Спорт
Лапорта: Клубот кој историски ги имал судиите на своја страна не осудува нас!
Покрај сите финансиски проблеми кои ги има Барселона и нивниот претседател Жоан Лапорта, оваа сезона ќе биде одбележана и со обвинувањата за „купување“ судии со случајот „Негреира“, со исплата на компанијата во сопственост на Хозе Марија Енрикез Негреира, поранешниот потпретседател на судиската организација.
Клубот постојано тврди дека немало ништо вообичаено во исплатите за „услуги“ какви што има секој голем тим, но во случајот се вклучија и УЕФА и шпанските обвинители, но и лутиот ривал Реал Мадрид, кој ќе се појави како странка во судскиот случај против нив.
По ова, во Барселона го укинаа традиционалниот ручек на двата претседатели на клубови пред „Ел класико“ последните два меча, а сега претседателот Жоан Лапорта директно го прозва ривалот од Мадрид.
„Клубот кој историски добивал услуги од судиските одлуки реши да се појави во случајот Негреира. Тоа е крајна глупост. Немаат ништо, никакви докази, бидејќи тие не постојат. Негреира не ги бираше судиите или ги одредуваше резултатите. Ќе објаснам наскоро“, вели Лапорта во видео кое беше објавено на социјаните мрежи.
Laporta critica en otro momento que se persone en el Caso Negreira “ un club históricamente muy favorecido en el tema arbitral . Es un sinsentido“ sobre el Real Madrid . pic.twitter.com/Eon8fIYV19
— Alfredo Martínez (@Alfremartinezz) April 16, 2023
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
(Видео) Сасуоло победи на „Бентегоди“ во Верона

Сасуоло како гостин славеше над Верона. Натпреварот од шестото коло на Серија А беше решен со голот во 71-та минута.
Андреа Пинамонти погоди откако пенал му одбрани голманот Монтипо. Напаѓачот на Сасуоло налета на одбиената топка и ја смести во голот.
Со овој дуел го започна шестото коло од елитното ниво на италијанскиот фудбал, а ова е втор триумф на Сасуоло по ред по поразот од Интер, додека Верона, која не знае за победа, остана на три бода.
Во следното коло, закажано за 18 октомври, Сасуоло ќе гостува во Лече, додека Верона ќе гостува во Пиза истиот ден.
Foto/ EPA
Спорт
(Видео) Катена му пресуди на Хетафе во 91-та минута

За прв пат оваа сезона, Осасуна успеа да го сврти резултатот и да победи, На домашен терен, Осасуна го совлада Хетафе со 2:1 со голот на Алехандро Катена во судиското надополнување на времето.
Гостите поведоа во првото полувреме преку Борха Мајорал, кој го искористи центаршутот на Луис Миља. Сепак, домашните успеаја да израмнат во последните моменти од првиот дел, кога Абел Бретонес со спектакуларен удар од далечина го погоди горниот агол за 1:1.
Во продолжението немаше многу шанси, Будимир не успеа да постигне гол, додека голманот на Хетафе, Давид Сорија, ги одбрани ударите на Рубен Гарсија и Раул Гарсија. Хетафе не упати ниту еден удар кон голот во второто полувреме, а казната дојде во финишот.
Во 91-та минута, ударот со глава на Катена по корнер донесе важна победа на Осасуна, со која ја прекина лошата серија и стигна до втората победа во последните 13 меѓусебни дуели со Хетафе.
Foto/ EPA
Спорт
(Видео) Спектакуларен пресврт на Бортнмут во режија на Семењо

Фудбалерите на Борнмут го победија Фулам со 3:1 во првиот натпревар од 7. коло од Премиер лигата, по големиот пресврт во второто полувреме.
Првото полувреме беше лошо, монотоно. Единствено нешто што вреди да се забележи е повредата на српскиот репрезентативец Саша Лукиќ, поради која тој ја напушти играта.
Во второто полувреме, се случи спектакл.
Откако Сесењон го совлада Ѓорѓе Петровиќ во 70. минута по совршено „двојно додавање“ со Чуквуезе, следеше урагански одговор од тимот на Виталити.
Во 78., феноменалниот Семењо ја испрати топката во мрежата низ нозете на Бенрд Лено, од речиси „мртов агол“, а пресвртот следеше шест минути подоцна – стрелец беше Клајверт.
Асистентот сеприсутениот Семењо.
Антоан Семењо стави крај на одличната игра, или поточно на одличното второ полувреме, во судиското продолжение.
Борнмут ќе ја помине ноќта на втората позиција на табелата во Премиер лигата.