директор Алемани не е загрозена”, додаде тој.
Барселона минатото лето потроши 333 милиони евра. Рафиња од Лидс пристигна во клубот за 58 милиони евра, Жил Кунде за 50 милиони евра, Роберт Левандовски за 45 милиони евра, а како слободни играчи во клубот дојдоа Франк Кеси од Милан, Андреас Кристенсен од Челзи, Хектор Белерин од Арсенал и Маркос Алонсо од Челзи.
Во недела од 16:15 часот Барселона гостува кај Реал Мадрид во Ел Класико.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Куртоа се враќа до крајот на сезоната
Tренерот на Реал, Карло Анчелоти денеска изјави дека голманот Тибо Куртоа треба да се врати во тренажен процес за десет дена, пренесуваат шпанските медиуми.
На 20 март Куртоа беше опериран поради скинат менискус на десното колено. Шпанските медиуми потсетуваат дека белгискиот голман требаше да паузира до крајот на сезоната, но Анчелоти тврди дека Куртоа успешно се опоравува.
„Куртоа добро закрепнува, би можел да биде во тимот против Кадиз“, изјави Анчелоти.
Шпанските медиуми пренесуваат дека Куртоа сигурно ќе го пропушти натпреварот против Реал Сосиедад во Ла Лига, како и првиот полуфинален натпревар од Лигата на шампионите против Баерн.
Натпреварот од 34. коло во шпанското првенство помеѓу Реал и Кадиз ќе се одигра на четврти мај во Мадрид.
Спорт
Евролигата нема да го толерира однесувањето на Атаман
Кошаркарската Евролигата се огласи по бурната реакција и изјава на Ергин Атаман по поразот на Панатинаикос од Макаби, во Атина на стартот од четвртфиналната серија.
Во соопштението на веб-страницата на елитното натпреварување, се нагласува дека е недозволиво Атаман да ги етикетира судиите, дека таков приситсок нема да биде толериран и дека е покрената дисциплинска постапка против тренерот на Панатинаикос.
За потсетување, Атаман веднаш по натпреварот потенцираше дека судиите му доделиле шест поени на Балдивин, бидејќи досудиле два непостоечки, смешни фаули при шут за три поени, но во исто време нагласи дека ПАО продолжува понатаму, до завршниот турнир во Берлин.
Атаман на прес-конференцијата отиде чекор понатаму, велејќи дека ќе го напушти Панатинаикос доколку не избори пласман на завршниот турнир.
Макаби води во четвртфиналната серија со 1-0, вториот меч се игра вечерва повторно во Атина, а потоа следуваат два натпревари во Белград – 30 април и 2 мај, а евентуалната мајсторка ќе се игра на 8 мај во Атина.
Спорт
Гвардиола за Жоао Кансело: Ќе видиме на крајот на сезоната
Жоао Кансело е член на Манчестер Сити, а моментално е на позајмица во Барселона до крајот на сезоната. Прашање е дали Барселона сака да го отткупи неговиот договор, откако Португалецот беше означен како еден од главните виновници за елиминацијата од ПСЖ од Лигата на шампионите и поразот од Реал во Ел Класико.
Менаџерот на Манчестер Сити, Пеп Гвардиола изјави дека на крајот на сезоната ќе одлучи дали Кансело ќе се врати во клубот, пренесуваат британските медиуми.
„Се уште не сме разговарале за иднината на Кансело во нашиот клуб. Ќе разговараме на крајот на сезоната“, изјави Гвардиола.
Кансело (29) е член на Манчестер Сити од 2019 година. Тој има договор со англискиот клуб до 30 јуни 2027 година.
Вториот дел од минатата сезона Кансело го мина на позајмица во Баерн, а потоа Манчестер Сити го испрати португалскиот фудбалер на едногодишна позајмица во Барселона.
Кансело оваа сезона одигра 36 натпревари за Барселона и постигна четири гола.