Спорт
Лапорта: Опозицијата сакаше да растури клуб со повеќе од 100 години историја
Претседателот на Барселона Џоан Лапорта се обрати до јавноста на прес-конференција по враќањето на тимот од Саудиска Арабија, каде што го освоија Суперкупот со победата против Реал Мадрид (5:2).
„Дестабилизаторите од внатре и однадвор ќе мора да работат напорно за да не соборат. Ќе мора да работат многу повеќе ако сакаат да дестабилизираат клуб со повеќе од 100 години историја. Излеговме од од сите проблеми посилни, со обновена енергија. Нема да успеат да не дестабилизираат во клучен момент од историјата. Имаме тим кој ќе им пружи големо задоволство на нашите навивачи“, рече на почетокот Лапорта и ја продолжи својата презентација.
„Секоја кампања против клубот нема да ја спречи Барселона да биде сакана и обожавана од милиони луѓе ширум светот. Нашите играчи не не напуштија затоа што ја завршивме нашата работа. Сакаа да не ликвидираат, но ние никогаш не се откажавме. Успеавме да го оствариме она што го сакавме, ги регистриравме Олмо и Виктор и го вративме „правилото 1:1“.
„Успеавме во ова бидејќи сите во клубот работеа добро, направивме извонредна работа“, заклучи тој, откривајќи и дека Барселона повеќе не е под посебен надзор од Ла Лига благодарение на договорите со спонзорите како Најк и Спотифај.
„Кога ги потпишавме Олмо и Виктор летово, разговаравме со Најк. Сепак, Кристенсен беше повреден долго време и тоа го искористивме за да ги регистрираме Олмо и Виктор. Мислевме дека ќе ги регистрираме подоцна благодарение на договорот со Најк, но ние сепак го потпишавме тој договор. Доколку договорот со Најк го потпишевме минатото лето ќе заработевме 300 милиони евра помалку“, продолжи тој и индиректно му се заблагодари на Реал Мадрид.
„Обично не откривам приватни разговори, но можам да кажам дека сум многу благодарен на клубовите кои не ни се спротивставија во овој случај. Можеби сме ривали на теренот, но можеме да подадеме рака за други работи. не бев среќен со оние што зборуваа против нас, а јас сум им благодарен на оние што не зборуваа. Зборував со Флорентино Перез во текот на Суперкупот во Саудиска Арабија и што може да се подобри во однос на организацијата. Можеби треба да бидеме подобро платени и да добиеме повеќе од се“, истакна Лапорта.
Во врска со регистрацијата на Олмо, тој рече дека клубот ја испратил документацијата на 27 декември, но дека Ла Лига побарала дополнителна документација.
„Веќе го исполнивме правилото (за финансиски фер-плеј) на 31 декември“, рече Лапорта.
„Но, Ла Лига сметаше дека треба да ја доставиме дополнителни документи, што го направивме на 3 јануари“, додаде тој.
Лапорта објасни дека Барселона на инвеститорите од Катар и Обединетите Арапски Емирати им дала долгорочен закуп на 475 од 9.600 ВИП места на стадионот „Камп Ноу“, кој моментално се реновира и ќе има вкупно 105.000 седишта.
„Инвеститор од Катар ги купи седиштата за 30 милиони евра и ни ги исплати тие пари кои ги претставивме во Ла Лига. Друг инвеститор од Емиратите ги купи седиштата за 70 милиони евра и требаше веднаш да ни плати 40 отсто од таа сума. Но, парите не легнаа ведаш на сметката. Сметката беше затворена на 31.декември бидејќи банките беа затворени (за новогодишната ноќ), па парите ги добивме на 3 јануари, кога ја испративме потврдата во Ла Лига. “ изјави претседателот на Барселона.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Пјастри на пол-позицијата во спринтот, Норис трет, Ферстапен шести
Оскар Пјастри ќе го започне спринтот во Катар од првата позиција. Австралиецот, во последното излегување на патеката успеа да му го одземе првото место на Џорџ Расел од Мерцедес за 32 илјадити делови од секундата. Трет ќе стартува лидерот во генералниот палсман, Ландо Норис. Потфрли, со шесттот место, Макс Ферстапен.
Пјастри ја освои пол-позицијата со најбрзиот круг 1:20.055, за „влакно“ беше побрз од Џорџ Расел. Возачот на Мерцедес ги раздвои возачите на Мекларен. Ландо Норис ќе стартува од третото (+230), а ветеранот Фернадо Алонсо (Астон Мартин) од четвртото место.
Третиот ред го освоија возачите на Ред Бул. Изненадување е што Јуки Цунода е пред Макс Ферстапен. Следуваат Кими Антонели (Мерцедес), Карлос Саинц (Вилијамс), Шарл Леклер (ферари) и Алекс Албон (Вилијамс).
Пред спринт трката Норис има 24 поени повеќе од Пјастри и Ферстапен. Математиката е јасна, Норис викендов треба да освои два поени повеќе (спринт и главна трка) од конкурентите за да ја освои титулата.
