Спорт

Лапорта: Роналдо во 2003 можеше да дојде во Барса, но не жалиме по него

Објавено пред

1 недела

- 13 јануари, 2021

Од

Барселона доби шанса да потпише со Кристијано Роналдо пред тој да му се приклучи на Манчестер јунајтед во 2003 година, вели поранешниот претседател на клубот (и најголем фаворит за нов мандат), Жоан Лапорта, додавајќи дека не жали што не потпишале со Португалецот.

Лапорта тврди дека Лео Меси и Роналдо можеле да бидат соиграчи на „Камп ноу“, можност што била пропуштена откако Барса не била заинтересирана.

„Потпишувавме договори со Роналдињо и Рафа Маркез, а луѓето на Маркез ни го понудија и Кристијано Роналдо, кој тогаш беше во Спортинг Лисабон. Еден од неговите агенти изјави дека Јунајтед ќе даде 19 милиони, но нам ќе ни го дадат за 17 милиони. Но, веќе имавме инвестирано во Роналдињо. Кристијано играше повеќе како крило и мислевме дека сме покриени на таа позиција. Затоа го одбивме и не жалиме“, вели 58-годишниот Лапорта.

©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Поврзани Артикли:sport

Следно

Ал-Раџи со втора победа, Ал-Атијах на 17 минути до Петерхансел на две етапи до крајот

Претходно

Леброн доби облог – погоди тројка против Хјустон без гледање

Спорт

Спогодбено се разделија Арсенал и Папастадопулос

Објавено пред

1 час

- 20 јануари, 2021

Од

TopSport.mk

Арсенал спогодбено се раздели со Сократис Папастадопулос. Грчкиот фудбалер, од почетокот на сезоната, не е во плановите на Микел Артета.

Сократис во 2018 година беше едно од првите засилувања на Унаи Емери. Тогаш тој пристигна во слободен трансфер од Борусија Дортмунд. Сега на идентичен начин ќе замине од Арсенал.

Медиумите шпекулираат дека тој кариерата ќе ја продолжи во Ла Лига, интерес за него покажале двата клуба од Севилја (Бетис и Севилја).

Во меѓувреме Сократис ја одбил понудата од Џенова, меѓутоа италијанските медиуми тврдат дека „грифоните“ не се откажале и дека подготвиле нова понуда.

🗞 Working closely with @SokratisPapa5 and his team, we have decided to cancel his contract by mutual consent
— Arsenal (@Arsenal) January 20, 2021

Прикажи повеќе...

Спорт

Лева го предводи тимот на годината на УЕФА

Објавено пред

4 часа

- 20 јануари, 2021

Од

TopSport.mk

Европската фудбалска унија (УЕФА), објави како изгледа идеалниот тим на 2020 година, во изборот на навивачите. Во гласањето учествувале 6 милиони посетители на интернет страницата на УЕФА.

Во формација 4-2-3-1, овој тим го предводи Роберт Левандовски, кој претходно од УЕФА и ФИФА беше прогласен за играч на годината.

Мануел Ноер (Баерн) – Џошуа Кимих (Баерн), Вирџил ван Дајк (Ливерпул), Серхио рамос (Реал), Алфонсо Дејвис (Баерн) – Тијаго Алкантара (Баерн/Ливерпул), Кевин Де Брујне (Ман. сити) – Нејмар (ПСЖ, Лионел Меси (Барселона), Кристијано Роналдо (Јувентус)- Роберт Левандовски (Баерн).

🎇 UEFA Men's Team of the Year 2020 🎇
Almost 6 million votes! 🤯 Thanks for taking part 🙌
Who would be your captain? 👇#TeamOfTheYear
— UEFA Champions League (@ChampionsLeague) January 20, 2021

Прикажи повеќе...

Спорт

Олимпијакос тргна по потписот на Стефан Ристовски

Објавено пред

5 часа

- 20 јануари, 2021

Од

TopSport.mk

Олимпијакос е последниот клуб со кој се поврзува македонскиот репрезентативец Стефан Ристовски. Десниот бек, сигурно ќе го напушти Спортинг, до крајот на преодниот рок, прашање е само која ќе биде негова следна дестинација.

Ристовски, сезонава е отпишан во Спортинг, неколку месеци неговото име се поврзува со неколку клубови: Динамо и Спартак од Москва, Брага, Фиорентина, а сега во редот застана и грчкиот великан, Олимпијакос.

За услугите на Ристовски бил заинтересиран тренерот на Олимпијакос, Педро Мартинс. Планот на клубот од Пиреа е да го донесе Ристовски на позајмица до крајот на сезоната, а потоа да го откупи неговиот договор.

Прикажи повеќе...