Спорт
„Лас Вегас? 99 отсто спектакл и 1 долар спорт“

Ново-стариот шампион во Формула 1, Макс Ферстапен не подлегна на еуфоријата од Лас Вегас.
За прв пат во историјата Ф1 ќе се вози во „градот на гревот“, а самото свечено отворање за Ферстепн бил аудио-визуелен спектакл кој има малку допирни точки со спортот.
Само две минути од целата програма беа посветени на возачите, а остатокот беше главно музички концерт и огномет.
„Искрено, тоа е нешто што ми предизвикува многу емоции. Само сакам да се фокусирам на мојот настап. Не ги сакам сите работи што ме опкружуваат. Знам дека се дел од тоа, но не сум заинтересиран. Не е многу интересно. Само сакам да бидам најдобар што можам. Дали ќе ми се допаѓа или не, тоа не зависи од мене, но нема да се преправам“, изјави Ферстапен.
„Го давам моето мислење за позитивните и негативните страни, таков сум. Има луѓе кои повеќе ја сакаат викенд програмата, но јас не. Ми се допаѓа да бидам во Лас Вегас, но не за трките. Тоа е 99 отсто спектакл и спорт од 1 долар. За мене има работи што може да се прескокнат. Само стоевме таму, изгледвеме како кловнови“, истакна Холанѓанецот.
Lighting up the Las Vegas skyline ⚡️#LasVegasGP #F1 pic.twitter.com/MCuEtNE6iA
— F1 Las Vegas (@F1LasVegas) November 16, 2023
Ферстапен веќе ја одбрани шампионската титула со 17 победи во досегашниот дел од сезоната.
Трката во Вегас беше жестоко критикувана поради скапите билети, бидејќи траката ќе започне во 22 часот по локално време (1 часот по полноќ на источниот брег, односно 7 часот наутро во недела по средноевропско време), затворањето на дел од градските улици и фактот дека кога ќе се вози трката температурата на воздухот ќе биде само 4 Целзиусови степени.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Партизан ја освои АБА лигата

Кошаркарите на Партизан ја победија Будуќност од Подгорица во четвртиот натпревар од финалето на АБА лигата и ја освоија шампионската титула.
Партизан против Будуќност победи со 90:75 и ја освои рекордната осма шампионска и повторно стана најтрофејниот тим во историјата на АБА лигата. На тронот црно-белите го наследија градскиот ровал Црвена звезда.
Партизан од средишницата на втората четвртина ја презеде контролата и врз играта и врз резултатот. Будуќност во ниту еден момент не успеа да му се закани на новиот шампион.
Брендон Дејвис беше најефикасен со 18 поени и 4 скока, додека Стерлинг Браун имаше 18 поени, 2 скока и 3 асистенции, а Карлик Џонс 17 поени, 4 скока и 9 асистенции. Двоцифрени со по 13 поени беа и Исак Бонга и Ифе Лундберг.
На другата страна, 23 поени постигнаа Јоги Ферел, 14 Никола Танасковиќ, а по 11 Кенан Камењаш и Рашид Сулејмон.
Спорт
Нов Хрват во Реал Мадрид? Чаби Алонсо навистина „загриза“

Реал Мадрид без хрватскиот играч стана речиси незамислив. Лука Модриќ си заминува, а Анте Будимир би можел да дојде на „Сантијаго Бернабеу“.
Според шпанските медиуми, Чаби Алонсо е сериозно заинтересиран да го доведе напаѓачот на Осасуна.
Секако, „кралскиот клуб“ сака да оди што е можно поевтино, па се разгледува опцијата за активирање на откупната клаузула од 20 милиони евра, но Реал би сакал и таа да се намали.
Планот е во договорот да се вклучи млад фудбалер од академијата на Мадрид, како што се Јакоб Рамон или Лорен Агуада.
Будимир би бил воодушевен да игра за Реал Мадрид, клуб кој го смета за најдобар во светот, а Чаби Алонсо исто така „загриза“ да го доведе.
За многумина е чудно што Реал сака 34-годишен играч, но Хрватот наводно би прифатил да биде резерва и да игра од клупата, како што направи Хоселу минатата сезона кога ја освоија Лигата на шампионите.
Оваа сезона, Будимир постигна 21 гол во Ла Лига и додаде три асистенции. Во Купот на Кралот има уште три гола.
Спорт
Никој не е заинтересиран за Светското клупско првенство, дури ни Меси не сакаат го гледаат

Низок интерес за натпреварите од Светското клупско првенство во САД.
Според светските медиуми, ФИФА е сериозно загрижена за нискиот интерес на навивачите за Светското клупско првенство. Затоа одлучи повторно да ги намали цените на билетите.
Пред два дена беше објавено дека за првиот натпревар од отворањето на натпреварувањето се продадени помалку од 25.000 билети.
Првиот натпревар ќе се игра на стадионот „Хард Рок“ во Мајами, со капацитет од 64.767 седишта. Ривали се домашниот тим Интер Мајами и египетскиот Ал Ахли од Каиро.
За потсетување, Интер е дом на големи светски ѕвезди како што се Аргентинецот Лео Меси, Уругваецот Луис Суарез, Шпанците Серхио Бускетс и Жорди Алба…
🚨 FIFA are seriously concerned about poor fan interest in the Club World Cup and have slashed ticket prices again. 🎟️
Fewer than 25,000 tickets have been sold for the opening match. 😳
(Source: @TheAthleticFC) pic.twitter.com/8HlxKycCN9
— Transfer News Live (@DeadlineDayLive) June 10, 2025
Светското клупско првенство на ФИФА ќе се одржи од 14 јуни до 13 јули. Ќе учествуваат 32 екипи од шест континенти (конфедерации). Натпреварите ќе се играат во 11 градови на 12 стадиони.
Натпреварите од Светското клупско првенство на ФИФА во 2025 година ќе се одржат во државите Њу Џерси, Шарлот, Синсинати, Лос Анџелес, Мајами, Нешвил, Орландо (два стадиони), Филаделфија, Сиетл, Вашингтон и Атланта.