Поранешниот капитен на Англија, Стивен Џерард, рече дека „златната генерација“ не успеала да освои ништо бидејќи ѝ недостасувал тимски дух и бидејќи играчите биле „себични губитници“.

Од 2000 до 2014 година, Џерард одиграл 114 натпревари и постигнал 21 гол за репрезентацијата на Англија, со која не освои ниту еден трофеј.

Тој припаѓа на таканаречената „златна генерација“, заедно со Дејвид Бекам, Пол Сколс, Рио Фердинанд, Џон Тери, Вејн Руни, Гари Невил, Џејми Карагер и други.

Во подкастот на Рио Фердинанд, Џерард го посочи здружувањето на играчите од клубовите како проблем, што ги спречувало да бидат обединети во националниот тим.

„Сите бевме себични губитници. Гледам телевизија и го гледам Џејми Карагер како седи до Пол Сколс и изгледаат како да се најдобри пријатели 20 години. И го гледам односот на Карагер со Гари Невил и изгледаат како да се пријатели 20 години. Веројатно сум поблизок и попријателски настроен со тебе (Фердинанд) сега отколку што бев кога игравме 15 години за Англија“, рече Џерард, објави „Скај Спортс“.

„Зошто не се поврзавме кога имавме 20, 22, 23 години? Дали беше поради ривалството? Не бевме пријатели, не бевме тим, во ниедно натпреварување“, додаде поранешниот капитен на Ливерпул.

Тој истакна дека не му се допаѓа атмосферата во националниот тим.

„Ја мразев. Не ми се допаѓаше. Ги мразев (хотелските) соби. Немаше социјални медиуми, немавме ДВД плеер или нешто слично. Канали на телевизорот од еден до пет, што и да беше. Бев депресивен. Ги обожавав натпреварите. Обожавав да играм за Англија. Бев навистина горд. Уживав во тренингот, но тоа беше 90 минути на ден. А потоа бев сам“, рече тој.

„Не се чувствував како дел од тимот. Не чувствував поврзаност со моите соиграчи од Англија“, додаде Џерард, кој се смета за еден од најдобрите играчи во историјата на Ливерпул.

Поранешниот шампион во мешани боречки вештини на УФЦ, Конор Мекгрегор, беше суспендиран на 18 месеци поради кршење на антидопинг правилата. Ирецот пропуштил три допинг тестови.

Мекгрегор пропуштил три тестови за 12 месеци минатата година, на 13 јуни, 19 и 20 септември, затоа што не им дал на властите информации за неговото живеалиште, објави УФЦ. Неговата суспензија ќе заврши на 20 март 2026 година.

Телото за антидопинг на боречките спортови соопшти дека иако Мекгрегор не бил достапен, тој се опоравувал од повреда и не се подготвувал за претстојната борба.

„Мекгрегор целосно соработуваше со истрагата, ја прифати одговорноста и обезбеди детални информации за кои утврдивме дека придонеле за пропуштените тестови. Како резултат на тоа, стандардната казна од 24 месеци беше намалена за шест месеци“, се вели во соопштението.

Мекгрегор не се натпреварувал во УФЦ, откако ја скрши ногата против Дастин Поарие во јули 2021 година.

Манчестер Јунајтед наводно се согласил да го продаде капитенот Бруно Фернандеш во Саудиска Арабија наредното лето.

Како што објавија некои англиски медиуми, Ал Хилал ќе плати 115 милиони евра за Португалецот.

Ал Хилал му понудил иста сума на Јунајтед ова лето, а Португалецот потоа изјави дека е подготвен да си замине доколку клубот смета дека е време да профитира од неговиот трансфер.

Сепак, Јунајтед и Фернандеш, кои имаат договор до летото 2027 година, ја одбија понудата, а фудбалерот нагласи дека сè уште сака да игра на највисоко можно ниво на големите натпреварувања.

„Сè уште не сум ги остварил своите соништа“, изјави Португалецот пред еден месец.

Саудијците наводно ќе се обидат да го привлечат Фернандеш со нова понуда во јануари, и се подготвени да му дадат неделна нето од околу 800.000 евра.

Тоа е речиси двојно повеќе од она што го заработува на „Олд Трафорд“.

По очајниот почеток на сезоната во која Јунајтед моментално е 14-ти во Премиер лигата со само седум освоени бода од можни 18, заедно со елиминацијата од Лига купот од четвртолигашот Гримсби, Саудијците се надеваат дека Португалецот се предомислил.

Особено затоа што се чини дека е фрустриран од улогата што тренерот Рубен Аморим му ја дава на теренот.

Тој го користи на позиција што бара од него да извршува повеќе дефанзивни задачи, што очигледно не одговара на неговите офанзивни квалитети и влијание врз играта.

Сепак, Аморим, под притисок по лошиот почеток на неговата прва целосна сезона на чело на Јунајтед, не покажува дека е подготвен да ја промени тактиката и да му додели на Бруно фанзивна улога.

Оваа сезона, Фернандес постигна само два гола без ниту една асистенција во осум натпревари. Вкупно, тој постигна 100 гола со 86 асистенции во 298 настапи за Јунајтед.

Јунајтед треба да ги искористи парите од трансферот за да ги доведе млафите играчи Карлос Балеба (Брајтон, 21) и Елиот Андерсон (Нотингем Форест, 22).

Foto/ EPA