Гневот на Реал го предизвика тоа што Винисиус, спротивно на она што со денови се најавуваше, не ја освои Златната топка, најпрестижната индивидуална фудбалска награда, која му припадна на Родри.

Клубот, пет часа пред почетокот на церемонија која се одржа во понеделникот во Париз, го откажа патувањето на својата делегација во која беа 50 луѓе.

Реал не беше среќен што Карло Анчелоти беше прогласен за тренер на сезоната, или што Килијан Мбапе требаше да го добие и подели трофејот „Герд Мулер“ со Хари Кејн за играчот кој постигна најмногу голови (52) минатата сезона. Тоа го постигна како играч на ПСЖ а, но сега ја бојкотираше церемонијата на доделување бидејќи е играч на Реал. На Реал ништо не му значеше што неговите играчи ги освоија второто (Винисиус), третото (Белингем) и четвртото место (Карвахал) во изборот за Златна топка.

Винисиус беше особено повреден поради тоа што не ја доби Златна топка. Бразилецот се подготви да ги однесе семејството и пријателите во Париз, на соиграчите им купи Ролекси во знак на благодарност, а изнајми и хотел во Париз за да ја прослави Златната топка.

Аранча Родригез, радио коментатор и инсајдер на Реал, открива дека бојкотот на церемонијата за доделување на Златната топка е идеја на тренерот на Реал: „Анчелоти дозна дека Винисиус не е добитник на Златната топка и ја претстави идејата, Реал поради тоа да го бојкотира гала настанот. Неговиот став е дека во овие ситуации приоритет е добросостојбата на играчите и тимот.“

Родригез додава: „Одлуката на Реал да не присуствува на цеемонија во Париз не е само чин на протест, туку и гест на поддршка за Винисиус“.

Возбудливата сезона во Формула 1 доби нов заплет во Мексико каде Карлос Саинц победи по втор пат оваа сезона и ја направи борбата за шампионската титула уште покомплицирана и во конкуренција на возачи и во конструктори.

Брилијантниот старт на Ферстапен во оваа сезона навестуваше дека Холанѓанецот лесно ќе дојде до нова шампионска титула. Сепак, тоа не се случи. По последната победа на Ред Бул во Шпанија имавме четири различни победници, Ферстапен победи седум пати, по еднаш славеа Саинц, Норис и Леклерк.

Но, она што се случи по Шпанија беше сè освен очекувано на многу начини. Прво, Ред Бул се во серија од десет трки без победа, што се нема случено од 2014 и 2015 година кога имаа низа од 30 трки без победа.

Второ, добивме уште три различни победници од трката во Австрија, со што вкупниот број на победници се искачи на седум. Ова се нема случено од 2012 година кога осум различни возачи беа на највисокото скалило на подиумот.

Но, последното нешто што отиде уште подалеку во минатото е бројот на возачи со најмалку две победи, по победата на Саинц во Мексико сега е шест, две Ферари (Леклер и Саинц), два Мекларен (Норис и Пјастри), Мерцедес (Хамилтон) и Ред Бул (Верстапен).

Последен пат таква ситуација беше во 1981 година, кога исто така шест возачи имаа најмалку по две победи, првите петмина и седмопласираниот во генералниот пласман таа сезона.

Тоа беа шампионот Нелсон Пике, кој ја освои својата прва од трите титули, Карлос Ројтман, шампионот од 1980 година Алан Џонс, Жак Лафит, Ален Прост и Жил Вилнев кој беше седми.

Покрај споменатите шест возачи победи и Џон Вотсон, така што вкупниот број на победници е седум, како и во 2024 година.

Но, во 1981 година беа возени само 15 трки, додека возачите во 2024 година веќе извозеа 20 трки и имаат уште четири пред крајот, што ги прави шесте двојни победници од 1981 година уште поневеројатни.

Следната трка од овогодинешниот шампионат се вози веќе овој викенд за Големата награда на Бразил во Сао Паоло.

Тренерот на Манчестер сити, Пеп Гвардиола, во пресрет на натпреварот со Тотенхем во Лига купот изјави дека се уште не може да смета на еден од своите најдобри играчи, Кевин Де Брујне.

„Да знаев кога ќе се врати, ќе ви кажев. Тој се чувствува доволно добро за да тренира, но не доволно добро за да игра на нивото на кое ни треба. Сè уште чувствува болка кога ја шутира топката. Тој се чувствува подобро, но сепак не доволно добро“, изјави Гвардиола на прес-конференција.

Де Брујне ја заработи повредата против Интер во второто коло од првиот натпревар од Лигата на шампионите на 18 септември и оттогаш е надвор од терените.

Освен него, Гвардиола нема да може да смета на Кајл Вокер, Џек Грилиш, Џереми Доку и Оскар Боб, како и на претходно повредениот добитник на Златната топка, Родри за кого оваа сезона е завршена.

Сити моментално е прв на табелата во Премиер лигата, а во првите три натпревари во Лигата на шампионите освои седум бода.