Спорт
Лапорта дал 750.000 евра на синот на Негреира, но ветува: Ќе објасниме сè

Претседателот на Барселона, Жоан Лапорта преку соопштение до јавноста најави дека ќе ги објасни сите нејасни работи околу скандалот со исплатите на компанијата на поранешниот потпретседател на судиската организација во Шпанија, Хозе Марија Енрикез Негреира, откако шпанските медиуми тврдат дека тој исплатил 750.000 евра на синот на Негреира.
Преку видео-објава на Твитер акаунтот на Барселона, Лапорта обвини дека се напаѓа Блауграна, и во триминутното видео вети дека ќе го одбрани клубот, ни дек тој ќе нападне.
Барселона исплатиле 7 милиони евра на компанијата на Негреира во период од 20 години, случај за кој веќе се води официјална истрага на шпанското обвинителство.
„Кампањата која ја следиме не е случајна и крајната цел е да се дестабилизира тимот на кратки патеки, а на средни патеки да се контролира тимот. Ќе дојде време да објасниме кој, како и зошто ја прави овааа кампања. Немајте сомнеж дека ќе се браниме. Но, и ќе нападнеме. Сега мораме да се фокусираме на нашите играчи бидејќи првата цел е да се дестибилизира тимот“, вели Лапорта.
Овие коментари доаѓаат кратко откако се појавија документи со кои се докажува дека Лапорта како претседател на клубот во првиот мандат му исплатил на синот на Негреира (тогаш асистент во шпанската репрезентација) 750.000 евра во шестгодишен период од 2004 до 2010 година.
Missatge del president @JoanLaportaFCB abans del Clàssic: "Tenim una gran oportunitat per acostar-nos al nostre objectiu" pic.twitter.com/gL8pvZofsq
— FC Barcelona (@FCBarcelona_cat) March 17, 2023
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Дончиќ потпиша нов договор со Лејкерси

Словенечкиот кошаркар Лука Дончиќ ја продолжи соработката со Лос Анџелес Лејкерс.
Дончиќ потпиша договор вреден 165 милиони долари за три сезони.
Лејкерси чекаа до првиот ден кога можеа да му понудат договор (2 август) и го сторија тоа веднаш.
Во 28 натпревари, за Лејкерси по шокантниот трејд од Далас, Дончиќ забележа 28,2 поени, 8,1 скока, 7,5 асистенции и 1,6 украдени топки во просек за 35 минути на паркетот.
Во поразот од пет натпревари во плејофот против Минесота Тимбервулвс, тој имаше просек од 30,2 поени, седум скока, 5,8 асистенции и една украдена топка за 41,6 минути на паркетот.
„Тукушто потпишав продолжување на договорот со Лејкерси. Возбуден сум што ќе продолжам да работам за да освојам шампионска титула во Лос Анџелес и да ги направам навивачите горди. Благодарен сум на Лејкерси, на моите соиграчи и на сите навивачи кои ми покажаа толку многу љубов од првиот ден. Ова е само почеток“, напиша Дончиќ на социјалната мрежа „X“.
Спорт
(Видео) Хамилтон: Бескорисен сум

Луис Хамилтон се огласи по борбата за пол-позицијата за Големата награда на Унгарија.
Хамилтон го имаше 11-то најдобро време со 1:15.702 во квалификациите на Хунгароринг. Очекувано не беше задоволен од тоа настапот во квалификациите.
„Јас сум бескорисен, апсолутно бескорисен. Тимот нема проблем, можете да го видите автомобилот на пол-позиција. Веројатно треба да го сменат возачот“, изјави Хамилтон за „Скај Спортс“.
Неговиот колега Шарл Леклер го имаше најдоброто време и ќе стартува од пол-позицијата на трката во недела. Леклер беше најбрз со 1:15.372.
“It’s me every time. I’m just useless. The team has no problem. The second car is on pole, so they probably just need to change driver.”
Distraught Lewis Hamilton after qualifying 💔
— Ferrari News 🐎 (@FanaticsFerrari) August 2, 2025
Спорт
Леклер ја грабна пол-позицијата на Хунгароринг

Шарл Леклер ги шокира возачите на Мкларен во квалфикациите за трката на Големата награда на Унгарија. Возачот на Ферари ја освои 27. пол позиција во кариерата, до неа дојде со резултат 1:15.327 минути.
Мекларен, најдоминантниот тим сезонава во првенството на Формула 1, доминираше на тренинзите и во првите две квалификациски сесии, но двајцата возачи разочараа во последното излегување на патеката. Постигнаа времиња далеку под она што можат со доминантниот болид.
Осакр Пјастри, лидерот во првенството, трката ќе ја започне веднаш до Леклер, а неговиот тимски колега Ландо Норис го освои третото место. До него, од вториот ред, трката ќе ја започне возачот на Мерцедес, Џорџ Расел.
Неизвесноста во борбата за пол-позицијата најдобро го отсликува податокот дека разлиата меѓу првиот и четвртиот беше само 53 илјадити делови од секундата.
Третиот ред на стартот го освоија пилотите на Астон Мартин: Фернандо Алонсо и Ленс Строл.
Блесна во квалификациите Габриел Бортолето. Бразилецот со Кик заубер го освои седмото место, пред светскиот првак Макс Ферстапен. Зад него се возачите на сестринскиот тим, Рејсинг Булс: Лијам Лосон и Исак Хаџар.
Аполутно разочарување во квалификациите е Луис Хамилтон. Седумкратниот шампион трката во Унгарија ќе ја започне од 11.место.
Големата награда на Унгарија, на Хунгароринг се вози в недела од 15 часот.
Foto/ EPA/Zsolt Czegledi