Спорт
ЛЕ: Елмас и Наполи со емотивна победа над Риека, Рома и Тотенхем доминантни
Наполи со 2:0 ја совлада Риека во меч од четвртото коло во Лига Европа, за да се пробијат на првото место во својата група во еден емотивен меч по смртта на легендата на клубот и на светскиот фудбал, Диего Марадона.
Уште пред да започне мечот, беше јасно дека нема да биде вообичаен меч од пониската европска лига, откако илјадници фанови се собраа пред стадионот „Сан Паоло“ (кој набргу ќе го добие името на Марадона) и со факли му оддадоа огнена почит на „Ел пибе дел оро“. Потоа, стартерите на Наполи, меѓу кои и македонскиот репрезентативец Елиф Елмас на стартот го носеа дресот со број 10 во честа на Марадона оддавајќи му минута почит.
На теренот, Наполи дојде во водство во 41. минута со автоголот на Анастасио, додека Ирвинг „Чаки“Лозано во 75. минута со одлична реакција ги постави конечните 2:0. Наполи сега има 9 поени во групата, додека Реал Сосиедад и АЗ Алкмар се на 7 на две кола пред крајот.
Сигурно победи остварија и фаворитите – Рома со 2:0 славеше на гости кај ЦФР Клуж, додека Тотенхем дома со 4:0 го растури Лудогорец.
ЛИГА ЕВРОПА, 4.КОЛО
ГРУПА А
ЦФР Клуж – Рома 0:2
ГРУПА Б
Дандалк – Рапид Виена 1:3
ГРУПА Ц
Баер Леверкузен – Хапоел Бер Шева 4:1
Ница – Славија Прага 1:3
ГРУПА Д
Ренџерс – Бенфика 2:2
Стандард Лиеж – Лех Познањ 2:1
ГРУПА Е
Гранада – Омонија 2:1
ПСВ Ајндховен – ПАОК 3:2
ГРУПА Ф
АЗ Алкмар – Реал Сосиедад 0:0
Наполи – Риека 2:0
ГРУПА Ј
Тотенхем – Лудогорец 4:0
НАПОЛИ – РИЕКА
ТОТЕНХЕМ – ЛУДОГОРЕЦ
КЛУЖ – РОМА
РЕНЏЕРС – БЕНФИКА
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Ѓокереш наредното лето се сели на „Олд Трафорд“
Напаѓачот на Спортинг од Лисабон, Виктор Ѓокереш (26), игра неверојатно во последните две сезони. Формата во која се наоѓа ги привлече најголемите европски клубови. Јасно е дека Ѓокереш ќе напушти Спортинг, како што сега стојат работите тоа ќе се случи наредното лето.
Ѓокереш за тимот од Лисабон има нестварен учонок, 67 гола на само 70 натпревари. За националниот тим веќе има постигнато 15 гола на 26 натпревари.
Наводно интерес за шведскиот репрезентативец покажале Арсенал, Челзи, ПСЖ, Барселона, но тој наводно го избрал Манчестер јунајтед, каде од пред три недели работи неговиот тренер од Спортинг Рубен Аморим.
Постои можност Швеѓанецот да го напушти Спортинг во јануари, но реално е трансферот да се реализира дури на лето. Напаѓачот има откупна клаузула од 100 милиони евра, но наводно во Спортинг ги прифатиле и понуда од 70 милиони евра.
Спорт
Халеп по суспензијата на Ига: Мене сакаа да ме уништат
Откако во четвртокот тенискиот свет го потресе скандалот со допинг и суспензијата на Ига Швјонтек, ден подоцна се огласи Симона Халеп, која повторно упати критики кон Единицата за интегрит во тенисот (ИТИА).
Симона Халеп беше суспендирана поради позитивен тест на роксадустат. Скоро две години се бореше да докаже дека недозволената супстанца ја внела во телото преку контаминирана храна храна. На крајот успеа да ја докаже својата невиност, но претходно изречената суспензија и ја уништи кариерата.
Првично, Романката доби четири годишна суспензија, која откако и беше усвоена жалбата беше намалена на два години.
„Седам и се обидувам да разберам, но многу ми е тешко да разберам вакво нешто.
Застанувам и се прашувам – зошто има толку голема разлика во третманот и расудувањето?
И не можам да разберам дека може да има логична причина.
Може да се само лошите намери на ИТИА, организација која направи апсолутно се за да ме уништи, и покрај сите докази.
Секогаш верував во добро, во фер третман, верував во добра волја.
Беше болно и сè уште е болно и можеби неправдата што ми беше направена ќе биде болна засекогаш. Како да прифатам дека ВТА не сакаше да ми го врати пласманот што го заслужувам?
Во последните две години од мојата кариера имав премногу непроспиени ноќи, нервоза, неодговорени прашања… Но, ја добив правдата. Се испостави дека има контаминација.
И добив уште нешто – душата ми остана чиста. Се чувствувам разочарано, се чувствувам луто, се чувствувам фрустрирано.
Благодарен сум за поддршката и безусловната љубов што ја добивав секој ден. Ви благодарам!“
Спорт
Емануел Пети тврди дека врз Мбапе е фрлена магија
Килијан Мбапе дефинитивно ги преживува најтешките моменти во кариерата. Засега, Реал на теренот не доби ништо од францускиот репрезентативец.
Критиките на навивачите и медиумите кон Мбапе се засили по натпреварот со Ливерпул во Лигата на шампионие. Во средата, Ливерпул победи со 2:0, а Мбапе при резултат 1:0 промаши пенал и одигра исклучително лош натпревар.
Најлуда теорија за лошата форма во која се наоѓа Мбапе има поранешниот француски репрезентативец, Емануел Пети. Пети, европски и светски првак со Франција врди дека Мбапе е маѓепсан.
„Навистина мислам така“, изјави 54-годишниот за „РМЦ Спорт“ и предизвика неверување кај присутните во студиото.
„Вие не верувате, но јас верувам дека е така“, рече Петит, а на прашањето кој го маѓепса, тој одговори: „Можеби Погба? Не знам“.
Пети со последната изјава алудира на претходниот судски спор меѓу Пол Погба и неговиот брат Матијас во 2022 година.
Матијас го обвини својот брат Пол дека и платил на вештерка за фрли магија на Мбапе.