Спорт
Ларкин го урна ПАО среде Атина, Фенербахче го декласира Париз

Ефес успеа да направи брејк во Атина, на теренот на европскиот шампион Панатинаикос, додека Фенербахче со убедливата победа над Париз дојде на чекор до пласман на завршниот турнир.
Кошаркарите на Ефес го совладаа Панатинаикос во вториот натпревар од четвртфиналната серија од плејофот во Евролигата со резултат 79:76 и го изедначи резултатот во серијата на 1:1.
Панатинаикос, водеше 39 поени, во текот на натпреварот два пати имае 15 поени предност, во решавачката четврина влезе со предност од 10 поени, но не успеа да победи.
Клучна беше серијата на Ефес од 9:0 која започна на 1:50 до крајот на натпреварот.
Во таа серија се истакна плејмејкерот на Ефес, Шејн Ларкин, кој во последната минута постигна седум поени, вклучувајќи ја и тројката за првото водство на Ефес 76:73.
Панатинаикос имаше напад за продолженија, но Кендрик Нан беше непрецизен.
Ларкин натпреварот го заврши со 20 поени, пет асистенции и три скока, Пи Џеј Дожер постигна 14, а Венсан Поаире забележа дабл-дабл со 16 поени и 10 скока.
Нјефикасен кај ПАО беше Чеди Осман со 16 поени, Нан забележа 14 поени и шест асистенции.
Третиот натпревар се игра во Истанбул на 29. април.
Фенербахче го победи Париз со 89:72. Екипата на Шарунас Јасикевичиус одигра брилијантно прво полувреме во кое постигна 61 поен и стекна преност од 23 поени, која во овој натпревар ниту Ти Џеј Шортс не успеа да достигне.
Најефикасен во победничкиот тим беше Тарик Биберовиќ со 20 поени (4/4 за два), Најџел Хејс-Дејвис постигна 16 поени, а Марко Гудуриќ 13.
На спротивната страна единствен расположен беше Ти Џеј Шорц со 18 поени, Надир Ифи имаше 15 поени (6/17 од поле), а Тајсон Варди 10 поени.
Третиот натпревар е закажан за 29 април во Париз.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Еспањол има нови газди

Шпанскиот фудбалски клуб Еспањол од Барселона има нови сопственици.
Од четврток, каталонскиот клуб официјално е во рацете на американската компанија „Velocity Sports Partners (VSP)“, која пак е дел од поголемата група „ALK Capital“, во сопственост на Американецот Алан Пејс.
VSP го купи поголемиот дел од пакетот акции (99,66%) по цена од 130 милиони евра, според шпанските медиуми.
Претходниот сопственик на клубот, кинеската компанија „RASTAR“, ќе остане дел од управувачката структура, во иднина со малцински удел – поточно со процент од 16,45% (по купувањето на дел од акциите по цена од 65 милиони).
Компанијата VSP го поседува и англискиот премиерлигаш Барнли во своето портфолио.
Во соопштението се вели дека VSP е „подготвен да ја заработи довербата и поддршката на заедницата преку конкретни акции, одразувајќи ги вредностите на транспарентност и долгорочна посветеност што ја водеа неговата работа и во Барнли“.
Спорт
(Видео) Асамоа во критична состојба, го скрши вратот удирајќи во реклама

Самуел Асамоа, 31-годишен играч од средниот ред на Того, е во критична состојба и се соочува со „висок ризик од параплегија“ по сериозен судир со билборд за време на натпревар од втората кинеска лига.
Асамоа играше за Гуангси Пинггуо против Чонгкинг Тонглијанглонг, а по дуелот со противничкиот играч, со главата удрил во билборд до теренот и паднал на тревата.
Лекарите реагирале брзо, а клубот објави дека Асамоа претрпел повеќекратни фрактури на вратот и сериозно оштетување на нервниот систем.
Асамоа бил опериран и ќе го пропушти остатокот од сезоната, но неговата кариера е во сериозна опасност. Ова е затоа што параплегијата значи губење на способноста за движење на долните делови од телото.
Chongqing Tongliang Dragon defeated Guangxi Pingguo Haliao 2:0 to regain momentum. The referee, however, seemed to turn a blind eye to their rough challenges. As per Guangxi's medical report, Samuel Asamoah has injured spinal cord. His future career – even life, is at risk. pic.twitter.com/dfV5CvYO75
— China Sports Vision 2050 (@CSV2050) October 6, 2025
Асамоа одигра шест натпревари за репрезентацијата на Того. Поголемиот дел од својата кариера го помина во Белгија, а во 2021 година се пресели во Романија. Од минатата година е во Кина.
Спорт
Белгискиот чудотворец ќе го преземе Монако

Белгиецот Себастијан Поконоли (38) сигурно ќе биде новиот тренер на Монако.
Француските и белгиските медиуми пишуваат дека Монако веќе презел конкретни чекори за да ја започне сезоната со ново име на клупата по репрезентативната пауза.
Сегашниот тренер Ади Хитер сè уште го води тимот, но, како што се наведува, само прашање на време е кога ќе добие отказ.
Во клубот од Монте Карло не се најзадоволни од начинот на кој оди сезоната, иако резултатите не се толку лоши за да се преземе таков радикален чекор.
Монако е петти на табелата во Лига 1, само три бода помалку од лидерот ПСЖ, но одредени неуспеси и два убедливи порази го наведоа раководството да размислува за смена на тренерската позиција.
Монегаските „Монегас“ беа поразени со 4:1 од Бриж на почетокот од Лигата на шампионите, 3:1 од Лориен во првенството, а последната капка беше нерешено со Ница (2:2) во последното коло во натпревар во кој Монако имаше играч повеќе еден час.
Белгиските медиуми во четвртокот напишаа дека Поконоли веќе може да се смета за нов тренер на Монако, клубот веќе пронајде замена за него (Рик де Мил од Шарлроа), освен тоа, тој дури и не го водеше последниот тренинг на тимот.
Неговиот помошник Кевин Миралас, кој е специјализиран за работа со напаѓачи, ќе пристигне во Монако „во пакет“ со него.
За потсетување, Унион Сен-Жило сензационално ја освои титулата минатата сезона, откако победи на девет од десет натпревари од плејофот во Белгија.
Претходно, регуларниот дел од сезоната го заврши на третото место.
За историскиот успех на клубот и првата титула по 90 години, најголемата заслуга му припаѓа на Поконоли, чија последна сезона беше прва независна во неговата тренерска кариера.