Балканците, Никола Јокиќ и Лука Дончиќ, повторно се тема во американската јавност. Изминатата ноќ, Јокиќ постигна 41, а Дончиќ 31 поен.

Далас Маверикс против Бостон Селтикс, имаа 11 поени предност во последните три минути, не успеаја да ги сочуваат, Селтикс го презедоа водството и во тие моменти на сцена стапи Дончиќ. Словенецот за 15 секунди постигна две тројки за конечен триумф на Далас од 110:107.

Лидерот на Маверикс натпреварот го заврши со 31 поен, 10 скока и осум асистенции.

Денвер Нагетс славеа во дуелот со Портланд 111:106.

Јокиќ натпреварот го заврши со 41 поен, по пет скока и асистенции и една украдена топка. Ова е петтиот натпревар од почетокот на сезоната на кој Јокиќ постигнува 40 или повеќе поени.



Тренерите на Истокот и Западот ги избраа резервите за Ол-стар натпреварот, кој на програмата е на 8 март, во Атланта.

Американците потенцираат дека меѓу резервите ги нема Тре Јанг од Атланта и Девин Букер од Финикс, играчи кои со она што го покажуваат од почетокот на сезоната, заслужија да играат на натпреварот на сите ѕвезди.

Јанг има просек од 26,9 поени, 9,5 асистенции и 3,9 скока, а Букер просечно бележи 24,7 поени, 4,3 асистенции и 3,8 скока по натпревар.

Тренерите Квин Снајдер и Док Риверс ги избраа овие играчи:

Запад: Крис Пол, Пол Џорџ, Демијан Лилард, Донован Мичел, Руди Гобер, Зајон Вилијамсон и Ентони Дејвис.

Исток: Џејмс Харден, Џулиус Рендл, Џејсон Тејтум, Џејлен Браун, Зек Лавин, Бен Симнс и Никола Вучевиќ.

Претходно, со гласовите на навивачите беа избрани стартните петорки:

Запад: Леброн Џејмс, Стеф Кари, Лука Дончиќ, Каваи Ленард, Никола Јокиќ

Исток: Кајр Ирвинг, Бредли Бил, Кевин Дурент, Јанис Адетокумбо, Џоел Ембид.

Баерн Минхен, со убедливата победа над Лацио во Рим, зачекори во четврт-финалето, во Лигата на шампионите. Европските шампиони победија со 4:1 и поставија нов рекорд во елитното натпреварување.

Натпреварот во Рим беше 17. гостување на Баварците во Лигата на шампионите на кое не доживеале пораз.

Последен пат во гости се поразени во 2017 година.

На вечната листа зад Баерн се Манчестер јунајтед и нивната серија од 16 мечеви без пораз, во периодот од 2007 до 2010 година.