Спринтот во Катар се вози во 15 часот по средноевропско време.
Foto/ EPA
Спорт
Аморим ставил 11 фудбалери на трансфер листата, меѓу нив е капитенот
Манчестер Јунајтед наводно е подготвен да продаде дури 11 фудбалери, што Рубен Аморим ги отпишал. Изненадување е што на листата, барем така тврдат англиските медиуми, се наоѓа и еден од недопирливите, капитенот Бруно Фернадеш/
Евертон ја прекина серијата од пет натпревари без пораз на Манчестер Јунајтед на „Олд Трафорд“ во понеделник вечерта.
Иако Идриса Геје беше исклучен поради старт врз соиграчот Мајкл Кин, по само 13 минути игра, голот на Дјусбери-Хол им ја донесе победата на „Карамелите“.
По натпреварот, фудбалерите на Манчестер Јунајтед беа исвиркани од навивачите за нивната ужасна игра и пораз.
Манчестер Јунајтед моментално е на 10-то место на табелата во Премиер лигата, а како што стојат работите, се подготвуваат големи промени во ростерот.
Според „Сан“, Манчестер Јунајтед сака да го освежи редот за врска, во летниот преоден рок. Тие трансфери клубот би ги финансирал од продажба на фудбалери.
Англискиот дуо Адам Вортон и Елиот Андерсон се на врвот на листата на желби на Рубен Аморим, заедно со Карлос Балеба од Брајтон. Исто така, Јунајтед сака да донесе уште еден голман и играч на крилната позиција.
Јунајтед ги разгледува сите опции поради неизвесноста околу иднината на капитенот Бруно Фернандеш и Коби Меину.
Се тврди дека Бруно Фернандес би можел да се приклучи на друг клуб следната сезона, а Манчестер Јунајтед би требало да заработи околу 65 милиони евра.
Тој претходно изјави дека нема да донесе одлука за својата иднина додека не заврши Светското првенство следното лето.
На трансфер листата на Манчестер Јунајтед се наоѓаат и Мануел Угарте, Маркус Рашфорд, Расмус Хојлунд, Касемиро, Џејдон Санчо, Хари Магваер, Алтај Бајиндир, Џошуа Зиркзе и Тајлер Маласија.
Манчестер Јунајтед, следниот викенд играат против Кристал Палас на „Селхерст Парк“ во Лондон.
Спорт
Лапорта: Во Реал се заразени со „барселонитис“
Претседателот на Барселона, Џоан Лапорта, остро го критикуваше Реал Мадрид и неговиот претседател Флорентино Перез за време на неговата посета на Андора. Лапорта одговори на неговите остри изјави на последното Генерално собрание на Реал Мадрид.
Флорентино Перез ја обвини Барселона дека во последните 17 години му исплатила 8.000.000 евра на потпретседателот на судиската комисија, Хозе Марија Енрике Негреира. На собранието, кое има 1.563 членови, Перез ги критикуваше Ла Лига, Барселона, УЕФА, судиите… Тој не поштеди никого.
По ова следеше одговорот на Жоан Лапора.
„Немав можност да ги коментирам изјавите од тоа Собрание, но сега кога сум во Андора, имам можност. Мислам дека тие го покажуваат „барселонитисот“ од кој страда Реал. Се чини дека мора да зборуваат за Барса за да оправдаат, не знам зошто. Барса никогаш не купила судии и воопшто судиите никогаш не ја фаворизирале Барса, тие секогаш го фаворизирале Реал“, се оправда Лапорта.
Тој го, како пример дека Реал ја има поддршката од судиите, го наведе последното коло од Ла Лига.
„Без да одам понатаму, минатото коло, Реал постигна два гола, за мене е јасно дека Белингам ја допира топката со рака, а потоа Винисиус му го крши носот на Игнасио и тие два гола не треба да бидат признати и сега Барса би била лидер на Лигата“, нагласи претседателот на Барселона.
Лапорта исто така истакна дека обвинувањата на Реал нема да го оцрнат „златното доба“ во историјата на клубот:
„Тие имаат комплекс и манија да ја бркаат најдобрата фаза во историјата на Барса, не им се допаѓаше што Барса беше водечки тим на планетата од 2004 до 2015 година. А сега бараат изговори што не водат никаде. Ние бевме тим кој играше најдобар фудбал, беше препознаен, луѓето го сакаа и му се восхитуваа на тој тим. Освоивме многу титули, а играта на Барселона беше обожувана насекаде низ светот, затоа немојте да барате изговори“, подвлече лидерот Блауграна.
Претседателот на Барселона е задоволен ако противникот се чувствува така.
„Ако се заразени со „барселонитис“, јас сум среќен, бидејќи ова се обично периодите кога Барса е успешна и победува. Телевизијата на Реал Мадрид се обидува да влијае на судиите секоја недела“.

