Спорт
Лапорта: Тебас е опседнат со валкање на имиџот на Барселона
Претседателот на Барселона, Жоан Лапорта тврди дека шефот на шпанската Ла лига, Хавиер Тебас е „опседнат“ со валкање на имиџот на неговиот клуб по истрагата за исплатата на средствата на поранешниот потпретседател на судиската комисија во Шпанија. Ова доаѓа откако Тебас му порача на Лапорта дека мора да си даде оставка ако не најде разумно објаснување за овие исплати.
„Господинот Тебас повторно е во напад. Бевме предупредени дека промовира кампања против Барселона и против мене лично. Сега, маските паднаа. Неговата опсесија со Барселона продолжува. Сакам да ве потсетам дека тој во целата своја кариера е против Барселона. Во 2005 не сакаше Лионел Меси да игра за Барса и се бореше против неговата регистрација, на пример. Тој не ни прости што не потпишавме комерцијален договор со ‘ЦВЦ’, туку што потпишавме подобри договори за нашиот клуб. Исто така, не може да ја поднесе Суперлигата. Господинот Тебас вели дека треба да се повлечам. Неговата намера е да ја контролира Барселона и да ја дестабилизира. Нема да му го дадам тоа задоволство. Барселона е клуб кој е во сопственост на своите членови и ќе добие силен одговор. Клубот е изграден со напорна работа и спектакуларен фудбал. Нема да дозволиме некој да го валка нашето име“, изјави Лапорта денеска на „Ноу Камп“.
Според шпанските даночни власти, Барселона исплатила над 1.3 милиони евра на компанија во сопственост на Хозе Марија Енрикез Негреира, кој беше потпретседтел на судиската комисија на Ла лига, во исплата направена од 2016 до 2018 година под водство на претходниот претседател Жозеп Марија Бартомеу. Меѓутоа, ова е само дел од исплатата која ја истражуваат властите, откако се откри дека Негреира добил над 7 милиони евра од 2003 година, период во кој и Лапорта беше претседател.
„Ако не може да објасни што плаќал, тогаш треб да се повлече. Не ни даде разумно објаснување за исплатите. Тие тврдат дека секој фудбалски клуб го прави истото, но не е така“, изјави Тебас.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Слот ќе биде главен тренер, а не менаџер на Ливерпул
Ерата на Јирген Клоп во Ливерпул заврши во неделата. Германецот по девет успешни сезони реши да замине на долг одмор. На заминување самиот го промовираше новиот тренер Арне Слот, кој во Ливерпул доаѓа од Феенорд.
Англиските медиуми објавија дека Слот, за разлика од Клоп нема да биде вработен како менаџер, туку како главен тренер.
Холанѓанецот е 23. предводник на Ливерпул, а прв што нема менаџерска улога.
Според британските медиуми, промената е одраз на следењето на модерните трендови на фудбалот. Повеќето англиски клубови сега го прават она што европските клубови го прават со децении, ја одвојуваат улогата на тренер од онаа на спортски директор или менаџер.
Ливерпул по објавата на Јирген Клоп дека го напушта клубот направи голема реорганизација. Затоа што Клоп не е единствениот што заминува. Клубот го напушта и фудбалскиот директор Јорг Шматке, како и неколку важни членови на стручниот штаб.
Во клубот се враќаат Мајкл Едвардс како шеф на фудбалот и Џулијан Вард како технички директор. Педро Маркез ќе биде директор за фудбалски развој на целата спортска групација Фенвеј, а Ричард Хјуз ќе биде новиот спортски директор. Сите тие, како и Арне Слот, ќе ги преземат своите должности на 1 јуни.
Клубот верува дека титулата главен тренер ќе му даде можност на Слот да се концентрира на најважните аспекти од работата со првиот тим. Тој дефинитивно ќе биде неприкосновен авторитет и ќе има целосна контрола врз тимот.
Спорт
ПСЖ го договори трансферот на Јоро
Лени Јоро има 18 години, сезонава играше станардно за Лил, со што го привлече вниманиетот на големите клубови. За ова момче стручњаците велат дека е најталентиранот стопер во својата генерација. За неговиот потпис се бореа Реал Мадрид и ПСЖ.
Трката за неговиот потпис ја доби ПСЖ. Реал се повлече бидејќи Флорентно Перез на сакал да издвои 50 милиони евра. Медумите пишуваат дека Реал за Јоро понудил 30 милиони евра.
За разлика од Реал, ќелниците на клубот од Парзи веднаш се согласиле да ја платат бараната сума.
Лени Јоро оваа сезона одигра вкупно 44 натпревари за Лил и постигна три гола.
Спорт
Јокиќ: Лука ми е пријател, му посакувам да ја освои титулата
Никола Јокиќ и кошаркарите на Денвер не успеаја да го одбранат шампионскиот прстен оваа сезона. Тие беа поразени во полуфиналната серија на Западот од Минесота со 4-3, последниот, седми натпревар во серијата Минесота го доби во Денвер со (90:98).
Јокиќ не беше расположен по натпреварот, делуваше исцрпено по големата борба. Минесота често играше со тројца високи играчи Руди Гобер, Карл-Ентони Таунс и Наз Рид кои максимално го изморија најдобриот играч во лигата.
Кога Јокиќ на прес-конференцијата беше запрашан да опише што им се случи, можеби со својот одговор индиректно прстот го впери кон челниците на франшизата, се пожали на на недоволниот квалитет што го има Денвер на клупата за резерви.
Јокиќ беше запрашан и кого би сакал да види на местото каде минатата година беше Денвер, со шампионски прстен.
„Тоа му го посакувам на Лука. Тој ми е добар пријател“.