Спорт
ЛЕ: Арсенал и Рома со пресврт-победи, Наполи дома загуби од „десеткуваниот“ Алкмар

Арсенал и Рома со пресврт во второто полувреме успеаја да стигнат до победи во првото коло од Лига Европа, додека Наполи немаше толку среќа и дома загуби од холандскиот АЗ Алкмар, тим кој имаше 9 фудбалери во аут со корона вирусот.
Во Виена, Рапид имаше 1:0 водство против Арсенал до 70-тата минута, кога во четири минути „топчиите“ обезбедија победа преку Давид Луиз и капитенот Пјер-Емерик Обамејанг.
Слично беше и во Швајцарија, каде што Јанг Бојс имаа 1:0 водство против Рома со гол од пенал од 14-тата минута. Бруно Переш израмни во 69. минута, пред албанскиот репрезентативец Мареш Кумбула да обезбеди победа во 74. минута.
На „Сан Паоло“, Наполи успеа да загуби од холандскиот АЗ Алкмар со 0:1 со голот на Дани де Вит во 57. минута. Најефикасно беше во Леверкузен, каде што Баер со 6:2 ја „растури“ Ница на Патрик Виеира.
ЛИГА ЕВРОПА, 1.КОЛО
ГРУПА А
ЦСКА Софија – ЦФР Клуж 0:2
Јанг Бојс – Рома 1:2
ГРУПА Б
Дандалк – Молде 1:2
Рапид Виена – Арсенал 1:2
ГРУПА Ц
Баер Леверкузен – Ница 6:2
Хапоел Бер Шева – Славија Прага 3:1
ГРУПА Д
Лех Познањ – Бенфика 2:4
Стандард Лиеж – Ренџерс 0:2
ГРУПА Е
ПАОК – Омонија 1:1
ПСВ Ајндховен – Гранада 1:2
ГРУПА Ф
Наполи – АЗ Алкмар 0:1
Риека – Реал Сосиедад 0:1
РАПИД ВИЕНА – АРСЕНАЛ
ЈАНГ БОЈС – РОМА
НАПОЛИ – АЛКМАР
БАЕР ЛЕВЕРКУЗЕН – НИЦА
РИЕКА – РЕАЛ СОСИЕДАД
ПСВ АЈНДХОВЕН – ГРАНАДА
ЛИЕЖ – РЕНЏЕРС
ЛЕХ – БЕНФИКА
ПАОК – ОМОНИЈА
ЦСКА СОФИЈА – ЦФР КЛУЖ
ДАНДАЛК – МОЛДЕ
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Јувентус го договори Жегрова и го испрати Гонзалес во Атлетико

Јувентус, во финишот на преодниот рок обезбеди важно засилување. Поранешниот фудбалер на Лил, Едон Жегрова доаѓа во Јувентус. Во исто време клубот ќе го напушти Нико Гонзалес.
Косовскиот репрезентативец пристигнува од француски Лил, каде што играше претходните три сезони и се профилираше како еден од најдобрите играчи во Лига 1 на позицијата офанзивен играч за врска.
Жегрова ќе му се придружи на својот поранешен соиграч од Лил во Јувентус, Канаѓанецот Џонатан Давид, кој исто така им се придружи на Бјанконерите ова лето, но како слободен играч.
Италијанските медиуми објавуваат дека Јувентус ќе му плати 15 милиони евра на Лил
За репрезентацијата на Косово досега одигра 42 натпревари и постигна пет гола.
Исто така, на претпоследниот ден од преодниот рок, раководството на „старата дама“ ја прифати понудат од Атлетико за Аргентинецот, Нико Гонзалез.
Сезонава, Нико ќе настапува како позајмен играч во Атлетико. Клубот од Мадрид ќе плати еден милион евра за позајмицата.
На крајот од сезоната, во завосност од настапите, Атлетико ќе може да го откупи договорот на Аргентинецот за за сума помеѓу 20 и 30 милиони евра.
Фото/ Принтскрин
Спорт
(Видео) Шок во Милано, Удинезе го победи Интер

Вицепрвакот на Италија и Европа, Интер доживеа шокатнтен пораз на „Џузепе Меаца“ во второто коло, во Серија А. Удинезе победи со 2:1.
Интер поведе во 17-та минута со голот на Дензел Дамфрис по додавањето на Маркус Турам.
Во 26-та минута, Дамфрис играше со рака во шеснаесетникот. Во првиот момент, судијата покажа дека нема пенал, но доби сигнал од ВАР собата. Откако ја провери снимката, ја промени својата одлука. Кенин Дејвис беше прецизен во 29-та за 1:1.
Во 40-та минута, Артур Ата прими одлична топка на работ од шеснаесетникот и брилијантно постигна гол за водство на гостите.
Мрежата на Удинезе се тресеше во 56-та минута, но по проверката на ВАР, голот на Федерико Димарко беше поништен поради офсајд.
Подоцна, Интер имаше одлична можност преку Турам, но не успеа да освои барем бод на овој натпревар.
Foto/ EPA/MATTEO BAZZI
Спорт
(Видео) Влаховиќ за победа на Јувентус во Џенова
Фудбалерите на Јувентус ја победија Џенова на гостински терен во второто коло од Серија А со 1:0.
Единствениот стрелец беше српскиот фудбалер Душан Влаховиќ во 73-та минута, на асистенција на неговиот сонародник Филип Костиќ.
Јувентус изгледаше лошо во поголемиот дел од натпреварот, се мачеше да создаде шанса, па Џенова лесно ги одбиваше нападите на противникот.
Клучен момент беше 70-минута кога тренерот Игор Тудор на теренот ги испрати Влаховиќ и Костиќ. Три минути подцна српската врска му ја донесе победата.
Во следното коло Јувентус го очекува големото дерби против Интер.
Foto/ corriere.it