Спорт
Лазаров: Како колектив сме подобри од Црна Гора

Македонските репрезентативци се подготвуваат за натпреварот со Црна Гора, на Европското првенство во Унгарија и Словачка. Овој дуел е клучен за двете селекции за понатамошните амбиции на првенството. Македонија и Црна Гора, во првата рунда беа поразени од Словенија, односно Данска.
Пред утрешниот натпревар, селекторот на Македонија одржа прес конференција.
„Нема да ја потценам Црна Гора. Имаат добри индивидуалци, можеби индивидуално се подобри од нас, но сигурен сум дека како колектив ние сме посилни. Ја анализираме нивната игра. Јасно е дека треба да се концентрираме на нашата игра, а не на она што ќе го игра противникот. Само од нас зависи дали во иднина ќе бележиме добри резултати или не. Фокусот мора да биде поголем, против Словенија направивме премногу грешки“, вели селекторот Лазаров, кој поради повреда на ЕП нема да игра.
Натпреварот со Црна Гора, во Дебрецин, Македонија ќе го започне во 18 часот.
Фото/facebook.com/rfm
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Ленгле како слободен играч потпиша со Атлетико

Францускиот фудбалер Клеман Ленгле потпиша договор со Атлетико Мадрид до јуни 2028 година.
Ленгле беше член на Барселона, а минатата сезона ја помина на позајмица во Атлетико.
Францускиот фудбалер го раскина договорот со Барселона порано денес, а потоа потпиша тригодишен договор со Атлетико Мадрид како слободен агент. Минатата сезона, Ленгл одигра 34 натпревари за мадридскиот клуб и постигна три гола.
Покрај Барселона и Атлетико, дефанзивецот играше и за Астон Вила, Тотенхем, Севиља и Нанси.
Спорт
Киву го презеде Интер

Романскиот фудбалски стручњак Кристијан Киву (44) е назначен за нов тренер на Интер од Милано.
Киву потпиша договор со тимот од „Џузепе Меаца“ до 30 јуни 2027 година.
Тој го наследи Симоне Инзаги на клупата на вицешампионите на Европа и Италија. Инзаги минатата недела поднесе оставка и замина во Ал Хилал.
Киву поднесе оставка од тренерската позиција на Парма пред да биде назначен во Милано.
Романецот беше тренер на младинските категории на Интер од 2018 до 2024 година, а како играч беше член на клубот од Милано од 2007 до 2014 година.
Спорт
Започна чистката на „Олд Трафорд“, први на удар ветераните

Данскиот фудбалер Кристијан Ериксен (33), шведскиот дефанзивец Виктор Линделоф (30) и поранешниот репрезентативец на Северна Ирска Џони Еванс (37) ќе го напуштат Манчестер Јунајтед на 30 јуни, објави англискиот клуб.
Во соопштението се наведува дека договорите на тројцата фудбалери со Манчестер Јунајтед истекуваат на 30 јуни и дека англискиот тим не смета на нив следната сезона, бидејќи клубот од „Олд Трафорд“ одлучил да не ја продолжи соработката со Ериксен, Еванс и Линделоф.
Еванс беше член на Манчестер Јунајтед од 2006 до 2015 година, а се врати во клубот од „Олд Трафорд“ во 2023 година. Ирецот и претходно објави дека ќе се пензионира.
Ериксен пристигна во Манчестер Јунајтед во 2022 година, додека Линделоф е член на „Црвените ѓаволи“ од 2017 година.