Спорт
Лапорта доцна синоќа решил да го избрка Куман
Роналд Куман ги брои последните денови како тренер на Барселона. Шпанските медиуми тврдат дека, доцна синоќа, претседателот Џоан Лапорта решил да му врачи отказ на тренерот, кој сите ги нервира со своите изјави.
Барселона, синоќа, успеа да се спаси од пораз против Гранада во 90.минута. Барселона, не импресионираше со играта, а Куман е критикуван откако во последните 15 минути, централните дефанзивци Пике и Араухо ги префрли во нападот.
Оваа негова одлука ја спаси Барселона од пораз, Араухо го постигна голот за 1:1, а Пике учествуваше во акцијата, меѓутоа во клубот не се задоволни од тактиката и формацијата која ја форсира тренерот.
„Што може да е направи со ваков состав? Да се игра тики-така кога никаде нема простор? Моравме да побараме алтернативен пат. Во овој момент ние немаме играчи кои се добри еден на еден, немаме брзина во тимот. Тоа е нашата реалност. Со ова што имаме го дадовме најдоброто, можевме дури и да победиме. Верувам дека младите за две до три години ќе станат добри играчи“, рекол Куман и дополнил.
„Факт е дека Барселона повеќе не е тим каков што беше пред осум години“.
„Марка“ пишува дека по оваа изјава, претседателот Џоан Лапорта донел одлука дека Куман мора да си оди од клубот.
Она што е лошо за Барселона е што отказот на Куман ќе ги чини најмалку шест милиони евра. Со оглед на финансиската криза во која се наоѓа, ова ќе биде уште еден удар за клубот.
Пралелно со ова медиумоте се занимаваат со имињата на потенцијалните наследници на Куман. Новинарот, Џерар Ромеро, тврди дека Лапорта на списокот има пет тренери: поранешниот германски селектор Јоаким Лев, актуелниот селектор на Белгија, Роберто Матинез, поранешниот играч на Барселона, Филип Коку, екс тренерот на Интер, Антонио Конте и поранешниот тренер на Јувентус, Андреа Пирло.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Голманот Сафонов апсолутен херој, ПСЖ го освои Интерконтинеталниот куп
Фудбалерите на ПСЖ го освоија Интерконтинеталниот куп. Во Ал Рајан, европскиот првак го победи шампионот на Јуѓна Америка, Фламенго, по избедувањето пенали. Натпреварот по 120 минути заврши 1:1, а пенал серијата ја добија „светците“ со 2:1.
Рускиот голман Матвеј Сафонов, му го донесе на ПСЖ трофејот. По пенал серијата одбрани четири од петте обиди на играчите на Фламенго.
Откако Де ла Круз погоди во првата серија, Сафонов потоа ги одбрани ударите на Саул Нигез, Педро и Лео Переира, Луис Араухо.
Не блескаа ниту играчите на ПСЖ, Витња и Нуно Мендеш погодија во првата и третата серија, а Роси ги одбрани пеналите на Дембеле и Баркола.
Во регуларниот дел стрелци беа Кварацхелија во 38-та минута за ПСЖ и Њоргињо во 62-та од пенал за Фламенго.
Foto/ depositphotos
Спорт
Германецот е вишок во Вест Хем, блиску е до трансфер во Милан
Милан ќе го доведе Никлас Филкруг (32) од Вест Хем во јануарскиот преоден рок, пишува Фабрицио Романо. Трансферот е многу блиску до реализација, а германскиот централен напаѓач е приоритет на „росонерите“.
Поради Милан, Филкруг одби две понуди од Бундеслигата и сега останува клубовите да се договорат за трансферот.
На Милан итно му е потребен централен напаѓач откако Мексиканецот Сантијаго Хименез беше опериран, поради што ќе паузира неколку месеци. Филкруг не игра во лондонскиот клуб и оваа сезона има девет регистрирани настапи, од кои два од првата минута.
За Вест Хем, тој постигна три гола и асистираше двапати во 29 натпревари досега. Во својата кариера, тој играше и за Вердер, Хановер, Нирнберг, Борусија Дортмунд и Гројтер Фирт. Тој има 24 настапи и 14 гола за германската репрезентација.
Според „Трансфермаркт“, тој вреди осум милиони евра.
Спорт
ФИФА за 200 милиони евра го зголеми наградниот фонд на СП
Меѓународната фудбалска федерација (ФИФА), објави дека наградниот фонд на Светското првенство во 2026 година ќе изнесува 655 милиони долари (558 милиони евра), што е зголемување од 50 проценти во споредба со последното Светско првенство одржано во 2022 година во Катар.
Титулата светски шампион ја брани Аргентина, која пред три години ја победи Франција во финалето по изведувањето на пенали.
Секоја репрезентација што ќе се пласира на Светското првенство ќе добие 1,5 милиони долари (1,28 милиони евра) за трошоци за подготовка, што значи дека ФИФА ќе им исплати вкупно 727 милиони долари (619 милиони евра) на учесниците на Светското првенство во САД, Канада и Мексико.
Кој колку ќе добие:
Шампион – 50 милиони долари (42,6 милиони евра)
Вицешампион – 33 милиони долари (28 милиони евра)
Трето место – 29 милиони долари (24 милиони евра)
Четврто место – 27 милиони долари (23 милиони евра)
Од 5-то до 8-мо место – 19 милиони долари (16 милиони евра)
Од 9-то до 16-то место – 15 милиони долари (13 милиони евра)
Од 17-то до 32-ро место – 11 милиони долари (9 милиони евра)
Од 33-то до 48-мо место – 9 милиони долари (7 милиони евра)
Претседателот на ФИФА, Џани Инфантино, истакна дека Светското првенство во 2026 година ќе биде пресвртница во однос на финансискиот придонес кон глобалната фудбалска заедница.
Сите групи на СП:
Група А: Мексико, Јужна Африка, Јужна Кореја, победник плејоф Данска-Македонија, 2. Чешка-Република Ирска
Група Б: Канада, Катар, Швајцарија, победник плејоф Италија-Северна Ирска , Велс- Босна и Херцеговина
Група Ц: Бразил, Мароко, Шкотска, Хаити
Група Д: САД, Австралија, Парагвај, победник пелјоф Турција-Романија, Словачка-Косово
Група Е: Германија, Брегот на Слоновата Коска, Еквадор, Курасао
Група Ф: Холандија, Јапонија, Тунис, победник плејоф Украина-,Шведска Полска-Албанија
Група Г: Белгија, Иран, Египет, Нов Зеланд
Група Х: Шпанија, Уругвај, Саудиска Арабија, Зеленортски острови
Група И: Франција, Сенегал, Норвешка, победник во плејофот во Ирак-Боливија/Суринам
Група Ј: Аргентина, Австрија, Алжир, Јордан
Група К: Португалија, Колумбија, Узбекистан, победник во плејофот ДР Конго-Нова Каледонија/Јамајка
Група Л: Англија, Хрватска, Панама, Гана.
Foto/ Depositphotos

