Спорт
ЛЕ: Арсенал и Рома сигурни, Велковски и Риека ги исфрустрираа Сосиедад
Арсенал и Рома со убедливи победи го потврдија своето место во нокаут фазата во Лига Европа, но лидерите во Ла лига, Реал Сосиедад немаат сигурно место, откако Риека успеа да одигра 2:2 на „Аноета“ благодарение на голот на македонскиот репрезентативец Дарко Велковски.
Арсенал, играјќи првпат пред домашна публика (од само 2.000 среќни навивачи), со 4:1 ги совладаа Рапид Виена за петта победа во пет меча во Лига Европа, во спротивност на домашната форма. И Рома беа убедливи, иако губеа рано од Јанг бојс, стигнувајќи до 3:1 победа за обезбедување на првото место во групата А.
Најнеизвесно во последното коло ќе биде во групата Ф, откако Наполи и Сосиедад не успеаја да ги потврдат фаворитските улоги. Наполи одигра само 1:1 на гостувањето кај холандскиот вице-шампион АЗ Алкмар, додека Сосиедад дома се „сопнаа“ против Риека, кои досега немаа ниту еден освоен поен. Дарко Велковски го постигна првиот гол за Риека за 0:1 во 38. минута, а тие двапати водеа, пред да се задоволат со реми. Во последното коло Наполи го пречекува Сосиедад во директна пресметка за пласман.
ЛИГА ЕВРОПА, 5.КОЛО
ГРУПА А
Рома – Јанг бојс 3:1
ЦФР Клуж – ЦСКА Софија 0:0
Табела: 1.Рома 13, 2.Јанг бојс 7, 3.ЦФР Клуж 5. 4.ЦСКА Софија 2
ГРУПА Б
Арсенал – Рапид Виена 4:1
Молде – Дандалк 3:1
Табела: 1.Арсенал 15, 2.Молде 9, 3.Рапид В. 6, 4.Дандалк 0
ГРУПА Ц
Ница – Баер Леверкузен 2:3
Славија Прага – Хапоел Бер Шева 3:0
Табела: 1.Славија П. 12, 2.Баер Л. 12, 3.Ница 3, 4.Хапоел БШ 3
ГРУПА Д
Бенфика – Лех Познањ 4:0
Глазгов Ренџерс – Стандард Лиеж 3:2
Табела: 1.Ренџерс 11, 2.Бенфика 11, 3.Лех 3, 4.Стандард Л. 3
ГРУПА Е
Гранада – ПСВ Ајндховен 0:1
Омонија – ПАОК 2:1
Табела: 1.Гранада 10, 2.ПСВ 9, 3.ПАОК 5, 4.Омонија 4
ГРУПА Ф
АЗ Алкмар – Наполи 1:1
Реал Сосиедад – Риека 2:2
Табела: 1.Наполи 10, 2.Сосиедад 8, 3.Алкмар 8, 4.Риека 1
АРСЕНАЛ – РАПИД ВИЕНА
РОМА – ЈАНГ БОЈС
РЕНЏЕРС – СТАНДАРД ЛИЕЖ
АЗ АЛКМАР – НАПОЛИ
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Пандев за клупската телевизија ќе го коментира мечот Интер-Црвена звезда
Интер во вторник ќе ја пречека Црвена звезда во второто коло, во Лигата на шампионите. За клупската телевизија како стручен консултатнт натпреварот ќе го работи еден од најдобрите македонски фудбалери на сите времиња, Горан Пандев.
Звезда е неговата прва љубов, но со Интер ги доживеа најубавите моменти во кариерата. Нема да биде лесно да се одлучите на кого ќе навива.
„Да, тежок избор. Кога бев дете, речиси сите во Македонија ја поддржуваа Црвена звезда, но Интер ја одбележа мојата кариера, таму освоив се. Би сакал да биде добар натпревар, нека биде возбудлив и многу голови. од двете страни“, изјави Пандев за „Моцарт спорт“.
Интер е шампион на Италија, пред две сезони играше во финалето на Лигата на шампионите и јасно е дека е апсолутен фаворит во дуелот со црвено-белите.
„Интер не ја започнаа добро сезоната поради многу повреди во тимот, но влегуваат во ритам. Славеа на гостински терен против одличниот тим на Удинезе и се вратија на победничкиот колосек. Интер има одлични играчи на клупата што можат да направат разлика. Во Удине на местото на повредениот Барела играше Фратези скоро цел натпревар, дури и даде гол, но мислам дека Зјелински ќе стартува покрај Чалханоглу и Мхитаријан во редот за врска против Звезда. Од почеток треба да играат и Дамфрис и Павар кои одмараа“.
