Спорт
ЛЕ: Гринвуд пак блесна за Јунајтед, Башакшехир го шокираше Менхенгладбах (видео)

Борусија Менхенгладбах излета во групната фаза во Лига Европа, откако во финишот на мечот прими гол за 1:2 пораз од Башакшехир, со кој турскиот клуб го освои првото место во групата Ј пред Рома, која одигра само 2:2 со австрискиот Волфсбергер, додека Мејсон Гринвуд постигна два гола за Манчестер јунајтед со убедлива 4:0 победа над АЗ Алкмар да го завршат натпреварувањето по групи.
Менхенгладбах со 1:1 беше на првото место на табелата во групата Ј пред Рома, но голот на Французинот Енцо Кривели во 90-тата минута го крена Башакшехир на првото место со 10 поени, пред Рома со 9.
На „Олд Трафорд“, со многу изменет состав, тимот на Оле Гунар Солскјер стигна до убедлива 4:0 победа над холандскиот Алкмар, благодарение на двата гола на Гринвуд, но и голот и асистенцијата на Хуан Мата. Гринвуд, со ограничен број на натпревари оваа сезона, има постигнато 6 гола за „ѓаволите“ и е втор најдобар стрелец во тимот по Маркус Рашфорд со 13 гола.
И вториот премиерлигашки претставник, Вулверхемптон е во нокаут фазата откако со 4:0 го декласираше Бешикташ благодарение на хет-трикот на Диого Жота.
ЛИГА ЕВРОПА, 6.КОЛО
ГРУПА Г
Порто – Феенорд 3:2
Ренџерс – Јанг бојс 1:1
Табела: 1.Порто 10, 2.Ренџерс 9, 3.Јанг бојс 8, 4.Феенорд 5
ГРУПА Х
Еспањол – ЦСКА Москва 0:1
Лудогорец – Ференцварош 1:1
Табела: 1.Еспањол 11, 2.Лудогорец 8, 3.Ференцварош 7, 4.ЦСКА М. 5
ГРУПА И
Волфсбург – Сент-Етјен 1:0
Гент – Олександрија 2:1
Табела: 1.Гент 12, 2.Волфсбург 11, 3.Сент-Етјен 4, 4.Олександрија 3
ГРУПА Ј
Рома – Волфсбергер 2:2
Борусија Менхенгладбах – Башакшехир 1:2
Табела: 1.Башакшехир 10, 2.Рома 9, 3.Борусија М. 8, 4.Волфсбергер 5
ГРУПА К
Слован Братислава – Брага 2:4
Вулверхемптон – Бешикташ 4:0
Табела: 1.Брага 14, 2.Вулфс 13, 3. Слован Б. 4, 4.Бешикташ 3
ГРУПА Л
Манчестер јунајтед – АЗ Алкмар 4:0
Партизан – Астана 4:1
Табела: 1.Манчестер ј. 13, 2.Алкмар 9. 3.Партизан 8, 4.Астана 3
МАНЧЕСТЕР ЈУНАЈТЕД – АЛКМАР
РОМА – ВОЛФСБЕРГЕР
ВУЛВЕРХЕМПТОН – БЕШИКТАШ
ВОЛФСБУРГ – СЕНТ-ЕТЈЕН
ПОРТО – ФЕЕНОРД
РЕНЏЕРС – ЈАНГ БОЈС
ЛЕ: Клуж го исфрли Лацио, Арсенал први откако Ајнтрахт загуби добиен меч (видео)
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
(Видео) Бетис за полувреме ја реши Џирона – Миовски повторно не играше

Фудбалерите на Бетис убедливо ја победија Џирона на гости со резултат 3:1 (3:0) во последниот натпревар од 32.коло на шпанската Ла Лига. Македонскиот репрезентативец, Бојан Миовски, поразот на својот тим го гледаше од клупата за резерви.
Полуфиналистот од Конференциската лига ја продолжи добрата форма на стадионот „Монтилви“ и до крајот на сезоната ќе води голема борба за пласман во Лигата на шампионите. .
Веќе во шестата минута Џони Кардосо на додавање на Иско ја најави победата на тимот од Андалузија.
Во 39. минута Антони го удвои водството, а три минути подоцна Иско зголеми на 3:0.
Џирона во вториот дел успеа само да постигне утешен гол преку Кристијан Стуани во 86. минута.
Бетис, сега е на шестата позиција со 51 освоен бод, додека Џирона е на 16. место со 34 бодови и до крајот на сезоната ќе се бори за опстанок во лигата.
Спорт
(Видео) Форест ја продолжи мизеријата на Тотенхем – „Шумарите“ се чекор поблиску до ЛШ

Фудбалерите на Нотингем Форест славеа над Тотенхем во Лондон (2:1), во последниот натпревар од 33. коло на Премиер лигата.
Тимот на Нуно Еспирито Санто се врати на третото место кое го држи со 60 бодови и е во добра позиција во борбата за Лигата на шампионите. „Шумарите имаат бод повеќе од Њукасл, два од Манчестер сити и три од Челси и Астон Вила.
Тотенхем продолжи ужасните резултати оваа сезона, го забележа 18.пораз и се наоѓа на на 16. место со 37 бодови.
Форест во првите 16 минути постигна два гола кои на крајот беа довлни за тимот на Еспирито Санто да ја забележи 18. победа во сезоната.
Во петтата минута Елиот Андерсон го постигна првиот гол, а само 11 минути подоцна Крис Вуд да го совлада Викарио со глава и да ја удвои предноста.
Тој резултат долго време беше на сила, домашните се обидоа да ја намалат предноста, имаа неколку добри шанси во вториот дел, но само Ришарлисон постигна гол во 87. минута.
Интересно ова е четврти гол за Бразилецот во сезоната, сите четири натпревари Тотенхем ги загуби.
Форест во следното коло го чека Брентфорд, додека Тотенхем ќе му гостува на Ливерпул.
Спорт
Сензација во финалето – Го Ахед Иглс го освои холандскиот куп

Фудбалерите на Го Ахед Иглс вечерва го освоија својот прв трофеј во 122-годишната историја на клубот. Во финалето на Купот на Холандија, Иглс го победија АЗ Алкмар.
Финалето одиграно на стадионот „Де Кајп“ во Ротердам аутсајдерот победи по подоброто изведување пенали.
Пред речиси 43.000 гледачи резултатот по 90 минути беше 1:1, а двата гола беа постигнати од белата точка.
Трој Перо го доведе АЗ Алкмар во водство во 54. минута, а израмни Матс Дејл во деветтата минута од судиското надополнување.
Во продолженијата од два пати по 30 минути немаше голови, па започна пенал-рулетот каде резултатот беше 4:2 за „орлите“.
АЗ промаши два пенали, односно: Бурместер и Лахдо, додека кај новиот освојувач на трофејот прецизен беа четворицата кои шутираа.