Пандев смета дека овој тим на Интер не може да се замисли без двајца фудбалери.
„Без Чалханоглу, овој тим е незамислив. Тој е лидер, а конечно во ритам влезе и Лаутаро со два гола против Удинезе. Тој е врвен напаѓач, само прашање на време беше кога повторно ќе почне да постигнува голови“.
Барела нема да игра прптов Црвена звезда поради повреда, а српскиот шампион на „Џузепе Меаца“ ќе биде без најдобриот играч Мирко Иваниќ, десниот бек Огњен Мимовиќ и веројатно без израелскиот голман Омри Глазер.
„Штета за Иваниќ, тој е одличен играч, но Звезда летово донесе квалитетни фудбалери како Круниќ и Силас, кои знаат да играат јаки натпревари. Имаат физички силен тим и ми се чини дека се добро подготвени. Ќе играат во Милано без притисок, немаат што да загубат. Од Интер се очекува да победи, но тоа не е секогаш лесно, особено не во Лигата на шампионите каде што сите играчи и тимови се желни. да се докажат“, рече Пандев.
Спорт
(Видео) Делап со два гола спречи триумф на Астон Вила
Фудбалерите на Ипсвич и Астон Вила ремизираа 2:2 (1:2) во претпоследниот натпревар од 6. коло на Премиер лигата.
Новајлијата во Премиер лигата им пружи силен отпор на гостите, кои можеа да се најдат на втората позиција зад водечкиот Ливерпул, но најзаслужен што тоа не се случи е напаѓачот на Ипсвич, Лиам Делап.
Талентираниот 21-годишен напаѓач стана најмладиот играч во историјата на клубот кој постигнал гол на два последователни натпревари на домашен терен.
Ипсвич, се уште нема победа во Премиер лигата, во првите шест кола „трактористите“ четири пати ремизираа.
Делап во осмата минута му донесе водство на Ипсвич по долг и трпелив напад на домашните.
Не требаше многу да реагираат гостите, во 15. минута успеаја да израмнат преку Морган Роџерс, пресврт направија во 32.минута кога со глава погоди англискиот репрезентативец Оли Воткинс.
Ипсвич успеа да дојде до бод во 72. минута по одличен контранапад на Делап за конечни 2:2.
Спорт
Убедливи победи на Шкендија и Брера, Работнички славеше против Шкупи, Струга и Гостивар освоија по бод
Шкендија и АП Брера забележаа убедливи победи во дуелите со Вардар и Пелистер во 8.коло, во Првата македонска фудбалска лига. Во дербито актуелниот првак Стуга ТЛ и Гостивар одиграа 2:2, Работнички во градската пресметка го победи Шкупи со 2:1, Беса со минимален резултат ја победи екипата на Воска спорт, а без голови заврши дуелот меѓу Тиквеш и Силекс.
Дуелот на Шкендија и Вардар требаше да бид дерби, но домашниот тим за само 27 минути ги реши сите дилеми околу победникот. Трумчи погоди во третата, Ибраими во 13. и Ахмеди во 27.минута. Конечните 4:0 ги постави Рамадани во 73.минута.
Дуелот во Тетото беше тензичен, судијата покажа 11 жолти картони, а во последните 10 минути голманот на Вардар Гачевски се пожали дека бил погоден со некаков предмет од трибината. Потоа тој имаше мала вербална расправија со Ибраими кој се обиде да го смири страстите. На крајот од мечот Гачевски со помош на полицијата го напушти теренот.
Резултати, 8.коло:
Работнички-Шкупи 2:1
(Регба 36′, Пинтер 56′(аг) – Стојановски 78′)
Беса-Воска спорт 1:0
(Селмани 11′)
АП Брера– Пелистер 4:0
(Ристовски 45’+3, Јанкулов 47′, Ивковиќ 61′, Тодоровски 68′)
Струга ТЛ – Гостивар 2-2
(Кехинде 25′, Компаоре 45’+2 – Ајдоган 36′, Симоновски 85′)
Шкендија- Вардар 4:0
(Трумчи 3′, Ибраими 13′, Ахмеди 27′, Рамадани 73′)
Тиквеш-Силекс 0:0
Табела: